TO BƆNA WUU KRISTAKƆMA
Bisɛ Homea Soŋa Ge Da Tɔɣera Yelese’a N Daɣɛ Yelemɛŋɛrɛ
Zina beere wa, lasebaarɛ yɛla kɔ’ɔn dɔla la gɔnɔ, walesi, tv la Intanɛt poan yiregera paara nɛreba tustusa. Sɛba n pu’useri ‘yelemɛŋɛrɛ Naayinɛ’ la ka boti ba tɔɣera lasebaarɛ yelese’a n daɣɛ yelemɛŋɛrɛ, hali ba san puɣum ka baŋɛ. (Ym 31:5; Yɛh 23:1) To san tɔɣera yelese’a n daɣɛ yelemɛŋɛrɛ bɔ’ɔra nɛreba, la wan ta’an dɛna dɛŋa paa. Ho san bɔta ho baŋɛ nyaa yele la dela yelemɛŋɛrɛ bii la daɣɛ, soke homea yeti:
‘Yele la ze’ele la bɛ?’ Se’em n yele ho la ta’an kan mina yelemɛŋɛrɛ la za’a. Nɛra san yele a tadaana sɛla ti a mi yele nɛra, yele la ni tee mɛ, bala la da tɔɣɛ de yele ho san ka mina yelemɛŋɛrɛ la za’a. Mabiisi mi ti sɛba n tari yɔ’ɔ tansugere la poan ni tɔɣera la yelese’a n de yelemɛŋɛrɛ, bala la, la nari ti ba bisɛ bamea soŋa ge da tɔɣera yelese’a n daɣɛ yelemɛŋɛrɛ
‘Yele la zɛregeri la nɛra?’ Ba san tɔɣera zɛregera la nɛra bii nɛreba basɛba la ka nari ti ho tɔɣɛ de bo nɛra.—Mag 18:8; Flp 4:8
‘Yele la tari vuurɛ?’ Bisɛ homea soŋa ho san kɛlesa nɛreba zi’irego poan yɛla bii yelese’a ti nɛra woo tɔɣera de yele
BISƐ VIDIYO LA ZUO N DE N WAN EŊƐ LA WANI BASƐ YELEBIBESI? GE LEBESE SOKERE ANA WA:
Wuu Magaha 12:18 n yele se’em la, yelebibesi wan ta’an daam nɛra la wani?
Filipi 2:4 wan soŋɛ to la wani ti to kan ba’ɛ tɔɣeri nɛreba yɛla?
La nari ti to eŋɛ la bem to sɔsega la san ta dɛna ti to zɛregeri la mabia?
Sokere ani ti la nara ti to soke tomea to san bɔta ti to tɔɣɛ nɛra yele?