Tara Nɔŋerɛ Ho Deodoma Poan

Nɔŋerɛ dela sĩ’iro n basɛ ti deodoma ana tapilapi la taaba. Deodoma san ka tara nɔŋerɛ, la wan kpe’em ti ba tara nɔyinɛ laɣum bɔna. Sireba, pɔɣeba la dɔɣereba wan eŋɛ la wani tara nɔŋerɛ ba deo poan?

Sira n tari nɔŋerɛ wan mina sɛla n pakɛ a pɔɣa, kɛlesa en ge mina la ani en se’em. (Ep 5:28, 29) A wan diisa a deodoma vo’osum la innaanɛ poan ge me ita Deodoma Pu’usegɔ saŋa woo. (1Ti 5:8) Pɔɣa n tari nɔŋerɛ wan siregera amea ge ‘na’asa’ a sira. (Ep 5:22, 33; 1Pe 3:1-6) Nɛra la a pɔɣa nari ti ba dita sugeri bɔ’ɔra taaba. (Ep 4:32) Dɔɣereba n tari nɔŋerɛ wan basɛ ti ba kɔma la ayima ayima woo yele pakɛ ba ge me pa’ala ba ti ba nɔŋɛ Yehowa. (Tɛ 6:6, 7; Ep 6:4) Yeledaaŋɔ ani n paari ba kɔma la sukuu poan? Ba ŋmiberi ba tadaanadoma pɛregerɛ poan la wani? Nɔŋerɛ san bɔna deodoma poan, ba wan bɔna fai ti suma’asum me bɔna.

BISƐ VIDIYO LA ZUO N DE TARA NƆŊERƐ N KƆ’ƆN BƆNA WUUHA HO DEODOMA POAN GE NYAA LEBESE SOKERE ANA WA:

• 

  Sira n tari nɔŋerɛ wan eŋɛ la wani diisa a pɔɣa ge basɛ ti a yele pakɛ en?

• 

  Pɔɣa n tari nɔŋerɛ wan eŋɛ la wani na’asa a sira?

• 

  Dɔɣereba n tari nɔŋerɛ wan eŋɛ la wani tara Naayinɛ Yelesum la pa’ala ba kɔma?