Vom La Na’am Tuuma Zamesegɔ Viisegɔ Gɔŋɔ
JUNE 3-9
NAAYINƐ TUULUM YƐLA | GALATIA 4-6
“‘Wɔ̃sum Poan Makerɛ La’ Yele N Pakɛ To Se’em”:
it-1-E 1018 ¶2
Hagar
Wuu tuntuna Paul n pa’alɛ se’em la, Hagar n boi wɔ̃sum poan makerɛ la ze’ele bo la Israel teŋa la, n biŋe nɔɔrɛ la Yehowa doose la Lɔɔ nɔbiŋere la ti ba yuun biŋe la taaba Sinai Zoore la zuo, nɔbiŋere wa n yuun basɛ ti ‘da’aberɛ kɔma’ bɔna. Nɛreba la n yuun de be’emdoma la zuo la, teŋa la nɛreba yuun ka nyaŋɛ doose bama n biŋe nɔɔrɛ la se’em la. Nɔbiŋere la yuun ka basɛ ti Israeldoma dɛna fai nɛreba ge ba gãkɛ ba ti ba dɛna la be’emdoma nara kum; bala la, ba yuun dela yamesi. (Yon 8:34; Arom 8:1-3) Paul saŋa la Yerusalem yuun ze’ele bo la Hagar, se’ere n sɔi la Yerusalem n de na’am kuka zɛ’an la, n ze’ele bo Israel teŋa la za’a la, yuun boi la yamenɛ poan eŋa la a kɔma la za’a. Loore Kristakɔma, dela “saazuo ha Yerusalem,” n de Naayinɛ wɔ̃sum poan pɔka la kɔma. Yerusalem kana, ani me wuu Sarah n de fai pɔka la, ka makɛ bɔna yamenɛ poan. Ge wuu Ismael n yuun mɛlesɛ Isaak se’em la, bala mea nɔɔ ti “saazuo ha Yerusalem” kɔma la, ti Dayɔa la faɛ ba basɛ la yuun nyɛ mɛlesegɔ ze’ele Yerusalem seko n boi yamenɛ la poan kɔma zɛ’an. Ge ba yuun sa’ɛ Hagar la a dayɔa la mɛ, ti la pa’alɛ la Yehowa n yuun kɔ’ɔn zaɣesɛ Israel teŋa la za’a.—Ga 4:21-31; kelum bisɛ Yon 8:31-40.
w14-E 10/15 10 ¶11
Tara Sakerɛ Se’ere N Ka Miini Na’am La Poan
11 La nɔɔ boi bini ti Abraham nɔbiŋere la yuun sirum tum tuuma mɛ se’em ma’a ti Abraham dayɔɔsi yuun soe Pu’ulumbiŋe Teŋa la ge Gulesegɔ la pa’alɛ ti nɔbiŋere la yɛla wan tum tuuma vo’osum sore poan. (Gal. 4:22-25) Vo’osum la yuun basɛ ti Paul pa’alɛ ti nɔbiŋere wa n tum tuuma sarɔɔ kãtɛ la poan la, Abraham bia paa dela Krista nyaa bɔ’ɔra loore Kristakɔma la n de 144,000 la. (Gal. 3:16, 29; Lil. 5:9, 10; 14:1, 4) Pɔɣesɛka n dɔɣɛ bia wa daɣɛ pɔka se’em n boi zɛ’an sa gana “saazuo ha Yerusalem” la—Naayinɛ saazuo tigere la, n de yelemɛŋɛrɛ malesi la. (Gal. 4:26, 31) Wuu Abraham nɔbiŋere la n pu’ulumbiŋe se’em la, pɔka la bia la wan tara kã’a na bo asaala.
Ɛɛra Vo’osum Poan Yɛla
w09-E 4/1 13
Hon Mi?
Beni n sɔi ti Yezu yuun zusɛ ge yi Yehowa yeti “Abba, n Sɔ”?
Aramaik yelebire la n de ʼab·baʼʹ la vuurɛ ta’an dɛna “sɔ la” bii “O n Sɔ.” Sugumnɔɔrɛ butã la ti yelebire wa bɔna Gulesegɔ la poan la, la ni bɔna la zusega poan ge me ni tɔɣera la to saazuo Sɔ la, Yehowa. Yelebire wa vuurɛ dela bem?
The International Standard Bible Encyclopedia yeti: “Yezu saŋa ti nɛreba yuun ni tɔɣera se’em la, ʼabbāʼ yuun dela yelebire ti kɔma tara tɔɣera bɔ’ɔra ba sɔdoma ti la pa’alɛ ti ba tari gilema bɔ’ɔra ba ge ti ba teŋasuka bɔŋa ana soŋa.” La yuun dela yetɔɣesebo ti bia ni pɔsɛ tɔɣera se’em ma’a ti a pɔsɛ zamesa yetɔɣum. Yezu yuun tɔɣɛ yetɔɣum wa mɛ se’em ma’a ti a yuun zusera a Sɔ la. Gethsemane gaadin la poan la, awa fii ge ti Yezu nyaa ki la, a yuun zusɛ yi Yehowa yeti “Abba, n Sɔ.”—Mark 14:36.
Gulesegɔ la tɔ̃kɛ yeti: “ʼAbbāʼ la ti ba yuun tara yi’ira Naayinɛ la yuun ka pãti Yudadoma gɔnɔ Greco-Roman saŋa la, daanse’ere ba yuun ta’an ti’isa ti la yele ka pakɛ ti ba yi’ira Naayinɛ la yukana wa,” wuu gulesegɔ. Ge, “Yezu . . . n yuun zuseri ge yi Naayinɛ bala la pa’alɛ la zɔtɔ nɣɔka sɛka n boi eŋa la Naayinɛ teŋasuka.” Gulesegɔ la bɔba ayi la n tari “Abba” la—ti tuntuna Paul yuun dekɛ tum tuuma la—yuun pa’alɛ ti Kristakɔma n yuun deŋɛ nɛŋa la yuun tari yu’urɛ wa tuna tuuma mɛ se’em ma’a ti ba zusa la.—Arom 8:15; Galatia 4:6.
w10-E 11/1 15
Hon Mi?
Tuntuna Paul yuun boti a yeti bem se’em ma’a ti a yeti “nyiiha wa n boe mam iŋa wa pa’ale te mam dela Yezu da’aberɛ”?—Galatia 6:17.
▪ Paul yetɔɣum wa yuun ta’an tara bɔkerɛ to’ore to’ore a kɛleseriba la n yuun deŋɛ nɛŋa la puti’irɛ poan. Makerɛ n wana, ba yuun tari kurego n tulegɛ paa daala la nɛresɛba n boi paɣareba deo, sɛba n zu lɔɣɔrɔ pu’usegɔ deo la poan la yamesi n boti ba zɔ yese paɣareba deo la poan. Ba san dekɛ kurego wa daalɛ hɔ, nyiihere wa daɣɛ yusonɛ bɔ’ɔra nɛra la.
Ge la bala za’a, ba yuun ka geele nyiiha ti la dela sɛla n ka ani soŋa. Diimi nɛreba yuun tari nyiiha wa daala la ba buuri nɛreba bii pu’usegɔ a se’a nɛreba. Makerɛ n wana, wuu Theological Dictionary of the New Testament la n yele se’em la, “Siriadoma la yuun dekɛ bamea kɔ’ɔn bo la ba yina n de Hadad la Atargatis doose la ba dekɛ daalesum eŋa ba nuo la ba yugela . . . Ba yuun dekɛ la vuɔ yɛ sɛba n yeti bamam wan pu’usa Dionisius yinɛ la.”
Zina beere wa, nɛreba zo’e zo’e ti’iseri ti danse’ere Paul yuun tɔɣeri la mɛlesegɔ seko ti ba yuun tara pa’ara Kristakɔma n yuun tuni sateŋa na’am yetɔɣum yalegerɛ tuuma la. (2 Korint 11:23-27) Daanse’ere, Paul yuun boti a pa’alɛ ti eŋa n vɔ a vom se’em la—daɣɛ la yisa mɛŋka—n basɛ ti ba baŋɛ ti a dela Kristabia.
JUNE 10-16
NAAYINƐ TUULUM YƐLA | EPESUS 1-3
“Yehowa Maaseni Sɛla Woo la Bɔbeyinɛ”
it-2-E 837 ¶4
Suɣelum Yele
Messiah Na’am La. Paul n yuun gulesɛ sɛla la basɛ ti Krista suɣelum yele la niɛ peelum mɛ. Epesus 1:9-11 poan la, a yuun tɔɣɛ la Naayinɛ n basɛ ti to mina “suɣelum yele” la ge yeti: “A pon daa eŋɛ a potɛn’ɛrɛ te a eŋɛ sɛla woo ba’ahɛ doohe la Krista poan. Yenɛ n tare a potɛn’ɛrɛ te a eŋɛ sɛla woo zan’an zan’an ba’ahɛ dela daanse’ere daarɛ te a bɔta la han paɛ, a yete a tare la sɛla woo te a naam la wa’an bɔberɛ yenɛ na. Sɛla te a naam saazuo ha la la teŋa wa zuo wan wa’an bɔberɛ yenɛ na ge te Krista dɛna zuodaana sɔna behera. Yenɛ ete sɛla woo yɛhera la a mɛŋa n tɛn’ɛhɛ bɔta te de eŋɛ se’em la se’em. Enŋa Yenɛ n loe to te to bɔŋa Krista poan, to dɛna a mɛŋa nɛreba. Dena wa dela enŋa mea n tɛn’ɛhɛ de bala bɔta de pin’ileŋɔ ha na.” “Suɣelum yele” la dela gɔmɛt, Na’ayinɛ Messiah Na’am la. “Sɛla te a naam saazuo ha la,” ti Paul tɔɣɛ de yele la, dela sɛba n wan ta laɣum la Yezu di Na’am saazuo sa la. “Sɛla te a naam teŋa wa zuo” la dela sɛba n wan ta bɔna teŋa wa zuo la. Yezu yuun tɔɣɛ di’e suɣelum yele wa bo a podɔleba la doose la Na’am la poan yeti: “Yenɛ sakɛ te yamam mina a suɣelum yɛla.”—Mr 4:11.
w12-E 7/15 27-28 ¶3-4
“Yehowa Ayina” N Laɣeseri A Deodoma
3 Moses yuun yele Israeldoma la ti: ‘Yehowa tomam Naayinɛ dela ayena ma’an.’ (Tɛɛn. 6:4) Yehowa n ti’iseri ge ita sɛla woo la dela buyina. Ge, “n tare a potɛn’ɛrɛ te a eŋɛ sɛla woo zan’an zan’an ba’ahɛ dela daanse’ere daarɛ te a bɔta la han paɛ,” la Naayinɛ “maaseni sɛla woo la bɔbeyinɛ”—n de, a laɣesɛ eŋa n naam sɛla woo la ti ba dɛna buyina. (Kaalɛ Epesus 1:8-10.) Tigere la wan tum de tuuma la sugumnɔɔrɛ buyi. Sɛla n deŋɛ nɛŋa la, a wan maasum looredoma la n wan ta bɔna saazuo ha la ti Yezu wan ta dɛna ba Zuodaana la. Dena wa yuun pɔsɛ la Pentecoste 33 K.W.P. se’em ma’a ti Yehowa yuun pɔsɛ laɣesa sɛba n wan ta naɛ la Krista bɔna saazuo sa bisera la. (Tooma 2:1-4) Krista lua bunɔ la n basɛ ti looredoma la dɛna tontɔɔdoma la zuo la, ba sakɛ ti bamam dela “Yenɛ kɔma.”—Arom 3:23, 24; 5:1; 8:15-17.
4 Sɛla n pa’asɛ buyi la, a wan maasum sɛba woo n wan ta bɔna Paradiisi teŋa la poan Krista Messiah Na’am la poan la. “Nɛrekooŋɔ” la n de sɛba n pɔsɛ pa’asɛ tigere wa poan. (Lil. 7:9, 13-17; 21:1-5) Yuun Tusire Na’am Bisega la poan la, sɛba ti ba wan ta isige ba kum poan la wan laɣum pa’asɛ tigere wa poan mɛ. (Lil. 20:12, 13) Ti’isɛ bisɛ kum isigere la n wan basɛ ti to nɔyinɛ la malum bɔna se’em! Yuun tusire na’am bisega la pooren la, “sɛla te a naam teŋa wa zuo” za’a wan nyɛ ba’asegɔ gurebisɛ la. Sɛba n eŋɛ pa’alɛ ti ba tari yelemɛŋɛrɛ la wan ta dɛna ‘Naayinɛ kɔma.’—Arom 8:21; Lil. 20:7, 8.
Ɛɛra Vo’osum Poan Yɛla
w13-E 2/15 28 ¶15
Da Basɛ Ti Sɛla Gu Ho Ti Ho Kan Ta’an Nyɛ Pɛnka La
15 To iti ania ti to ita Yehowa puti’irɛ n de se’em la wan soŋɛ basɛba ti ba ta’an nyɛ kã’a la. Paul yuun gulesɛ bo Epesus tansugere la yeti: “Dene poan, n bene ya mɛ, te ya da bahɛ te la daana ya la mam nyɛte namehegɔ ya zuo la. La dela ya nyɛ pɛnka zuo te n nyɛta namehegɔ la bala.” (Epe. 3:13) Sore kani poan ti Paul namesegɔ la dɛna “pɛnka” bɔ’ɔra Epesusdoma la? Paul n yuun kɔ’ɔn lu a suure ti a mɔɔla la ka pakɛ la mɛlesegɔ la woo ti a wan ta nyɛ la basɛ ti Epesusdoma baŋɛ ti ba tari yɔ’ɔ ti ba mɔɔla la dela yɔ’ɔ kãtɛ la tuulum lɔkɔ. Paul giila yuun kɔ’ɔsɛ mɛ se’em ma’a ti ba yuun mɛlesa en la ge bala yuun kan basɛ ti ba ti’isa ti bamam la Yehowa teŋasuka bɔŋa, ba na’am mɔɔlegɔ tuuma la, la ba beere sa’am puti’irɛ la basɛ la yoo? Paul n yuun ŋmibe ze’ele la yuun basɛ ti Krista pu’usegɔ tole la nɛŋa ge me pa’alɛ ti mina woo n de Yezu podɔla eŋɛ la kaabegɔ kãtɛ ta’an dɔla en.
cl-E 299 ¶21
“Nɛra Nare Ti A Ta’an Baŋɛ [Yezu] Nɔŋerɛ La Zan’an Zan’an”
21 Greek yetɔɣum la n de “baŋɛ” la vuurɛ dela to mina dɛ to “nyɛ yɛla se’em to vom poan.” To san tara nɔŋerɛ wuu Yezu la—maɣesɛ wuu to kuura tomea bɔ’ɔra basɛba, tara giile se’em ma’a ti ba bɔta soŋerɛ, basera nɛreba be’em bɔ’ɔra ba—bala n wan pa’alɛ ti to puurɛ pee me la Yezu n yuun wuni dama se’em la. To san ita bala, to wan ‘baŋɛ Krista nɔŋerɛ la n gani mi’ilum la.’ Ge to me da malum tamɛ ti to san mɔɔra ti to tɔɣesa Krista, to wan vurege lɛm mina ti Yezu tɔɣesa la, to nɔŋerɛ Naayinɛ la, Yehowa.
JUNE 17-23
NAAYINƐ TUULUM YƐLA | EPESUS 4-6
“Dekɛ Naayinɛ Zaberɛ Lɔɣɔrɔ La Yɛ”
w18.05-E 27 ¶1
Bunbilipaalesi—Ze’ele Ya Kankaŋi La Kolekpabɛ’a La
Tuntuna Paul yuun dekɛ Kristakɔma vom makɛ me la soogɛa n boi zaberɛ poan. Yelemɛŋɛrɛ, to zaberɛ la dela vo’osum poan ge daɣɛ innaanɛ poan zaberɛ. Ge la bala za’a, to dinedoma la kɔ’ɔn bɔna mɛ. Sitaana la kolekpabɛ’ɛsi la ba’ɛ wakɛ mɛ ge me mina zaberɛ soŋa soŋa. Pɔsega la, to ta’an ti’isa ti to kan ta’an zabɛ la ba. Kristakɔma n de bunbilipaalesi n ba’a bɔna dɛŋa poan. Ba wan eŋɛ la wani ta’an zabɛ nyaŋɛ kolekpabɛ’ɛsi wa n daɣɛ nɛreba wa? Yelemɛŋɛrɛ la dela, bunbilipaalesi wan ta’an zabɛ ge me wan zabɛ nyaŋɛ! Beni n sɔi? Se’ere n sɔi la ba “kpeŋe ba mɛhe ge sɛ ze’ele soŋa soŋa ba bɔŋa Na’ayenɛ poan.” Ge ba yeen ka kpeŋe la bamesi Naayinɛ paŋa la poan. Ba kɔ’ɔn maasum mɛ ti ba zabɛ. Wuu soogɛpa n kumesɛ se’em la, bama me “dekɛ Naayinɛ zaberɛ lɔgɔrɔ la yɛ.”—Kaalɛ Epesus 6:10-12.
w18.05-E 28-29 ¶4, 7, 10
Bunbilipaalesi—Ze’ele Ya Kankaŋi La Kolekpabɛ’a La
4 Bala mea nɔɔ, ti yelemɛŋɛrɛ la ti to zamesɛ Naayinɛ Yetɔɣum la poan la gu’ura tɔ yɛsera yeledaaŋɔ se’a ti pumpɔreŋɔ pa’alegɔ tara la. (Yon 8:31, 32; 1 Yon 4:1) To san nɔŋɛ yelemɛŋɛrɛ la ti to zamesa la, la wan dɛna naana bo to ti to yɛ “kuto fuseko te ba ne yɛ pin nyɔn’ɔn bɔba ma’an la,” n de wuu, to dɔla Naayinɛ pa’alegɔ la woo n de tontɔɔ la. (Ym. 111:7, 8; 1 Yon 5:3) Leyɛ’ɛsa me, to san bɔkɛ yelemɛŋɛrɛ la n boi Naayinɛ Yelesum la poan soŋa soŋa, to wan tara suure lua ti to ze la to nama zuo ge me wan ta’an zabɛ la to dataasi la.—1 Pet. 3:15.
7 Bisɛ la niɛ peelum pa’alɛ ti Yehowa tontɔɔ pa’alegɔ wan ta’an gu to suure se’em! (Maga. 4:23) Wuu soogɛa n kan dekɛ fuseko n daɣɛ kurego yɛ pi a nyɔn’ɔn la, to kan malum bɔta ti to dekɛ Yehowa tontɔɔ pa’alegɔ la tee la tomea n bisɛ ti sɛla ani soŋa la. To mina ti sɛla n ani soŋa bo to la kan ta’an te’ele to se’em ma’a ti to bɔta soŋerɛ la. (Maga. 3:5, 6) San dɛna bala, to nari ti to vi’isa to poan nyaa ‘kuto fuo’ wa kɔ’ɔn laba to nyɔn’ɔn.
10 Wuu Arom teŋa soogɛa n piti tagera kena zaberɛ poan se’em la, taɣesɛba ti Kristakɔma pita la soŋeri ba mɛ ti ba mɔɔla suma’asum yelesum la. (Isa. 52:7; Arom 10:15) Ge la bala za’a, to ni nara ti to tara la sukpe’ene ta’an tɔɣɛ bo nɛra se’em ma’a ti to ni nyɛ yɔ’ɔ la. Bo n de yuuma 20 yeti: “Dabeem n yuun tari mam ti n mɔɔlɛ bo n kilaasi tadaandoma”. “Mam ni ti’isa ti la dela vi bɔ’ɔra mam. Mam san bisera yuunse’a n tole la, mam ka mi sɛla sɔi ti mam yuun tara dabeem. Nananawa mam puurɛ pee mɛ ti n mɔɔla bɔ’ɔra n tadaandoma.”
w18.05-E 29-31 ¶13, 16, 20
Bunbilipaalesi—Ze’ele Ya Kankaŋi La Kolekpabɛ’a La
13 Sitaana “yabega pɛɛma” la ti a wan ta’an dekɛ tɛ̃ ho la dela pumpɔreŋɔ ase’a doose Yehowa poan—ti Yehowa ka ti’iseri ho yele ge me ka nɔŋɛ hɔ. Ida n de yuun pia la awai yuun nari ti a basɛ eŋa n ni ti’isa ti Naayinɛ ka nɔŋɛ a yele la. A yeti, “Mam ni kɔ’ɔn ti’isa ti Yehowa ka lɛm mam ge me ka bɔta ti n dɛna a Zɔ.” A yuun eŋɛ la wani basɛ ti’isegɔ wa? Ida yeti, “Tansugere zamesegɔ la n yuun basɛ ti mam sakerɛ kpe’em paa.” “Mam yuun ni yeen zi’a mɛ ge ka bɔ’ɔra lebesego, ti’isa ti nɛnɛra ka boti a kelese mam boti n yele sɛla la. Nananawa, Mam ni maasum mɛ soŋa soŋa ge keŋɛ zamesegɔ ge bo lebesego ayi bii atã. La kpe’em mɛ ge mam suure ni ana la lama lama se’em ma’a ti mam bo lebesego la. Mabiisi la me kɔ’ɔn kpemesa mam giila mɛ. Mam ni isige kula ge mina ti Yehowa nɔŋɛ mam mɛ.”
16 Wuu zuwanɛ n te’ele soogɛ zuputo se’emla, to “zabere sapibire la” te’ele la to puti’irɛ. (1 Tes. 5:8; Maga. 3:21) Beere sa’am puti’irɛ la soŋeri to mɛ ti to kɔ’ɔn kpa bisa Naayinɛ pu’ulumbiŋa la ge me basɛ ti to tara putɛsonɛ to san bɔna yeledaaŋɔ poan. (Ym. 27:1, 14; Tooma 24:15) Ge to san bɔta ti to kɔ’ɔn vuga to “sapibire” la, to nari ti to dekɛ vuge to zuo daɣɛ to zãla ka to nu’usin.
20 Paul yuun dekɛ Naayinɛ Yetɔɣum la makɛ me la su’a ti Yehowa dekɛ bo to. Ge la nari ti to ta’an dekɛ su’a wa te’ele to sakɛ bo sɛla la—bii to san bɔta ti to tee to puti’irɛ. (2 Kor. 10:4, 5; 2 Tim. 2:15) Ho wan eŋɛ la wani mina su’a wa zãlega? Sebastian, n de yuuma 21, yeti: “Mam san ni kaalɛ zusɛka woo n mea Baabule kaalegɔ poan, mam ni gulesɛ la kaalegɔ zɛ’an ayima biŋe. Mam guleseri la kaalegɔ zɛ’ɛsi se’a ti mam nɔŋɛ paa la. Bala basɛ ti mam ni kɔ’ɔn ti’isa wuu Yehowa n ti’iseri se’em la.” Daniel, mina ti to puɣum sɔsɛ a yele la, yeti: “Mam san ni ita n Baabule kaalegɔ, mam ni loe la gulesegɔ se’a ti mam ti’isɛ ti la wan soŋɛ mam n san bɔna na’am mɔɔlegɔ la poan. Mam ni nyɛ ti nɛreba ni kɔ’ɔn bɔta sɔsega la mɛ ba san ni nyɛ ti ho nɔŋɛ Baabule la mɛ ge me mɔɔra ti ho soŋɛ ba.”
Ɛɛra Vo’osum Poan Yɛla
it-1-E 1128 ¶3
Zilam
Zilam Vo’osum. Yehowa paŋa bii vo’osum la, dela sɛla ti a tara basɛ ti a puti’irɛ tuna. La ani la filam, kasi, fa’a ge ti Naayinɛ ma’a n tari de tuna tuuma yɛm sore poan. Bala zuo ti ku dɛna “zilam vo’osum la.” (Ym 51:11; Lu 11:13; Arom 1:4; Epe 1:13) Zilam vo’osum la san bɔna nɛra zuo, paŋa wa dela zilam bii kasi. Yelese’a n de dɛgerɔ tuuma za’a dela sɛla n ka nam bii “nyiiha” vo’osum la suure. (Epe 4:30) La nɔɔ boi bini ti bu daɣɛ nɛra ge zilam vo’osum la basɛ mɛ ti Naayinɛ hala a se’a nɛɛra peelum ge ti bala zuo la, to ta’an ‘nyiihe’ bu suure. Tunse’a n ka nɛ nini dela sɛla n wan ‘gu’ura Yenɛ vo’osum la n bote a bahɛ ti to eta se’em la.’ (1Tes 5:19) To san kelum tuna tuun aŋa, Naayinɛ zilam vo’osum la “suure wan sa’am,” ge ti wana wa me ta’an basɛ ti Naayinɛ wan lebege to diŋdaana. (Isa 63:10) Nɛra n nyiihe zilam vo’osum la suure ta’an kelum tɔɣera yetɔɣeyooro doose la vo’osum wa poan, bala n basɛ ti Yezu Krista yeti eŋa kan malum basɛ nɛrekana wa be’em bo en nananawa bii beere sa’am.—Mt 12:31, 32; Mr 3:28-30; bisɛ SPIRIT.
it-1-E 1006 ¶2
Punya’anɛ
Ni Niɛ Peelum Mɛ Ho Itigɔ Poan. Punya’anɛ ni niɛ a mea peelum basɛ ti nɛra halese’a n ka ani soŋa la ge me basɛ ti a konkoma’asum a se’a niɛ. Yames, mina n gulesɛ Baabule la yuun yeti nɛra konkoma’asum san zɔ’ɔra pa’asa, la tari la be’em kena na. (Yam 1:14, 15) Nɛra n iti se’em ta’an basɛ ti ho baŋɛ ti a dela punya’andaana. Tuntuna Paul yuun tɔɣɛ di’e ti nɛra san tara punya’anɛ a dela baga kaabera. (Epe 5:5) Nɛra san tara punya’anɛ a kɔ’ɔn bɔta la a ita la sɛla ti a mea la bɔta ge daɣɛ sɛla ti a Naaŋɔdaana la bɔta ti a ita la.—Arom 1:24, 25.
JUNE 24-30
NAAYINƐ TUULUM YƐLA | FILIPI 1-4
“Da Fabele Sɛsɛla”
w17.08-E 10 ¶10
“Yenɛ Summa’ahom . . . Gaŋɛ La Asaala Bɔkerɛ”
10 Bem n wan soŋɛ tɔ ti to kan fabela sɛsɛla yele ge tuɣum nyɛ “Yenɛ summa’ahom la”? Paul n yuun gulesɛ bo Filipidoma wa basɛ ti to baŋɛ ti fabelegɔ tiim dela zusega. Bala la to san fabela, la nari ti to dekɛ to fabelegɔ la keŋɛ zusega poan. (Kaalɛ 1 Peter 5:6, 7.) Zusa Yehowa la ho sakerɛ ge me mina ti ho yele pakɛ en mɛ. Zusa en la “popeelum” ge tɛra eŋa n kã bo ho se’em la. To san tɛra ti Naayinɛ wan bo to “paŋsɛka n tone yɛla kekeko gana sɛla te to sohera a zen’en, bii tɛn’ɛha la,” to wan tara suure lua a poan.—Epe. 3:20.
w17.08-E 10 ¶7
“Yenɛ Summa’ahom . . . Gaŋɛ La Asaala Bɔkerɛ”
7 Nɔkpe’ene ka boi bini ti se’em ma’a ti ba yuun kaalɛ Paul gɔŋɔ la bo Filipi mabiisi la, mabiisi la yuun tiɛ la sɛla n yuun eŋɛ la Yehowa n yuun doose yelekirega sore poan faɛ Paul basɛ se’em ti ba ka ti’iseri ni ti bala wan ta’an eŋɛ. Bem yɛm zamesegɔ ti Paul yuun bɔta ti a pa’alɛ ba? Gi’a gi’a: Da fabeli ya. Zusa ya ge ya wan nyɛ Naayinɛ summa’asum la. Ge tɛra ya ti “Yenɛ summa’ahom . . . gaŋɛ la asaala bɔkerɛ.” Bala vuurɛ dela bem? Leregeredoma basɛba lerege de yeti “gaŋɛ la asaala n boti se’em” bii “gaŋɛ la asaala ti’isegɔ.” Paul yuun boti a yeti, “Yenɛ summa’ahom la” dela sɛla ti to puɣum kan ta’an ti’isɛ de yele. La nɔɔ boi bim ti asaala puti’irɛ poan, daanse’ere to ka ti’isɛ ti yele wa wan malum maalɛ ge Yehowa wan nyaŋɛ eŋɛ sɛla ti to puɣum ka ti’isɛ de yele.—Kaalɛ 2 Peter 2:9.
w17.08-E 12 ¶16
“Yenɛ Summa’ahom . . . Gaŋɛ La Asaala Bɔkerɛ”
16 Bem n wan eŋɛ to san nyɛ “Yenɛ summa’ahom la n gaŋɛ asaala bɔkerɛ la”? Gulesegɔ la lebese yeti la ‘wan bahɛ te to suunre la to potɛ’ɛra bɔna ma’an Krista Yesu sore dɔlega la poan.’ (Flp. 4:7) Pin’ileŋɔ yetɔɣesebo ti ba gulesɛ ti “gu” la dela soogɛpadoma itigɔ. La pa’ali la diimi saŋa la ti ba ni yele soogɛpa zo’e zo’e ti ba keŋɛ ta gu teŋa la. Filipi teŋa yuun dela teŋkatɛ. Nɛresɛba n yuun kɛ̃’ɛri Filipi teŋa la yuun gĩseri mɛ la summa’asum se’ere n sɔi la ba mi ti ba soogɛpa la yuun gu’uri teŋa la nayasi mɛ. Bala mea nɔɔ ti to san tara “Yenɛ summa’ahom la,” to suure la to puti’ira ni kɔ’ɔn ga’a la ma’asum. To mi ti Yehowa fabeli to yele mɛ ge me bɔta ti to nyɛ nɛŋa tɔlega. (1 Pet. 5:10) Mi’ilum buna wa n gu’uri to ti to ka fabela bii to giila kɔ’ɔsa.
Ɛɛra Vo’osum Poan Yɛla
it-2-E 528 ¶5
Bo’olum
Daam bo’olum. Daam yuun laɣum pa’asɛ bo’olumse’a ti ba yuun bɔ’ɔra la poan mɛ, yele yele wuu Israeldoma la n yuun nyaatabɔna Pu’ulumbiŋere Teŋa la. (Kan 15:2, 5, 8-10) Daam yuun pa’asɛ bim mɛ (“daam sebo n kele”) ge ti ba yuun ni dekɛ ka’ɛ eŋɛ kaabegɔ bimbine la zuo. (Kan 28:7, 14; dekɛ makɛ la Yɛh 30:9; Kan 15:10.) Tuntuna Paul yuun gulesɛ bo Kristakɔma la n yuun boi Filipi teŋa la yeti: “La han dɛna mam vom ka’ɛ wo daam kaanbegɔ bo’olom, te la bahɛ te yan nam Yesu se’em la zo’e, mam poore wan pee.” Kalam a yuun dekɛ la daam bo’olum wa tum tuuma, pa’alɛ eŋa n maasum ti a ku a mea bo a Krista tadaandoma la. (Flp 2:17) Ge ti a nyaa ki la, a yuun gulesɛ bo Timoti ti: “Han dɛna mam, la an me wo ba dekɛ mam mɛ ko la. Dena wa vɔnrɛ dela dabeherɛ la paɛ ya te n keŋɛ Yenɛ zen’en.”—2Ti 4:6.
w07-E 1/1 26-27 ¶5
‘Yia Kum Isigere La’—Pɔsɛ Mɛ!
5 Pooren, looredoma la n de ‘Na’ayenɛ Israel la’ nari ti ba laɣum pa’asɛ to Daana Yezu Krista poan saazuo sa, zɛsɛka ti ba wan ta “bɔna la Na’ayenɛ wuuha” la. (Galatia 6:16; 1 Tesalonika 4:17) Wana ti ba yiira ti ‘kum isigere sɛka n deŋɛ nɛŋa la’ bii ‘yia kum isigere la.’ (Filipi 3:10, 11; Liligere 20:6) Kum isigere wa san ba’asɛ, saŋa la nyaa paɛ ti ba isige nɛreba tusa tusa n wan ta vɔna wuusa Paradiisi teŋa la poan. Ge, to san yeti to ta bɔna saazuo sa bii teŋa wa zuo woo, to kɔ’ɔn ana la lɛɛ gura ‘yia kum isigere la.’ Bem kum isigere n bala wa? La wan wa’an la sankani?