To Pu’usɛ Naayinɛ La Krista La To Beere Sa’am Faarɛ La

Bem yeledaaŋɔ ti hon tu’usa ho vom poan? Ho dela deo zuodaana n mɔɔri ti ho tum ho zugbere tuunɛ? Ho dela dɔɣera n boi ho ma’a ge tiregera ti ho diisa ho deodoma? Ho dela bunbilipaalega ti ho sukuu tadaandoma pɛregera hɔ? Ho dela mina n ka tari imma’asum bii ho kuregeri mɛ? Nɛra woo tari yeledaaŋɔ mɛ. Kristakɔma zo’e zo’e kɔ’ɔn tu’usa la gurebisɛ n boi to’ore to’ore ba zi’irego poan. Ge to mi ti la kan yue Yehowa wan ta maalɛ nɛra woo yeledaaŋɔ.​—2Ko 4:16-18.

Ge sankaŋa n nan ka paɛ la, to tari suure lua ti Yehowa bɔkeri yeledaaŋɔ se’a n paari to la mɛ ge ti a puurɛ me pee la to tari yelemɛŋɛrɛ la. A wan kã bo to la to ŋmiberi se’em la. (Yer 29:11, 12) Yezu me ti’iseri tomam ayima ayima woo yele mɛ. A yeti: ‘A wan sirum bɔna la tɔ’ ti to ta’an tum to Kristakɔma zugbere tuunɛ la ba’asɛ. (Mt 28:20) To san ti’isa taɣesa kã’a se’a ti to wan ta nyɛ Naayinɛ Na’am la poan la, la wan kpemese to giila ge me wan soŋɛ tɔ ti to kɔ’ɔn lu to suure ta’an ŋmibe ze’ele gurebisɛ se’a n paari tɔ la nananawa la.​—Arom 8:19-21.

BISƐ VIDIYO LA ZUO N DE KUSEBEKATƐ LA N PƆ̃RI LA, KƆ’ƆN KELUM BASƐ TI HO PUTI’IRƐ BƆNA YEZU POAN!​—BEERE NA’AM LA KÃ’A GE NYAA LEBESE SOKERE ANA WA:

• Sore kani poan ti asaaleba zaɣesɛ Naayinɛ ge bem n eŋɛ ba?

• Sɛba n tari yelemɛŋɛrɛ bɔ’ɔra Yehowa la wan nyɛ la bem kã’a beere sa’am?

• Pu’ulumbiŋere wa wan eŋɛ la wani sirum tum tuuma?

• Bem kã’a ti hon ti’isa ti ho wan ta nyɛ teŋpaalega la poan?