La Dela Ho Zamesɛ Baŋɛ Naayinɛ

Ho san wan dɛna Naayinɛ zɔ, la dela ho zamesɛ baŋɛ en. Ho zɔdoma mi ho yu’urɛ yi’ira? Ba mi. Naayinɛ me boti ho mina a yu’urɛ ge yi’ira de. Naayinɛ yu’urɛ dela Yehowa. (Yooma 83:18, NW; Matu 6:9) La dela ho zamesɛ mina sɛla ti a bɔta la sɛla ti a ka bɔta. La me dela ho mina sɛba n de a zɔdoma la a diŋdoma. La ni yue mɛ ge ti ho ta’an baŋɛ nɛra. Baabule la yeti la ane soŋa ti to loe tɛm bii saŋa zamesa baŋɛra Yehowa.—Epesus 5:15, 16.

Naayinɛ zɔdoma iti la sɛla ti a puure pɛɛra. Tɛ’ɛsɛ ho zɔdoma me yele bisɛ. Ho san ka ita ba soŋa ge ita sɛla ti ba ka bota, ba wan kelum dɛna ho zɔdoma? Ba kanle dɛna! Bala mɛa nɔɔ, ho san bɔta ti ho dɛna Naayinɛ zɔ, la dela ho ita sɛla n peere a puurɛ.—Yon 4:24.

Daɣɛ pu’usegɔ woo n wan ta’an basɛ ti ho dɛna Naayinɛ zɔ. Yezu, mina n de Naayinɛ zɔ paa la, yun tɔɣɛ la sarɔtɔ toyi yele. Sarɔɔ kuyima yalege mɛ geti nɛreba kɔ’ɔn pirɛ bini. Sarɔkɔna wa dela sa’aŋɔ sore. Sarɔɔ kuyima la mɛ ane la mika ge ti nɛreba fii n boe ka poan. Kuna n de daarewoo vom sore la. Wana wa pa’alɛ ti ho san bɔta ti ho dɛna Naayinɛ zɔ, la dela ho zamesɛ baŋɛ en ge pu’usa en tontɔɔ sore poan.—Matu 7:13, 14.