To Kumesɛ Tomea Na’am Tuuma La Poan—Ta’an Dita Sɛɛra Koosego Zɛ’an

La Yele N Pakɛ Se’em: Nɛreba zo’e zo’e n ni bɔna ba tuuma zɛ’an tɛm woo la, zɛ’an n ani soŋa ti to wan paɛ nɛreba tɔɣɛ Na’am yelesum la bo ba dela ba tuuma zɛ’an. Sɛɛra dia koosego zɛ’ɛsi ani soŋa ge me tara nyuurɔ sɛla n sɔi la to wan ta’an paɛ sɛba ti to ka nyɛta ba yire la. Hali bala ta’an basɛ ti ba puurɛ pee la tɔ ge ti’isa ti to wan da ba lɔɣɔrɔ. Na’am mɔɔlegɔdoma wan ta’an di sɛɛra zɛ̃ ana poan soŋa, ba san tara putɛsonɛ la makesonɛ ba lɔɣɔrɔ yɛa poan. (2 Kor. 6:3) Bala la, na’am mɔɔlegɔ bisega daana la nari ti a mina sɛba n boi koosego zɛ’ɛsi wa la ba mɔɔli bim se’em.

To Wan Eŋɛ Se’em:

Maasum sɛla ti ho wan tɔɣɛ la gi’a gi’a. To san tɔɣera yuura, daanse’ere ba kan le bo to yɔ’ɔ ti to sɔsɛ to san lebe ba zɛ’an.
Bisɛ tɛm sebo ti ba wan tara nɛŋa, yele yele wuu da’ariba san nan ka bɔna.
Eŋɛ ania tɔɣɛ bo mina n sɔi tuuma la yia. Tara pupeelum la nɛra woo. Ho ta’an yeti, “To eeri la nɛra woo tuuma zɛ’an sɔsera, sɛla n sɔi la to mi ti nɛreba ka zi’iti yire.” Yele en sɛla gi’a gi’a ge dekɛ gɔnpika, magazine bii gɔnɔ a se’a bo en. La wan eŋɛ se’em ti ba kan ti’isa ti to kooseri gɔnɔ la mɛ la, la ka nari ti ho yele sɛla ti a wan bo san daɣena a mea n soke.
Mina n sɔi tuuma la san bɔta sɔsega la, zusɛ sore a zɛ’an ge sɔsɛ bo a tuntuneba la. Tuuma zɛ’ɛsi a se’a poan, la wan ana soŋa ti ho dekɛ gɔnɔ la biŋe zɛ’an ti ba zi’ita sɔsera la.
Dekɛ putɛsonɛ tum tuuma ge mina ho wan eŋɛ se’em. To makɛ yeti, tuntuna la kooseri la sɛla bɔ’ɔra nɛra bii a iti la sɛla, ho gura ti a ba’asɛ ge ti ho paɛ a zɛ’an.

Dekɛ Tum Tuuma Ŋmarega Wa Poan:

Eŋɛ ya itipa’alegɔ gi’a gi’a bisɛ ya wan tɔɣɛ koosego zɛ’an se’em ya san ta ita Deodoma Zaanɔɔrɛ Pu’usegɔ.