Teŋgɔŋɔ La “Nyu Ko’om La”

Diimi yɛla zo’e zo’e poan, gɔmɛt kpɛ’ɛndoma soŋɛ Yehowa nɛreba mɛ. (Ezr 6:1-12; Es 8:10-13) Hali la zina beere wa me, to nyɛ “teŋa wa”​—nɛresɛba n tari putɛsonɛ la​—kɔ’ɔn nyuura “ko’om la” n de yaarɛ ti “bonsɛ’kantɛ la,” n de Sitaana Kolekpabɛ’a la tara paara to la. (Lil 12:16) Yehowa, se’em n de “faanrɛ Yenɛ” la, ta’an basɛ ti asaala gɔmɛt soŋɛ a nɛreba.​—Ym 68:20; Mag 21:1.

Ge ba san paɣɛ hɔ ho sakerɛ la zuo? Da malum tara puti’ira ayi ayi ge Yehowa wan te’ele ho. (Pin 39:21-23; Ym 105:17-20) Tara suure lua ti Yehowa wan kã bo ho la ho sakerɛ la zuo ge me tɛra ti ho birikinte la kpemeseri ho mabiisi n boi teŋgole wa za’a poan giila mɛ.​—Flp 1:12-14; Lil 2:10.

BISƐ VIDIYO LA N DE BA YU’Ɛ KOREA MABIISI SAREGA POAN BASƐ GE NYAA LEBESE SOKERE ANA WA:

• Beni n sɔi ti ba yuun paɣɛ to mabiisi n boi South Korea teŋa yuuma zo’e zo’e?

• Kootindoma la kɔ’ɛ ba puti’ira la wani ti ba nyaa yu’ɛ to mabiisi la basɛba basɛ?

• To wan eŋɛ la wani soŋɛ to mabiisi sɛba n kelum bɔna sarega poan, ba sakerɛ la zuo la?

• To wan ta’an dekɛ to fai bɔŋa la tum tuuma la wani nananawa?

• Ani n soŋeri tɔ ti to zabera nyaŋera kootin poan?