To Zusega Dela Tuulum Bɔ’ɔra Yehowa

Zusega sɛka ti Yehowa kɛlesa ni ana me wuu ko’ɛnka nyuuŋo somɔ ti ba ni nyɔ̃ Yehowa nɛŋan pu’usegɔ deo la poan n ani se’em la. (Ym 141:2) To san ni yele to saazuo Sɔ la yelese’a n daani tɔ, ton eeri sɛla, ton nɔŋɛ en, la to puurɛ n pee la en se’em ge me yele en ti a pa’ala tɔ a sarɔtɔ la, wana wa pa’alɛ ti tomam la eŋa zɔtɔ nyɔka la dela ninmɔ’ɔrɛ bɔ’ɔra tɔ. Yelemɛŋɛrɛ, Yehowa geele to ni zusera en to zamesegɔ zɛ’ɛsi la ti la dela ninmɔ’ɔrɛ yele n pa’asɛ to pu’usegɔ poan. Ge tomea zusega poan, Yehowa puurɛ ni pee mɛ to san yese to suuren zusɛ en ti la yue!​—Mag 15:8.

BISƐ VIDIYO LA ZUO N DE ZUSEGA DELA SƐLA YELE N PAKƐ MAM PAA GE NYAA LEBESE SOKE ANA WA:

• Mabia Johnson yuun nyɛ la bem yɔ’ɔ Yehowa tuuma poan?

• Sore kani poan ti Mabia Johnson yuun dekɛ amea delum Yehowa zusega poan?

• Hon zamesɛ la bem Mabia Johnson zi’irego poan yele la poan?