Ho San Zamesa, Tiregɛ Nyɛ Yele Paala

To san maasum ti to zamesɛ, to ta’an soke tomea yeti, ‘Mam boti n zamesɛ la bem?’ Ge la nari ti to tɛ̃ra ti, to ta’an ti’isa ti to wan zamesɛ la yele deyima wana mɔpi ge bala ka pa’alɛ ti Yehowa ka boti to zamesɛ yɛla ase’a me pa’asɛ. To wan eŋɛ la wani ta’an kɛlesa Yehowa n boti a paalɛ to sɛla la?

Zusɛ Naayinɛ ti a bo ho yɛm. Zusɛ Yehowa ti a soŋɛ hɔ ti ho baŋɛ eŋa n boti ho zamesɛ sɛla nananawa. (Yam. 1:5) Da ti’isa ti hon puɣum zamesɛ yelese’a la ma’a seke ya.—Mag. 3:​5, 6.

Basɛ ti Naayinɛ yelesum la n tari paŋa la soŋɛ hɔ ti ho eŋɛ teere. “Na’ayenɛ yetɔgom vɔe mɛ.” (Heb. 4:12) Bala la to san kaala Baabule la, to wan nyɛ yele paala ti to wan ta’an dekɛ tum tuuma to vom poan. To san wan ta’an eŋɛ bala la nari ti to basɛ ti Naayinɛ pa’alɛ tɔ.

Basɛ ti ho puure pee la Yehowa n paalɛ ho yelese’a woo la. Yehowa n pa’ali to yelese’a la ani wuu ba duɣɛ la disoŋa bo to. (Isa. 25:6) Da zaɣesɛ ti ho kan kaalɛ yelese’a ti ho ti’isa ti ho puurɛ kan pee la a la. Basɛ ti Naayinɛ soŋɛ hɔ ti ho dɛna nɛresonkɔ. Bala n wan basɛ ti ho tara pupeelum ho zamsegɔ la poan!