To Kumesɛ Tomea Na’am Tuuma La Poan—Ta’an Soŋɛ Sɛba N Pɔsɛ Na’am Mɔɔlegɔ La
La Yele N Pakɛ Se’em: Sɛba n nan pɔsɛ dɛna Yezu podɔleba la nari ti “ba nana sɛla woo” ti Yezu yele la, tara yelemɛŋɛrɛ la pa’alɛ basɛba. (Matu 28:19, 20) Sɛba n pɔsɛ kɛ̃ Tiokrasi Sukuu Tuuma la puɣum di sɛɛra bo ba deodoma mɛ bii ba zɔdoma. Ge ba puurɛ n pee la ba zameseri sɛla la ge mina ti Yehowa boti la nɛra woo baŋɛ yelemɛŋɛrɛ la, ba ta’an bɔta ti ba laɣum kena na’am mɔɔlegɔ. (Arom 10:13, 14) Ba san bo yɔ’ɔ ti ba dɛna na’am mɔɔlegɔdoma n ka muse ko’om, la nari ti to kumesɛ ba soŋa ti ba ta’an tum soŋa wuu ba tiregeri se’em vo’osum poan la.—Luke 6:40.
Dekɛ Tum Tuuma Ŋmarega Wa Poan:
Ho san zamesera la mina n nan pɔsɛ na’am mɔɔlegɔ, naɛ la en keŋɛ yire la yire na’am mɔɔlegɔ, lebe ta limese bii eŋɛ Baabule zamesegɔ ti a bisɛ. Ho san ka zamesera la mina n pɔsɛ na’am mɔɔlegɔ la, yele se’em n ka kumesɛ ti a doose ho keŋɛ.