Basɛ Ti Baabule La Ana Wuu Biseŋa Bɔ’ɔra Hɔ

Podɔla Yames dekɛ Baabule la makɛ mɛ la biseŋa n basɛ ti to mina ton de nɛresɛka taaba. (Yam. 1:​22-25) To wan eŋɛ la wani basɛ ti Baabule la ana wuu biseŋa bɔ’ɔra tɔ?

Ma’ara homea kaala. To san ita kãbi kãbi bisa biseŋa poan, to ta’an kan nyɛ sɛla n labɛ to nɛŋa. Bala mea nɔɔ ti to san bɔta ti to mina ton de nɛresɛka taaba, la nari ti to ma’ara tomea kaala Naayinɛ Yelesum la.

Bisɛ lan wan soŋɛ homea se’em ge daɣɛ basɛba. Saŋa ase’a ton zãli biseŋa la se’em la ta’an basɛ ti to nyɛta basɛba. To puti’irɛ ta’an bɔna ban tari gelegeri se’em la. Bala mea nɔɔ to ta’an kaala Baabule la ge ti’isa nɛreba basɛba tuure yɛla. Ge wana kan soŋɛ tɔ ti to ta’an nyɛ tomea tuure ge tee.

Tara putɛsonɛ. To san bisɛ biseŋa poan nyɛta yelese’a ti to ka bɔta la ma’a, bala ta’an basɛ ti to giila kɔ’ɔsɛ. La nari ti to tara putɛsonɛ to san kaala Baabule la ge me da ɛɛra ti to eŋɛ zɔɛ Yehowa n boti se’em la.—Yam. 3:17.