Ho Wan Ta’an Basɛ Ti Ho Deodoma Tara Pupeelum

Yehowa boti la deodoma tara pupeelum. (Ym 127:3-5; Pa 9:9; 11:9) Ge tingɔŋɔ wa yeledaaŋɔ la deodoma tuure ta’an basɛ ti to kan tara pupeelum. Nɛra woo n boi deo la poan wan eŋɛ la wani ti pupeelum bɔna?

Sira na’aseri a pɔɣa mɛ. (1Pe 3:7) A nyɛti nɛŋa bɔ’ɔra en mɛ. A kan bɔta ti pɔɣa la tum gaŋɛ a paŋa beene ge me ni eŋɛ pa’alɛ ti a puurɛ pee ya la pɔka la n iti sɛla bɔ’ɔra eŋa la deodoma la. (Kol 3:15) A iti pa’ala ti a nɔŋɛ en mɛ ge pɛ̃ɣera en.​—Mag 31:28, 31.

Pɔka la biseri la eŋa n wan eŋɛ se’em ta’an soŋɛ a sira. (Mag 31:12) A siregeri amea bɔ’ɔra en mɛ ge nana eŋa n yeti sɛla. (Kol 3:18) A tɔɣeri la mama bɔ’ɔra en ge ni tɔɣera a yele soŋa.​—Mag 31:26.

Dɔɣereba nyɛti nɛŋa bɔ’ɔra ba kɔma mɛ. (Tɛ 6:6, 7) Ba ni yele ba kɔma ti ba nɔŋɛ ba mɛ. (Mt 3:17) Ba san dɔlegera ba tuberɛ, ba ni eŋɛ pa’alɛ ti ba nɔŋɛ ba mɛ ge bɔkɛ ba.​—Ep 6:4.

Kɔma na’aseri ba dɔɣereba mɛ ge nana ba. (Mag 23:22) Ba ni basɛ ti ba dɔɣereba baŋɛ lan ani ba se’em mɛ. Ba ni to’e ka’aŋɔ mɛ ge ni bo ba dɔɣereba gilema.​—Mag 19:20.

BISƐ ITIPA’ALEGƆ VIDIYO LA ZUO N DE TARA PUPEELUM HO DEODOMA POAN GE NYAA LEBESE SOKERE WA:

Nɛra woo eŋɛ la wani ti pupeelum bɔna deo la poan?