Maasum Mɔɔla Bɔ’ɔra Nɛra Woo

Wuu Yehowa n yuun tigese Israeldoma la se’em la, bala mea nɔɔ ti a tigese tomam me zina beere wa ti to ta’an tuna a puti’irɛ n boti sɛla. Teŋgɔŋɔ wa za’a poan, tigere yila, teŋgiresi, tansuga la na’am mɔɔlegɔ tigesego woo naɛ la taaba mɔɔla na’am yelesoma la. To mɔɔli bɔ’ɔra nɛra woo mɛ hali la sɛba n tɔɣeri yetɔɣum busebo me.​—Lil 14:6, 7.

Hon maasum ti ho zamesɛ yetɔɣum busebo ta’an soŋɛ nɛreba ti ba baŋɛ yelemɛŋɛrɛ la? Hali ho san kan nyɛ tɛm zamesɛ yetɔɣum, JW Language app la wan ta’an soŋɛ hɔ ti ho zamesɛ na’am mɔɔlegɔ sɔsega la. Ho nyaa san dekɛ de tum tuuma na’am mɔɔlegɔ poan, ho wan tara pupeelum wuu yuun kɔbesɛka n deŋɛ nɛŋa mabiisi la. Ba yuun nyɛ nɛreba n ze’ele tisi buuri buuri poan n wum “yelenyalema se’a te Yenɛ daa eŋɛ” bamea yetɔɣum poan la, yuun basɛ ti ba puurɛ pee mɛ.​—Tm 2:7-11.

BISƐ VIDIYO LA ZUO N DE WA’ANA DƐNA YEHOWA ZƆ​—TA’AN MƆƆLƐ YETƆƔUM BUSEBO POAN GE NYAA LEBESE SOKERE ANA WA:

• 

  Sankani ti hon wan ta’an dekɛ JW Language app la tum tuuma?

• 

  Ku tari la bem yɛla?

• 

  Nɛreba la n boi ho gingilega la poan la tɔɣeri la bem yetɔyum?

• Ho wan eŋɛ la wani nɛra san bɔna ho gingilega poan tɔɣera yetɔɣum busebo ge bɔta yelemɛŋɛrɛ la?​—od-E 100-101 ¶39-41