Baabule La Yeti Bem La COVID Bã’a La N Ku Nɛreba Tusa Tusa Ayoobe La?

World Health Organization (WHO) la pa’alɛ ti, May 23, 2022, nɛreba tusa tusa ayoobe la nɛreba tusa pisiyi la ayopɔi n ki COVID-19 bã’a la zuo. Ge WHO la bo la lasebaarɛ May 5, 2022 pa’alɛ ti, sɛba n ki bã’a wa zuo la ba’ɛ zo’e mɛ. Ba daa yeti yuun 2020 la 2021 poan, “nɛresɛba n daa ki COVID-19 bã’a la zuo daa paɛ wuu nɛreba tusa tusa pia la anaasi la tusa awɛi.” Baabule la tɔɣɛ yeledi’ima ana taaba yele la wani?

Baabule la tɔɣɛ biŋe ti bã’asi n wi’iri wan bɔna

•  Yezu yuun tɔɣɛ biŋe ti bã’asi n wi’iri bii “bãyooro” wan bɔna “ba’asegɔ dabesa la poan.”​—Luke 21:11, Contemporary English Version; 2 Timoti 3:1.

Yezu yetɔɣebiŋere la tum tuuma mɛ zina beere wa. Ho san bɔta ti ho zamesɛ pa’asɛ, kaalɛ zaseŋɔ yele wa zuo n de “Beni N Pa’alɛ Ti To Boi La ‘Ba’asegɔ Dabesa La Poan’?” (“What Is the Sign of ‘the Last Days,’ or ‘End Times’?”).

Baabule la bo’ori to la subuɣelegɔ

•  “Subuɣelegɔ Naayinɛ la . . . n buɣeli to suure gurebisɛ woo poan.”​—2 Korint 1:3, 4.

Sɛba nɛreba n ki la nyɛ subuɣelegɔ mɛ Baabule la poan. Ho ta’an kaalɛ zaseŋɔ yɛla wa zuo n de “Ho San Si’ina, Ho Wan Ta’an Eŋɛ La Bem Zina Beere Wa” (“Coping With Grief​—What You Can Do Today”) la “Sɛla N Wan Ta’an Soŋɛ Sɛba N Si’ini La Soŋa Soŋa” (“The Best Help for Those Who Grieve”).

Baabule la pa’alɛ la sɛla n wan yese asaala yeledaaŋɔ basɛ wuusa

•  “Basɛ ti ho Na’am la wa’ana. Basɛ ti ho puti’irɛ n boti sɛla la tum tingɔŋɔ wa zuo wuu saazuo la.”​—Matu 6:10.

La kan yue “Naayinɛ Na’am la” wan wa’ana ti “nɛra ka boi n wan ta yeti: ‘Mam bɛ̃’ɛri mɛ.’” (Mark 1:14, 15; Isaiah 33:24) Bisɛ vidiyo la zuo n de Naayinɛ Na’am La Dela Bem? ta’an baŋɛ saazuo gɔmɛt wa n wan eŋɛ sɛla.

To beem ho ti ho zamesɛ baŋɛ Baabule la n yele sɛla pa’asɛ, la hon wan eŋɛ se’em ti hon la ho deodoma ta’an nyɛ nyuurɔ Baabule yɛm ka’aŋɔ la ku pu’ulumbiŋa la poan.