To Kumesɛ Tomea Na’am Mɔɔlegɔ Poan—Ta’an Tɔɣɛ Bo Nɛra N Boi A Deo Poan

LA YELE N PAKƐ SE’EM: Tuunfɛ’ɛsa n kɔ’ɔn pirɛ zɛ’an woo la zuo, nɛreba zo’e zo’e ka le bɔta ti ba basɛ ti saama kɛ̃’ɛra ba yɛa yoo yoo. Teŋkãra ase’a poan, nɛreba basɛba tari la kamera bii intercom ba yɛa poan. Bala ni basɛ ti ba bɔna deo poan ge nyɛta nɛra n boi gate ta’an tɔɣera la en. To san yeti to mɔɔlɛ bo nɛra ti to ka nyɛta, dabeem ta’an tara tɔ. Yele ana wa wan soŋɛ tɔ ti to tara sukpe’ene to san yeti to mɔɔlɛ bo nɛra ti to ka nyɛta en.

TO WAN EŊƐ DE SE’EM:

• Tara putɛsonɛ. Daanse’ere nɛreba zo’e zo’e wan bɔta ti ba tɔɣɛ bo to hali ba san bɔna ba deo poan

• Tɛ̃ra ti ho san ta paɛ nɛra yire gate, nɛra la puɣum ni nyɛ ho mɛ ge ti ho nyaa di’e bell bii ŋmɛ gate la

• Nɛra san sakɛ, tɔɣɛ bo en wuu a ze me la ho la. La mɔsi ge lɔbera ho nu’usi ti la makɛ ma’a. Hon maasum yelese’a ti ho tɔɣɛ bo nɛreba la, kɔ’ɔn tɔɣɛ yele aŋa nɔɔ bo en. Kamera san bɔna gate la nɔɔren, da ba’ɛ lɛm kamera la.

• Ho san sɔsɛ la nɛra la ba’asɛ, tɛ̃ra ti nɛra la ta’an kelum bisa ge kɛlesa hon tɔɣeri sɛla la. Bala la hon nan ze bilam la, bisɛ homea soŋa la yelese’a ti hon la ho tadaana la sɔsa la