Mam Wan Ta’an Zusa Ɛɛra La Bem?

Baabule la lebesego

Wuu Baabule la n yele se’em la, to ta’an zusa ɛɛra sɛla woo ti la makɛ la Naayinɛ n boti sɛla wuu Baabule la n yele sɛla la. “To san yeen zusɛ en [Naayinɛ] sɛla ti la makɛ la a puti’irɛ, a keleseri to mɛ.” (1 Yon 5:14) Ho wan ta’an zusɛ en yelese’a yele n pakɛ hɔ? Ɛɛ. Baabule la yeti: “Tɔɣɛ ya sɛla n boi ya suuren bo [Naayinɛ].”​—Yooma 62:8.

Yelese’a n nari ti to zusa ɛɛra

• To tara sakerɛ Naayinɛ poan.​—Luke 17:5.

• Zilam vo’osum la bii pansɛka ti Naayinɛ tara tuna tuuma la ti la soŋɛ tɔ ti to ta’an tuna sɛla n ani soŋa.​—Luke 11:13.

• Paŋa ti to wan ta’an dekɛ ŋmibe yeledaaŋɔ la gurebisɛ poan.​—Filipi 4:13.

• Suma’asum bii a basɛ ti la ana to mama.​—Filipi 4:6, 7.

• Yɛm ti to wan ta’an dekɛ kɔ’ɛ to puti’irɛ soŋa.​—Yames 1:5.

• A soŋɛ tɔ ti to nyɛ sɛla n pakɛ tɔ dabeserɛ woo poan.​—Matu 6:11.

• A di to be’em sugeri bo to.​—Matu 6:12.