ZASEŊƆ 4

Tɔɣɛ Sɛla Ge Nyaa Kaalɛ Gulesegɔ La

Matu 22:41-45

YELEKPINE: Yele sɛla n wan basɛ ti ho kɛleseriba la maasum gura gulesegɔ la ti ho wan kaalɛ la.

Ti’isɛ bisɛ sɛla n sɔi ti ho kaala gulesegɔ la. Basɛ ti ho kɛleseriba la baŋɛ yelezure se’ere n boi gulesegɔ la poan ge ti ho nyaa kaalɛ.

Bisɛ gulesegɔ la yelesum za’a. Pa’alɛ se’em n tɔɣɛ yele la gulesegɔ la poan bii mina n gulesɛ Baabule zɛkana wa.
Basɛ ti ho yetɔɣum la ze’ele Baabule la poan. Ho san tɔɣera bɔ’ɔra nɛresɛba n sakɛ ti Naayinɛ boi, ni basɛ ti ba baŋɛ ti Baabule la dela Naayinɛ Yetɔɣum, bala wan pa’alɛ ti yɛm n gani za’a boi la Baabule la poan.
Basɛ ti ba suure kɛ̃ gulesegɔ la. Soke sokere ti lebesego la bɔna gulesegɔ la poan, tɔɣɛ daaŋɔ yele ti gulesegɔ la wan soŋɛ maalɛ dɛ, bii tɔɣɛ naresum yele ti Gulesegɔ la wan basɛ ti ba bɔkɛ.

Ti’isɛ bisɛ ho kɛleseriba la n puɣum deŋɛ mina ho yetɔɣum zuo la gulesegɔ la se’em. Hali ho kɛleseriba la san puɣum mina gulesegɔ la, yele sɛla n wan basɛ ti ba malum bɔkɛ yele la soŋa ge nyaa kaalɛ.