Kɔ’ɔn Zɛ’a Kankaŋi Ba’asegɔ Dabesa Wa Poan

LA YELE N PAKƐ SE’EM: La kan yue yelekirisi wan eŋɛ ti la nara ti to tara sukpe’ene ge me dekɛ tomea delum Yehowa. Mɛlesekãtɛ la wan pɔsɛ se’em ma’a ti pumpɔreŋɔ pu’usegɔ nyɛ sa’aŋɔ la. (Mt 24:21; Lil 17:16, 17) Sankaŋa la to wan ta mɔɔlɛ gãkerɛ yɛla bo nɛreba. (Lil 16:21) Gog n boi Magog wan ta vaɛ isige giisa tɔ. (Eze 38:10-12, 14-16) Yehowa wan doose la a zabɛ “kantɛ la” poan faaɛ a nɛreba basɛ. (Lil 16:14, 16) La wan eŋɛ se’em ti to ta’an tara sukpe’ene ŋmibe ze’ele la, la nari ti to tara yelemɛŋɛrɛ nananawa gurebisɛ san paɛ tɔ.

HON WAN EŊƐ DE SE’EM:

• Kɔ’ɔn dekɛ sukpe’ene tɔɣɛ po’e ho sakerɛ la ge me tara Yehowa pa’alegɔ n di mi’a la tuna tuuma.​—Isa 5:20

• Kɔ’ɔn naɛ la ho Kristakɔma tadaandoma pu’usa.​—Heb 10:24, 25

• Kɔ’ɔn nana ge dɔla Yehowa pa’alegɔ la ti a tara bɔ’ɔra a tigere la.​—Heb 13:17

• Ti’isa taɣesa Yehowa n yuun faaɛ a nɛreba basɛ se’em diimi sa la.​—2Pe 2:9

• Zusa ge me dekɛ homea delum Yehowa.​—Ym 112:7, 8

BISƐ ITIPA’ALEGƆ VIDIYO LA ZUO N DE YELESE’A N WAN TA EŊƐ TI LA NARA TI TO TARA SUKPE’ENE​—ASE’A GE NYAA LEBESE SOKERE ANA WA:

• 

  Gurebisɛ kani ti mabiisi la yuun tu’usɛ se’em ma’a ti ba yuun dekɛ ba laɣum tansuga ase’a la?

• 

  To san nana, bala wan soŋɛ tɔ ti to tara sukpe’ene la wani?

• 

  Beni n sɔi ti sukpe’ene yele wan ta pakɛ Armagedon poan?

• 

  Baabule gulesegɔ kani n wan soŋɛ tɔ ti to tara sakerɛ ti Yehowa wan faaɛ to basɛ?​—2Ye 20:1-24