Yehowa Sɛɛradoma Nyɛti Ligeri La Bɛ Tuna Ba Tuuma?

Sɛba n de Yehowa Sɛɛradoma n ni yese ba suuren bo bo’olum soŋɛ teŋgole wa za’a waabi na’am tuuma la.a To laɣesegɔ woo poan, daɣesi boi mɛ ti se’em n boti a bo sɛla wan ta’an bo ge me tara sarɔtɔ ase’a to Donations bɔberɛ la poan. Bɔbedena wa tari la yɛla zo’e zo’e ti nɛra wan ta’an loe, a san bɔta a bo bo’olum soŋɛ teŋgole wa za’a waabi na’am tuuma, tuunse’a ti to tuna tansugere la poan bii bayi la za’a.

Yehowa Sɛɛradoma ka to’oseri ligeri bii kɛɛra nɛreba n nari ti ba yɔ se’em. (2 Korint 9:7) To ka iti kɔlɛksin to zamesegɔ zɛ’an bii to to’e ligeri ge ti ho ta’an muse ko’om, ita kɔa, pɔɣedire malema bii pu’usegɔ tuuma. To ka zuseri ligeri bii ŋmɛ’ɛra kɛkɛ n de wuu bazaars, bingo games, carnivals bii raffles laɣesa ligeri. To kan basɛ ti nɛreba baŋɛ sɛba n bo’ori bo’olum la yɛla. (Matu 6:2-4) To ka iti koosego mɔɔlegɔ to intanɛt tuuma zɛ’an la to gɔnɔ la poan tara laɣesa ligeri.

Yehowa Sɛɛradoma tansugere woo ni bo la ligeri lasebaarɛ ŋmarega woo ba zamesegɔ poan ti nɛra woo wum. Tansugere woo ni ɔditɛ ba ligeri yɛla mɛ saŋa woo la wan eŋɛ se’em ti ba ta’an bisera ligese’a ti ba laɣesa la soŋa.​—2 Korint 8:20, 21.

Sarɔtɔ se’a ti ho wan ta’an bo bo’olum

• Ligeri daɣesi: Ho ta’an dekɛ ligeri bii checks eŋɛ ligeri daɣesi la n boi Na’am Pu’usegɔ Deto, Laɣesegɔ Deto bii zɛ’an woo ti to ita to zamesegɔ la poan.

• Bo bo’olum intanɛt poan: Tisi zo’e zo’e poan, ho ta’an dekɛ credit cards, debit cards, bank transfers bii doose elɛktrɔnik sarɔtɔ ase’a poan bo bo’olum “Donate to Jehovah’s Witnesses” bɔberɛ la poan.b Yehowa Sɛɛradoma basɛba ni doose la sarɔtɔ ana wa poan yese ba “nyɛ ligiri se’em biŋe” ta’an bo bo’olum ŋmarega woo.​—1 Korint 16:2..

  

• Eŋɛ maaseŋɔ bo bo’olum: La nari ti ho te’ele eŋɛ maaseŋɔ bii ho soke baŋɛ teŋa la wara ge nyaa ta’an bo bo’olum ase’a. Maaseŋɔ kuna taaba wan ta’an basɛ ti ho baŋɛ teŋa la lampo yɛla n wan ta’an soŋɛ ho se’em. Nɛreba zo’e zo’e nyɛ nyuurɔ mɛ la ba bɔkɛ bo’olum se’a ti ba wan ta’an dekɛ tisɛ ba nan vɔi wa bii ba san ta ki. Soso yi Yehowa Sɛɛradoma tigere yile la ti ba soŋɛ hɔ ho san bɔta ho dekɛ:

  • bank accounts

  • insurance and retirement plans

  • real estate

  • stocks and bonds

  • wills and trusts, bo bo’olum

Ho san bɔta ho baŋɛ ho wan ta’an doose sarɔtɔ se’a bo bo’olum hon bo zɛ’an la, bisɛ “Donate to Jehovah’s Witnesses” bɔberɛ la.