Nɛra La A Pɔɣa N Wan Eŋɛ Se’em Basɛ Ti Ba Pɔɣedire La Ana Soŋa

Abraham la Sarah yuun eŋɛ la makesonɛ ba pɔɣedire la poan doose la ba yuun nɔŋɛ ge bɔ’ɔra taaba gilema se’em la. (Pin 12:11-13; 1Pe 3:6) Ba pɔɣedire la n ka di mi’a la zuo, ba yuun tu’useri yeledaaŋɔ mɛ ba vom poan. Nɛra la a pɔɣa wan eŋɛ la wani ta’an tɔɣesɛ Abraham la Sarah makesonɛ wa?

Sɔsera ya. Ho pɔɣa bii ho sira sunsua san yie ti a tɔɣera yetɔɣeyooro, ni ma’ɛ homea kelese en. (Pin 16:5, 6) Nyɛti ya saŋa bɔ’ɔra taaba. Basɛ ti ho yetɔɣum la ho itigɔ pa’alɛ ti ho nɔŋɛ ho pɔɣa bii ho sira. Sɛla n gaŋɛ za’a la, yamam n boti ya tara bɔnsoŋa la Yehowa la zuo, ni naɛ ya taaba zamesa, zusa ge ita deodoma pu’usegɔ. (Pa 4:12) Ho pɔɣedire san ana soŋa la na’aseri la Yehowa, Se’em n eŋɛ maaseŋɔ wa la.

BISƐ VIDIYO LA ZUO N DE HON WAN EŊƐ SE’EM BASƐ TI HO PƆƔEDIRE LA ANA SOŊA GE NYAA LEBESE SOKERE ANA WA:

• Itipa’alegɔ vidiyo la poan, hon nyɛ la bem n pa’alɛ ti Agandaa la Adongoma ka le lɛna taaba?

• Beni n sɔi ti sɔsega yele ba’ɛ pakɛ pɔɣedire poan?

• Abraham la Sarah makesonɛ la soŋɛ Agandaa la Adongoma la wani?

• Bem teere ti Agandaa la Adongoma eŋɛ ti ba pɔɣedire la ana soŋa?

• Beni n sɔi ti la ka nara ti nɛra la a pɔɣa ti’isa ti ba pɔɣedire la kan tara yeledaaŋɔ?