Gɔmɛt Boi N Wan Ta’an Bisa Tingɔŋɔ Wa Soŋa Wuusa?—⁠Baabule La Yeti Bem?

Gɔmɛtdoma n boi tingole wa za’a poan kɔ’ɔn gbita mɛ. Hali tinse’esi n ka ba’ɛ gbita me nyɛti la yɛla n de wuu, nalɛɣerɛdoma n tuni vi tuuma, nɛreba n zaberi nalɛɣerɛ yɛla zuo, nɛreba n giiseri gɔmɛt, bii ba di’e la nu’o ba’asɛ ti results la ka ba’ɛ niɛ peelumi pa’alɛ se’em n di.

Baabule la pa’alɛ ti gɔmɛt ayina ma’a n wan bɔna wuusa. Daanse’ere ho tabelɛ wum gɔmɛt wa yele. La dela gɔmɛt sebo ti Yezu Krista yuun tɔɣɛ de yele Daana Zusega la poan la.

• “[Yan wan] soha Yenɛ se’em n wana: To Sɔ n boe saazuo ha, ho yu’urɛ nara pɛnka, ho sɔ’ɔlom wa’ana, ho sunboolom tom teŋa wa zuo wo lan ane se’em saazuo ha la.”​—Matu 6:9, 10.

Baabule la tɔɣɛ Na’am wa yele la wani?

Naayinɛ Na’am la dela gɔmɛt n wan bɔna wuusa

Na’am la boi la saazuo ge bisa tingɔŋɔ wa.

• Yezu yuun yeti gɔmɛt wa dela “saazuo sɔ’ɔlom.” (Matu 4:17; 5:3, 10, 19, 20) Bala n sɔi ti a yuun yeti: “Mam sɔ’ɔlom la dagɛ teŋa wa zuo denɛ.”​—Yon 18:36.

Na’am la wan tee soe gɔmɛt sɛba woo n boi la na’arɛ.

• Baabule la yeti: “Sɔ’ɔlom bona wa wan sagom sɔ’ɔlom woo n boe, ge zɛ’a ka tara ba’ahegɔ.”​—Daniel 2:44.

Yezu Krista n de Na’am wa Naba. Bu wan bɔna wuusa.

• Baabule la yeti: “A kpe’eŋo kan malom tole, te a sɔ’ɔlom la me kan malom nyɛ saagaŋɔ.”​—Daniel 7:13, 14.

Na’am la wan basɛ ti nɛra woo n boi tinparɛ wa zuo tara suma’asum, ti dabeem ka tara ba.

• Baabule la yeti: “Nɛra woo wan zĩ’a amea daam tiisi la a kinkasi tiŋa la suma’asum. Nɛra ka boi n wan basɛ ti dabeem saaɛ ba.”​—Mikah 4:4, Good News Translation.

Zamesɛ Na’am la yɛla pa’asɛ

Yezu n yuun boi tiŋa wa zuo la, a yuun kɔ’ɔn mu’ɛ la nini “mɔɔla sɔ’ɔlom yelesoma.” (Matu 9:35) A me yuun tɔɣɛ biŋe ti:

• “Ba wan ta mɔɔlɛ sɔ’ɔlom yelesoma bo teŋa wa woo nɛreba te la dɛna aseradaana bo teŋhe zan’an. Ge teŋa wa ba’ahegɔ wan nya paɛ.”​—Matu 24:14.

Zina beere wa, ba mɔɔli Na’am la yelesoma la tisi n gaŋɛ 240 poan. To beem ho ti ho zamesɛ gɔmɛt wa yɛla pa’asɛ ge me baŋɛ hon wan eŋɛ se’em ta’an nyɛ nyuurɔ bu bisega la poan.

Soso bisɛ vidiyo wa zuo n de Naayinɛ Na’am La Dela Bem?