Hon Tɛ̃ri?

Hon nyaŋɛ kaalɛ yuunɛ wa Pigera Zontua zamesegɔ yɛla la? La san dɛna bala, bisɛ nyaa ho wan ta’an lebese soke ana wa:

Beni n sɔi ti to pɛ̃ɣera Yehowa?

Ton nɔŋɛ Yehowa la n sɔi ti to pɛ̃ɣera en. Leyɛ’ɛsa, ton boti nɛreba baŋɛ Yehowa la n sɔi ti to pɛ̃ɣera en.—w25.01, gɔn. 3.

Nɛra san eŋɛ ho sɛla ti la daam hɔ, ho wan eŋɛ la wani ta’an di sugeri?

Lan ni ana ho se’em la ta’an basɛ ti ho tum som bii be’em; to san ka ugera yɛla, to wan ita nɛreba soŋa. La me ni basɛ ti to puurɛ pee mɛ ti to ka le ti’isa yele aŋa.—w25.02, gɔn. 15-16.

Beni n sɔi ti podɔla Mark yele la wan ta’an soŋɛ mabiburaasi n de bunbilipaalesi?

Mark yuun sakɛ mɛ laɣum tum na’am mɔɔlegɔ tuuma la. La boi bim ti la yuun daam en mɛ ti a suure sa’am ge bala yuun ka gu Mark ti a kan soŋera a mabiisi la. A yuun tari la bɔnsoŋa la Paul, la Kristakɔma sɛba n kumesɛ.—w25.04, gɔn. 27.

Yezu n yuun zusɛ yeti: “N bahɛ te ba mina hɔ” la vuurɛ? (Yon 17:26)

Yezu podɔleba la yuun puɣum mina Naayinɛ yu’urɛ mɛ. Ge Yezu yuun basɛ ti ba baŋɛ la Yehowa yu’urɛ la n de sɛla, maɣesɛ wuu A puti’irɛ, a tuuma, la a hala n ani se’em.—w25.05, gɔn. 20-21.

To san mina to tɔregɔ beene, to wan bɔkɛ la bem yele?

To wan bɔkɛ ti daɣɛ sɛla woo ti to mina. Makerɛ, to ka mi sansɛka ti ba’asegɔ la wan wa’ana bii Yehowa n wan ta eŋɛ sɛla. To me ka mi sɛla n wan eŋɛ beere sa’am bii Yehowa n mi to soŋa se’em.—w25.06, gɔn. 15-18.

Bem n wan ta’an soŋɛ tɔ ti to nyɛta nyuurɔ zaseŋɔ yele bii yetɔɣedaa poan?

To ta’an soke tomea yeti: ‘Bem yɛla ti ba dekɛ tɔɣɛ ti la kɛ̃ nɛreba la suure? Bem makerɛ ti n wan ta’an dekɛ tum tuuma n san pa’ala nɛra? Yele wa wan soŋɛ la ani?’—w25.07, gɔn. 19.

Yehowa n yuun eŋɛ sɛla David yele la poan la pa’alɛ tɔ Naayinɛ n diti sugeri se’em la wani?

La boi bim ti David yuun tum la be’em ge eŋa n yuun basɛ a be’em la, Yehowa yuun di sugeri bo en mɛ. (1 Na. 9:​4, 5) Naayinɛ san di sugeri bo to, a ni kɔ’ɔn saalum ba basɛ mɛ ge ka le tɛ̃ra ba yele.—w25.08, gɔn. 17.

Ho Baabule zamesegɔdaana san ka bɔkɛ yele soŋa, ho wan ta’an eŋɛ la bem?

La san kpe’em bo en ti a bɔkɛ sɛla ti ho pa’ala en la, ho ta’an tɔ̃kɛ zamesegɔ la ge ti ya ta sɔsɛ de yele pooren.—w25.09, gɔn. 24.

Baabule la yeti ‘be’em pã’aseri mɛ.’ (Heb. 3:13) Bala vuurɛ?

Be’em ta’an pã’asɛ tɔ ti to tum sɛla n ka nari. La me ta’an basɛ ti to ti’isa ti Yehowa ka nɔŋɛ tɔ.—w25.10, gɔn. 16.

Bem yɛla atã n wan soŋɛ tɔ ti to ta’an zusa soŋa?

(1)To wan ta’an ti’isɛ taɣesɛ Yehowa hala la. (2) To wan ta’an ti’isɛ bisɛ yeledaaŋɔ se’a n paari tɔ ge tɔɣɛ de yele maɣesɛ wuu nɛra n eŋɛ to sɛla ti la nara ti to di sugeri bo en. (3) To wan ta’an ma’ɛ tomea zusera. To san zusa yuura daanse’ere bala wan basɛ ti to ta’an tɔɣɛ lan ani to se’em.—w25.10, gɔn. 19-20.

To wan ta’an eŋɛ la bem soŋɛ sɛba n kuregɛ la?

To wan ta’an kaara bisa ba ge yi’ira mabisɛba n kuregɛ la tabela. To me wan ta’an naɛ la ba keŋɛ asibitin. Bii to naɛ la ba keŋɛ na’am mɔɔlegɔ.—w25.11, gɔn. 6-7.

Nɛra wan eŋɛ la bem ti a pɔɣedire daarɛ la ana soŋa?

Doose tiŋa la lɔɔ. Basɛ ti yelese’a n wan ta ita ho pɔɣedire daarɛ la makɛ la Naayinɛ vo’osum wɔla la. Yɛ ho lɔɣɔrɔ ti la makɛ ma’a ge me zaɣesɛ malema se’a n ka makɛ la Baabule pa’alegɔ. Basɛ ti nɛra woo bɔkɛ yan maasum ya pɔɣedire la se’em.—w25.12, gɔn. 21-24