Ho Wan Ta’an Mɔɔla Ge Pa’ala!

Pɔsega la, Moses yuun ka ti’isɛ ti a wan nyaŋɛ tum tuunɛ la ti Yehowa dekɛ bo en la. (Yɛh 4:10, 13) La tabelɛ ana hon bala? Hon la Yehowa Sɛɛradoma n zameseri Baabule la? Hon ti’iseri la buyi buyi ti ho kan nyaŋɛ tum yire la yire na’am mɔɔlegɔ la? Bii ho dela bunbilipaalega ti dabeem tara hɔ ti ho mɔɔlɛ sukuu poan. Bii dabeem n tari hɔ ti ho di sɛɛra nɛreba n boi zɛ’an bii fon poan. Zusɛ Yehowa ti a bo ho a vo’osum la. (1Pe 4:11) Tara suure lua ti a wan soŋɛ hɔ ti ho tum tuunɛ woo ti a dekɛ bo ho la.​—Yɛh 4:11, 12.

BISƐ VIDIYO LA ZUO N DE TARA SUKPE’ENE . . . LA HON DE NA’AM MƆƆLEGƆDAANA LA GE LEBESE SOKERE ANA WA:

• Bem yeledaaŋɔ ti Mabipɔka Aoyama daa tu’usɛ?

• A daa nyɛ paŋa la sukpe’ene la bɛ?​—Yer 20:7-9

• A daa nyɛ nyuurɔ la wani la en daa tiregerɛ ti a tum Yehowa tuuma la?

• Bem yeledaaŋɔ ti Yehowa wan soŋɛ hɔ na’am mɔɔlegɔ tuuma la poan?