Mɔɔlɛ Yelesoma La Bo Nɛreba Ti Ba Baŋɛ Ti Tinpaalega La Pɔ̃ri Mɛ!

November ŋmarega la poan, to wan mɔɔlɛ bo nɛreba ti ba baŋɛ ti tinpaalega la pɔ̃ri mɛ. (Ym 37:10, 11; Lil 21:3-5) Eŋɛ maaseŋɔ ta’an dekɛ homea kɛ̃’ɛsɛ tuunɛ wa poan. Ho san bɔta ti ho tum sore ŋmɛ’a soŋerɛ tuuma la, ho ta’an dekɛ awa 30 bii 50 tum ŋmarekaŋa poan.

Ho ta’an dekɛ gulesegɔ n tɔɣeri tinpaalega la yele sɔsɛ la nɛreba zo’e zo’e. Ho san yeti ho dekɛ gulesegɔ tum tuuma, ti’isɛ bisɛ yelese’a ti nɛreba wan bɔta ho gingilega la poan. Pɔsega la, nɛra san eŋɛ pa’alɛ ti a boti sɔsega la, dekɛ The Watchtower No. 2 2021 ayima bo en. Tiregɛ eŋɛ kalam lebe ta bisɛ mina n boti yelesum la ge dekɛ Tara Vom Somɔ Daarewoo! gɔnlɛmlɛm la pɔsɛ Baabule zamesegɔ. Bisɛ la de pupeelum se’em la to laɣum mɔɔla ‘yelesoma yɛla la’!—Isa 52:7.

BISƐ TIGERE LA YUUMA AYIMA VIDIYO LA ZUO N DE THE NEW WORLD TO COME GE NYAA LEBESE SOKERE ANA WA:

• Bem beere sa’am yelesoma ti pugula la ti’isa de yele?

• Bem ti hon ɛɛra ti ho ta nyɛ tinpaalega la poan?

• Ho san ti’isa taɣesa beere sa’am puti’irɛ la yele, la wan soŋɛ ho la wani ti ho ta’an laɣum maasum homea mɔɔlɛ November ŋmarega la poan?—Lu 6:45