Bãkɛka​—Baabule La Wan Ta’an Soŋɛ Hɔ?

Baabule la lebesego

Ɛɛ. Naayinɛ fabeli a yamesi sɛba n bɛ̃’ɛri yele mɛ. Baabule la tɔɣɛ a yelemɛŋɛrɛ yameŋa yele ti: ‘A san bɛ̃’ɛra gã, Yehowa mea n wan soŋɛ en.’ (Yooma 41:3) Ho san tara bãkɛka, yɛla atã wa wan soŋɛ hɔ ti ho ta’an ŋmibe:

1. Zusɛ ta’an nyɛ paŋa ŋmibe. Ho wan ta’an tara “Yenɛ sunma’ahom la n gaŋɛ la asaala bɔkerɛ la,” ti la soŋɛ hɔ ti ho da ba’ɛ ti’isa.​—Filipi 4:6, 7.

2. Tara putɛsonɛ. Baabule la yeti: “Pupeelum dela tiim n teberi ge susa’aŋɔ ku’ure la nɛra.” (Magaha 17:22, Good News Translation) La’ara mɔsi mɔsi. Bala wan soŋɛ hɔ ti ho tara pupeelum yeledaaŋɔ poan ge me wan soŋɛ hɔ ti ho tara imma’asum.

3. Tara beere sa’am puti’irɛ. Ho san tara beere sa’am puti’irɛ, la wan soŋɛ hɔ ti ho tara pupeelum hali ho san puɣum tara bãkɛka. (Arom 12:12) Baabule la yeti, saŋa keni na ti “nɛra kan . . . yeti a bɛn’ɛnre mɛ.” (Isaiah 33:24) Naayinɛ wan yese bãkɛɣesi woo ti yɔɔma beere wa dɔɣetadoma koŋe ba tibɛ la basɛ. Makerɛ, Baabule la n pa’alɛ kuregerɛ n kan le ta bɔna se’em n wana: “Te nɛra iŋa ana wo bonbilipaalomen, la le ana wo dabehese’a te a dɛna bodibilipaalega la.”​—Yob 33:25.

Mina: La boi bim ti Yehowa Sɛɛradoma mi ti ba san tara bãkɛka, Naayinɛ wan soŋɛ ba ge ba ni ee la tibegɔ. (Mark 2:17) Ge to kan tɔɣɛ po’e tibegɔ kuseko, se’ere n sɔi la nɛra woo n wan loe eŋa n wan bisera a imma’asum yɛla se’em.