TO BƆNA WUU KRISTAKƆMA
Dekɛ Homea Delum Yehowa Se’em Ma’a Ti Nɛra Daana Hɔ
Kandaasi ta’an pɔɣelum tɔ bii sa’am to suure. Ba san giisa to pu’usegɔ ti to paleŋa ɛ̃kɛ, bala ta’an basɛ ti ba sa’am tomam la Yehowa bɔnsoŋɔ la. Nɛra san bɔta ti a daam hɔ, ho wan eŋɛ la wani ta’an tara homea soŋa?
Yehowa yamesi zo’e zo’e dekɛ la bamea delum Yehowa ti la soŋɛ ba ti kandaasi ka nyaŋɛ ba. (Ym 18:17) Makerɛ, Ester yuun tɔɣɛ ti la niɛ peelumi ti Haman dela putɔya n boti a daam nɛreba. (Es 7:1-6) Ester yuun lu la nɔɔrɛ ti la pa’alɛ ti a dekɛ la amea delum Yehowa ge nyaa yuun tɔɣɛ Haman yele la. (Es 4:14-16) Yehowa yuun kã bo Ester mɛ ge te’ele eŋa la A nɛreba la.
Bunbilipaalesi, nɛra san daana ya, ni yele ya Yehowa ti a soŋɛ ya ge nyaa tɔɣɛ bo nɛra n kumesɛ n de wuu ya dɔɣereba. Ya wan ta’an tara puti’irɛ ti Yehowa wan soŋɛ ya wuu eŋa n yuun soŋɛ Ester se’em la. Bem ti ho wan ta’an le eŋɛ, nɛra san daana hɔ?
BISƐ VIDIYO LA ZUO N DE BUNBILIPAALESI VOM—N WAN EŊƐ LA WANI NƐRA SAN DAANA MAM? GE NYAA LEBESE SOKE ANA WA:
Bunbilipaalesi wan ta’an zamesɛ la bem Charlie la Ferin makesonɛ la poan?
Dɔɣereba wan ta’an zamesɛ la bem Charlie la Ferin yetɔɣum la poan ta’an soŋɛ ba kɔma ti ba ta’an ŋmibe ze’ele se’em ma’a ti nɛra daana ba?