“Kɔ’ɔn Ti’iseri Ya Yele Aŋa Wa”

Bem yɛla? Filipi 4:8 yeti to ti’isa yelese’a n de yelemɛŋɛrɛ, ninmɔ’ɔrɛ yɛla, tontɔɔ, kasi, nɔŋerɛ, yelese’a n nari, n ani soŋa la yelese’a n nari pɛka. Yelemɛŋɛrɛ la dela ba ka pɛregɛ Kristakɔma ti ba ti’isa Baabule la ma’a yɛla saŋa woo. Ge to ti’iseri sɛla to suure poan la nari ti la pɛɛra Yehowa puurɛ mɛ. La ka nari ti to ti’isa yelese’a n wan basɛ ti la kpe’em bo to ti to tara yelemɛŋɛrɛ bɔ’ɔra en.​—Ym 19:14.

La ta’an ni kpe’em bo to ti to zaɣesɛ putɛbe’ero. La nari ti to zabɛ la tomea inya wa n ka ani kasi la, la Sitaana, “teŋa wa zuo yenɛ la.” (2Ko 4:4) Eŋa n biseri teŋgɔŋɔ wa la zuo, yelese’a ti to nyɛta tv poan, wuna walesi poan, nyɛta intanɛt poan la sɛla ti to kaala dela yaalegɔ tuuma. To san ka bisa tomea soŋa la yelese’a ti to ti’isa la, to wan sa’am to puti’ira hali ti to sareŋɔ tee.​—Yam 1:14, 15.

BISƐ ZAƔESƐ SƐLA N WAN SA’AM HO YELEMƐŊƐRƐ NƆŊERƐ LA​—DE’ENYOORO VIDIYO LA GE LEBESE SOKERE ANA WA:

• 

  Bem ti mabia la biseri ni a fom la poan ge bala daa daam en la wani?

• 

  Galatia 6:7, 8 la Yooma 119:37 soŋɛ en la wani?