TO BƆNA WUU KRISTAKƆMA

Gu Homea A Yelege N Meadoma Pa’alegɔ Poan

Sitaana la a nɛreba la ni parena la yɛla bɔ’ɔra tɔ ti ba ta’an sa’am to sakerɛ la. (2Ko 11:3) Makerɛ, Asiriadoma la yuun ka tɔɣɛ yelemɛŋɛrɛ la za’a ge me yuun kɔ’ɔn parena ti ba kɔ’ɔsɛ Yehowa nɛreba giila. (2Ye 32:10-15) A yelege n meadoma la iti la bala mea zina beere wa. To nari ti to geele a yelege n meadoma pa’alegɔ la wani? Kɔ’ɔn bisɛ ti ba pa’alegɔ la dela yabega! Da kaala ba yɛla, da tɔɣera bɔ’ɔra ba bii ho tɔɣera ba yɛla bɔ’ɔra nɛreba. Ho san nyɛ bii ho kaalɛ la yele n boti ho tara puti’irɛ ayi ayi la Yehowa tigere la, eŋɛ kalam baŋɛ ti la dela a yelege n mea pa’alegɔ ge zaɣesɛ dɛ!—Yude 3, 4.

“‘Tiregɛ Zabɛ Po’e Ho Sakerɛ La’!—Ase’a” vidiyo la yɛla ase’a. Mabia David Splane n de Tigere Zuo Bisegadoma la ayima.

BISƐ VIDIYO LA ZUO N DE ‘TIREGƐ ZABƐ PO’E HO SAKERƐ LA’!—ASE’A GE NYAA LEBESE SOKE ANA WA:

Beni n sɔi ti la nara ti to bisa tomea soŋa to san sɔsera la nɛreba intanɛt poan?

Lebese
To wan ta’an dekɛ ka’aŋɔ seko n boi Arom 16:17 la tum tuuma la wani?

Lebese