TO BƆNA WUU KRISTAKƆMA
Mam N Wan Eŋɛ Sɛla Ta’an Soŋɛ Ti To Kelum Tara Yusonɛ
Nɛreba nyɛti Yehowa Sɛɛradoma sareŋɔ mɛ. (1Ko 4:9) To ta’an soke tomesi yeti, ‘Mam yetɔɣum la n itigɔ tari gilema bɔ’ɔra Yehowa?’ (1Pe 2:12) Yuuma zo’e zo’e n wana ti Yehowa Sɛɛradoma eŋɛ pa’alɛ ti ba tari yusonɛ. To kan bɔta ti to eŋɛ sɛla n wan sa’am to yusonɛ la.—Pa 10:1.
Gulesɛ Kristabia n nari ti a eŋɛ se’em yele ana poan, la Baabule naresum yele n wan ta’an soŋɛ en:
Nɛra n daɣɛ sɛɛradaana sunsɔa n nyie ti a zɛregera hɔ
Ho lɔɣeyɛɛtɔ, ho loore bii ho yire san dɛ̃ɣɛ
Ba biŋe la lɔɔ ya gingilega la poan ti la kpe’em bo ti ho dɔla
Mabisɛba n tuni Gulesegɔ Wele la poan viisa yɛla la, iti la wani soŋera ti to tara yusonɛ?
BISƐ VIDIYO LA ZUO N DE TO TIREGERI MƐ TI TO BASƐ TI NƐREBA TARA NƆŊERƐ LA GILEMA BƆ’ƆRA YELEMƐŊƐRƐ LA GE NYAA LEBESE SOKERE WA:
Bem n basɛ ti hon puurɛ pee la tigere la n tiregeri se’em viisa yɛla ti la kɔ’ɔn makɛ ma’a la?