Yezu Yuun “Kelom . . . Nana” Mɛ

Yezu yuun kɔ’ɔn nana Yehowa mɛ. (Yon 8:29) Ge beni n sɔi ti Baabule la yeti: A “kelom mina a nana n de sɛla mɛ la namehe seko woo poan te a daa nyɛ la”?—Heb. 5:8.

Yezu n yuun boi tingɔŋɔ wa zuo ti yelese’a paɛ en la, yuun ka paɛ en se’em ma’a ti a bɔna saazuo la. A dɔɣereba yuun nɔŋɛ Yehowa mɛ ge ba yuun ka di mi’a. (Lu. 2:51) Yezu yuun ŋmibe mɛ se’em ma’a ti pu’usegɔ nɛŋadoma, la gɔmɛtdoma yuun namesa en la. (Mt. 26:59; Mr. 15:15) Leyɛ’ɛsa, a yuun ki la nimbaalega kum. Baabule la yeti: “A daa de se’em n daa sirihe a mɛŋa ge daa nana Yenɛ te ba daa tare en keŋɛ ta ko.”—Flp. 2:8.

Yele ana wa yuun basɛ ti Yezu baŋɛ la eŋa n nari ti a nana se’em. Yele ana yuun ka tabelɛ paɛ en saazuo sa. Bala n yuun soŋɛ en ti a ta’an dɛna Naba n di mi’a, la Malema Nɛŋadaana n fabeli to yele. (Heb. 4:15; 5:9) Yezu n yuun namesɛ se’em ge kelum nam Yehowa la yuun basɛ ti Yehowa nɔŋɛ en mɛ paa. Daaŋɔ san paara tɔ ti to kelum nana Yehowa, a wan nɔŋɛ tɔ ge me basɛ ti to ta’an tum tuunɛ woo.—Yam. 1:4.