Gu Ho Pɔɣedire

Yehowa geele pɔɣedire nɔpɔrɛ ti la dela ninmɔ’ɔrɛ. A yeti nɛra la a pɔɣa dela ba naɛ taaba bɔna soŋa. (Mt 19:5, 6) Naayinɛ nɛreba zo’e zo’e tari pupeelum mɛ ba pɔɣedire poan ti la dɛna makesonɛ. Ge pɔɣedire ka boi n di mi’a. Yeledaaŋɔ boi bim mɛ. To da makɛ ti’isa ti welesego bii lebesego wan ta’an maalɛ nɛra la a pɔɣa yeledaaŋɔ. Nɛra la a pɔɣa n de Kristakɔma wan eŋɛ la wani gu ba pɔɣedire la?

Geele yɛla anuu wa bisɛ.

1. Gu ho suure ge zaɣesɛ itigɔ n de wuu ho sarena la nɛra n daɣɛ ho pɔɣa bii sira la yalumtuuma de’eŋo, bala wan ta’an sa’am ho pɔɣedire la.​—Mt 5:28; 2Pe 2:14.

2. Basɛ ti hon la Naayinɛ zɔtɔ la kpe’em ge me ita sɛla n wan basɛ ti a puurɛ pee la ho pɔɣedire la.​—Ym 97:10.

3. Tiregɛ tɔɣesa Yehowa ho ti’isegɔ la ho itigɔ poan, bala n wan basɛ ti ho luɣerɛ kpɛ’a puurɛ pee.​—Kol 3:8-10, 12-14.

4. Tara ya gilema bɔ’ɔra taaba ge me mina sɔsega soŋa soŋa.​—Kol 4:6.

5. Tara ya giile la nɔŋerɛ ge tɛra taaba yele gã’aregɔ poan.​—1Ko 7:3, 4; 10:24.

Kristakɔma pɔɣeba la sireba san na’asa taaba, la pa’alɛ ti ba na’aseri la Yehowa Se’em n basɛ ti pɔɣedire bɔna la.

BISƐ VIDIYO LA ZUO N DE LA SONTI “TO ŊMIBE ZƆTA”​—DƆLA ZUA LA KISA GE NYAA LEBESE SOKERE ANA WA:

• 

  La boi bim ti pɔsega poan, pɔɣedire ta’an ana soŋa ge bem yeledaaŋɔ n wan ta’an bɔna bim?

• 

  Baabule naresum yɛla wan ta’an soŋɛ sɛba n ti’iseri ti ba ka tari pupeelum ba pɔɣedire poan la wani?

• 

  Bem pa’alegɔ ti Yehowa dekɛ bo ti la soŋɛ pɔɣedire?

• Nɛra la a pɔɣa wan eŋɛ la wani ti ba pɔɣedire la ana soŋa?