Pɔɣedire Dela Laɣeŋɔ N Boi Wuusa

Kristakɔma pɔɣedire san ana soŋa, la ni basɛ ti nɛra la a pɔɣa la tara la pupeelum ti Yehowa me nyɛta na’asegɔ. (Mr 10:9) Kristakɔma pɔɣedire san wan ta’an ana soŋa ge me bɔna wuusa, la nari ti ba bisɛ Baabule naresum yɛla ta’an loe ba luɣerɛ kpɛ’a.

Yɛm wan bɔna bim ti ho “zɔɛ bunbilipaalumen kunkoma’asum saŋa” n de sansɛka ti gã’aregɔ kunkoma’asum ta’an burum ho puti’irɛ la ge nyaa ta’an lɛɣɛ nɛra. (1Ko 7:36) Dekɛ sansɛka ti ho nan dɛna nɛreyonɛ la basɛ ti hon la Naayinɛ zɔtɔ nyɔka la kpe’em ge me tara halesoma. Bala nyaa wan maasum hɔ ti ho ta’an basɛ ti ho pɔɣedire la ana soŋa.

Ge ti ho nyaa di bii ele nɛra, ma’a homea nyaŋɛ baŋɛ eŋa n sirum de nɛresɛka taaba a “suuren.” (1Pe 3:4) Ho san tara puti’ira ayi ayi la nɛra la n ani se’em, zi’ire ya sɔsɛ de yele. Wuu asaala woo zɔtɔ nyɔka n ani se’em la, pɔɣedire dela ho bisɛ hon wan ta’an eŋɛ sɛla bo ho luɣerɛ kpɛ’a la ge daɣɛ hon wan nyɛ sɛla. (Flp 2:3, 4) Ho san tara Baabule naresum yɛla tuna tuuma nananawa, la wan dɛna naana bo ho ti ho dekɛ a tum tuuma ho pɔɣedire poan ta’an tara pupeelum.

BISƐ VIDIYO LA ZUO N DE MAASUM PƆƔEDIRE​—BƆBERƐ 3: “TI’ISƐ BISƐ” SOŊA GE NYAA LEBESE SOKERE ANA WA:

• Mabipɔka la, la Atanga daa bɔ taaba ta paɛ la wani ma’a?

• Ba daa kelum bɔta taaba la, mabipɔka la daa nyɛ la bem?

• A dɔɣeriba daa soŋɛ en la wani ge a daa nyaa kɔ’ɛ a puti’irɛ ti a eŋɛ la bem?