Vom La Na’am Tuuma Zamesegɔ Viisegɔ Gɔŋɔ

AUGUST 5-11

NAAYINƐ TUULUM YƐLA | 2 TIMOTI 1-4

“Yenɛ Vo’osum La Te A Bo To La Ka Bahɛ Te Dabeem Tara Tɔ”

w09-E 5/15 15 ¶9

Bunbilipaalesi​—Basɛ Ti Ya Tuuma Niɛ Peelum

Paul yuun boti a soŋɛ Timoti la eŋa n tiɛ en yeti: ‘Yenɛ vo’osum la te a bo to la ka bahɛ te dabeem tara tɔ ge a vo’osum la ton bo to la paŋa ge bahɛ te to nɔŋɛ Yenɛ la nɛreba ge me bahɛ tɔ te to tara putɛsonɛ.’ (2 Tim. 1:7) ‘Putɛsonɛ’ dela hon ti’iseri soŋa yɛm sore poan. Hon wan tu’usa yɛla la se’em la​—ge daɣɛ hon boti yɛla la ana se’em la. Bunbilipaalesi sɛba yɛm n pɔ’ɛ la n zoti dabeem la ni dekɛ bamea kɛ̃’ɛsa la yɛla ase’a poan n de wuu TV bisega, tiyooro bii daam nyua, de’eŋo bii yalumtuuma poan. Ba ka’am Kristakɔma ti “to da bɔna wo nɛresɛba n ka sakɛ bo en n boe se’em la. Le yɛ’ɛha, to da bɔta a diŋdoma lɔgɔrɔ. La le pa’alɛ tɔ te to tara putɛsonɛ ge me dɛna yelemɛŋɛrɛdoma ge bɔna bɔŋsɛka n ani soŋa teŋa wa zuo wo nɛresɛba n sakɛ bo en la.”​—Titus 2:12.

w03-E 3/1 9 ¶7

‘Kpeŋe Homea Ge Tara Sukpe’ene!’

Paul yuun gulesɛ bo Timoti yeti: “Yenɛ vo’osum la te a bo to la ka bahɛ te dabeem tara tɔ ge a ton bo to la paŋa . . . Bala, da bahɛ te valom tara hɔ te ho mɔɔla to Daana yelesoma la.” (2 Timoti 1:7, 8; Mark 8:38) Wuu to nan kɔ’ɔn kaalɛ gulesegɔ wa ba’asɛ la, to ta’an soke tomea yeti: ‘Mam zoti la valum la n sakerɛ la bii mam tari sukpe’ene? N tuuma zɛ’an bii n sukuu poan, mam ni basɛ ti nɛreba baŋɛ ti mam dela Yehowa Sɛɛradoma ayima bii mam ka boti n basɛ ti ba baŋɛ? Valum n tari mam ti n bɔna n to’ore bii mam puurɛ pee mɛ la mam la Yehowa teŋasuka bɔŋa la?’ Nɛra san tara puti’ira ayi ayi ti a mɔɔlɛ yelesoma la bii a ka boti ti nɛreba baŋɛ en, la nari ti a daana tɛra Yehowa n yuun ka’am Yosua yeti: “Kpeŋe homɛŋa ge tara sukpe’ene.” Tɛra ti daɣɛ to sukuu tadaandoma bii tuuma tadaandoma n ti’iseri se’em la yele n pakɛ ge Yehowa la Yezu Krista n geeli yɛla se’em la.​—Galatia 1:10.

Ɛɛra Vo’osum Poan Yɛla

w17.07-E 10 ¶13

Ɛɛra Yelemɛŋɛrɛ Taresum La

Timoti yuun dela mina n tari sakerɛ. Paul n yuun yi Timoti ti a dela ‘pɛɛntɛɛnra n ka tari dabeem zabera bɔ’ɔra Yezu Krista’ la, Paul yele en yeti: “Te pɛɛntɛɛnra la bote a eta la sɛla n wan eŋɛ a zuodaana suunre nyɛlom. Bala, a ka tɔgɔhe se’em n dagɛ pɛɛntɛɛnra la bɔŋa n ane se’em.” (2 Tim. 2:3, 4) Yezu tuntuneba zina beere wa, laɣum pa’asɛ tɛm woo tuntuneba n de pɛɛntɛɛreba n gaŋɛ tustusere dekɛ Paul ka’aŋɔ wa tuna tuuma mɛ ba bɔŋa la san bo ba yɔ’ɔ. Ba tɛri naresum yele wa: “Sandita dela pɛmɛha la yameŋa” la zuo, ti ba ka bɔta ti ba dekɛ bamea kɛ̃’ɛsɛ teŋgɔŋɔ wa leebego yɛla poan. (Maga. 22:7) Sitaana n boti sɛla dela, a basɛ ti to dekɛ to paŋa la to saŋa kɛ̃’ɛsɛ teŋgɔŋɔ wa leebego yɛla poan. Loore ase’a ni dekɛ to kɛ̃’ɛsɛ la sama poan. Basɛba ni peŋe la ligiri da yɛa kãra, kena sukuu kãra, da’ara lɔa ge me ita pɔɣɔdire malema n ka tari makeri ta’an ni basɛ ti ligiri yɛla daana ba. To ni eŋɛ pa’alɛ ti to tari yɛm se’em ma’a ti to ni basɛ ti to vom ana naana ge dɛna yamesi bɔ’ɔra Naayinɛ gana teŋgɔŋɔ wa leebego yɛla.​—1 Tim. 6:10.

w14-E 7/15 14 ¶10

Yehowa Nɛreba “Zaɣesɛ La Sɛla N Daɣɛ Tontɔɔtuuma”

Zina, Yehowa nɛreba ka ba’ɛ tu’usa yelege n meadoma tansugere la poan. Ge se’em ma’a ti to ni wum pa’alegɔ n ka boi gulesegɔ la poan, la ka pakɛ la bu ze’ele zɛ’an, la nari ti to zaɣesɛ a. Yɛm kan bɔna bim ti to ŋmɛ’ɛra nɔkpe’ene la yelege n meadoma la. La ka nari ti ho ŋmɛ’ɛra nɔkpe’ene la yelege n meadoma la bii to kaala ba yɛla intanɛt la poan bii to sɔsa la ba sose’ere poan. La san puɣum dɛna ti to boti to soŋɛ nɛra la mɛ sɔsega kana taaba kan pa’alɛ ti to doli gulesegɔ la n pa’alɛ se’em la. Wuu to de Yehowa nɛreba la, to kɔ’ɔn gu tomea la yelege n meadoma la.

AUGUST 12-18

NAAYINƐ TUULUM YƐLA | TITUS 1 –FILEMON

“Loe Keendoma”

w14-E 11/15 28-29

Sokese’a Ti Nɛreba Sɔkera

La boi bim ti Gulesegɔ la ka pa’alɛ ba yuun ni lɔɔsa keendoma se’em ge to mi ba yuun iti de se’em mɛ. To mi ti se’em ma’a ti Paul la Barnabas yuun ze’ele ba sateŋa na’am yetɔɣum yalegerɛ tuuma la yɛa kula la, ba yuun ‘loe keendoma tansugere woo poan. Ban zagahɛ ba mɛhe ge pu’usɛ ba’asɛ la, ba loe keendoma la bɔ’ɔra la to Daaana Na’ayenɛ se’em te ba nam la.’ (Tooma 14:23) Yuuma pooren, Paul yuun gulesɛ bo a tuntuna tadaana Titus, yeti: “N daa bahɛ hɔ Krete teŋa te ho leen maalɛ yelese’a n nare la soŋa soŋa. Ho me le doohe teŋhe la ho loohe nɛresɛba n bo lagaŋseto woo n dole Yesu sore la te bama de’a keendoma. Tɛnra mam n bo ho nɔɔrɛ se’em yɛhera hon wan loe keendoma la se’em la.” (Titus 1:5) Timoti me yuun tari la kpe’eŋo kana taaba se’em ma’a ti a yuun dɔla tuntuna Paul la. (1 Tim. 5:22) La niɛ peelum pa’alɛ ti teŋgirega bisegadoma n yuun ni loe keendoma ge daɣɛ la tuntuneba la bii bunkureba la n yuun boi Yerusalem la.

Wuu Baabule gulesegɔ la n nan boi to puti’irɛ poan la, Yehowa Sɛɛradoma Tigere Zuo Bisegadoma la eŋɛ la teere la ba wan lɔɔsa keendoma la keendoma soŋereba se’em. Kɔ’ɔn pɔsɛ la September 1, 2014, ba yuun looseri keendoma se’em n wana: Teŋgirega bisegadaana woo ni geele se’em ti ba bɔta ti ba loe en la soŋa soŋa a teŋgirega la poan. Se’em ma’a ti a ni keŋɛ ta kaɛ tansugere ayima bisɛ la, a ni mɔregɛ mɛ ti a baŋɛ se’em ti ba bɔta ti ba loe en keenma bii keendoma soŋera soŋa soŋa, yɔ’ɔ san bɔna ti a doose la en keŋɛ na’am mɔɔlegɔ. A san ni ta naɛ la keendoma la sɔsɛ se’em ti ba bɔta ti ba loe ti a dɛna keenma bii keendoma soŋera la yele ba’asɛ, teŋgirega bisegadaana la tari yɔ’ɔ ti a loe keendoma bii keendoma soŋera tansugere woo n boi a teŋgirega la poan. Wana wa basɛ ti maaseŋɔ la kɔ’ɔn makɛ mɛ la yuun kɔbesɛka n deŋɛ nɛŋa la.

Ani n biseri tum ana wa za’a? La puɣum dɛna se’em la, “birikina la yam yameŋa” zuo gbere yele dela ba bo to dia. (Matt. 24:45-47) Tuuma la ase’a dela ba viisa Gulesegɔ la poan, zusɛ ti zilam vo’osum la soŋɛ ba la wan eŋɛ se’em ti ba ta’an dekɛ Baabule naresum yɛla la ti to wan ta’an dekɛ a tum tuuma se’em pa’alɛ tansugere woo n boi teŋgole wa za’a. Sakerɛ yameŋa la dela sɛba n looseri teŋgirega bisegadoma la Tigere Yile Bisegadoma. Leyɛ’ɛsa me, tigere yile woo me ni soŋɛ mɛ basɛ ti to ta’an dekɛ a tum tuuma. Keenma woo n boi keendoma tigesego la poan nari ti a viisɛ Gulesegɔ la poan nima nima baŋɛ nyaa mabia la ti ba bɔta ti ba loe en Naayinɛ tansugere la poan sirum nari. Teŋgirega bisegadaana woo ninmɔ’ɔrɛ tuunɛ dela, a ma’ɛ a mea geele ge zusɛ paa ta’an baŋɛ nyaa se’em ti keendoma la bɔta ti ba loe en la sirum nari.

Ɛɛra Vo’osum Poan Yɛla

w89-E 5/15 31 ¶5

Sokese’a Ti Nɛreba Sɔkera

Paul yuun ka nam ba yuun yeleseri Kretadoma buuri la. Nɔkpe’ene kai, se’ere n sɔi la Paul yuun mi ti Kristakɔma yuun boi Krete ti Naayinɛ dekɛ A zilam vo’osum la loe ba. (Tooma 2:5, 11, 33) “Teŋhe la” woo poan, yelemɛŋɛrɛ Kristakɔma zo’e zo’e yuun boi mɛ dɛna tansuga zo’e zo’e. La boi bini ti Kristakɔma yuun dela asaaleba n ka di mi’a ge ba yuun daɣɛ pumpɔredoma la ponya’adoma; ba yuun san ana bala Yehowa kan loe ba. (Filipi 3:18, 19; Liligere 21:8) Wuu zina wa ti to nyɛti de se’em teŋa woo poan la, putɛsonɛdoma me yuun boi Krete ti ba puurɛ yuun ka pee la yelese’a n yuun paari ba la ge me yuun kɔ’ɔn ana kɛli ti ba kelese Krista yelesum la.​—Ezekiel 9:4; dekɛ makɛ Tooma 13:48.

w08-E 10/15 31 ¶4

Titus, Filemon La Hebru Gɔnɔ La Yelekpina

15, 16​—Beni n sɔi ti Paul yuun ka zusɛ Filemon ti a basɛ Onesimus ti a bɔna fai? Paul yuun ka boti yɛla gɛ̃ta en ti a kan ta’an tum a tuunɛ la n de a ‘mɔɔla Yenɛ sɔ’ɔlom ge pa’ala to Daana Yesu Krista yɛla la.’ Bala la, a yuun ka dekɛ a mea kɛ̃’ɛsɛ teŋa la yɛla poan, ti a soŋɛ sɛba n de yamesi la.​—Tooma 28:31.

AUGUST 19-25

NAAYINƐ TUULUM YƐLA | HEBRU 1-3

“Nɔŋɛ Tontɔɔtooma Ge Yaɛ Pototooma”

w14-E 2/15 5 ¶8

Pɛ̃ɣɛ Krista, Naba N Tari Na’asegɔ La!

Yuun 1914 la poan ti Yehowa bobe a Dayɔa la ti a dɛna Messiah Na’am la Naba saazuo. ‘A na’am bisega doore la dela tontɔɔ bisega doore,’ bala la a tontɔɔ bisega la kɔ’ɔn bɔna mɛ saŋa woo. A gurega kpe’eŋo la kɔ’ɔn nara mɛ, se’ere n sɔi la, ‘Naayinɛ n bobe en na’am la.’ Bala pa’ali ti, Yehowa n de a na’am la ɛ̃berɛ. Leyɛ’ɛsa me, Yezu na’am la wan bɔna la “bala ka tara ba’ahegɔ.” Hon puurɛ ka pee ti ho pu’usa se’em ti Yehowa Naayinɛ loe en ti a dɛna Naba la?

w14-E 2/15 4-5 ¶7

Pɛ̃ɣɛ Krista, Naba N Tari Na’asegɔ La!

Kaalɛ Yooma 45:6, 7. Yezu n nɔŋɛ tontɔɔtuuma ge yaɛ be’em la n sɔi ti Yehowa bobe en ti a dɛna Messiah Na’am la Naba. A yuun “sɔ̃ en la nyeema kaam” ti a gana a “taaba la,” n de Yudadoma nadoma n ze’ele David tuusum la poan. Wani wani? Yele deyima dela, Yehowa mea n yuun bobe Yezu. Sɛla n le pa’asɛ la, Yehowa yuun bobe en ti a dɛna Naba la Malema Nɛŋadaana. (Ym. 2:2; Heb. 5:5, 6) Leyɛ’ɛsa, ba ka dekɛ la kamɛŋebɔ loe Yezu ge la yuun dela zilam vo’osum la ti a na’am la me daɣɛ teŋgɔŋɔ wa zuo ge saazuo sa.

Ɛɛra Vo’osum Poan Yɛla

it-1-E 1185 ¶1

Wɔ̃sum

Yezu yuun kɔ’ɔn tara a Sɔ la hala la woo mɛ?

Naayinɛ Dayɔkeema n de Yezu la, sirum dela la a Sɔ la wɔ̃sum. (2Ko 4:4) Nɔkpe’ene kai ti Dayɔa wa n yuun bala ti Naayinɛ yuun yele en yeti, “Bahɛ te to eŋɛ asaala te a ana wo tomam la,” ba dekɛ Dayɔa la makɛ la a Sɔ la n de Naaŋɔdaana la, pa’alɛ ti Naayinɛ yuun puɣum bɔna mɛ se’em ma’a ti a yuun naam a Dayɔa la. (Pin 1:26; Yon 1:1-3; Kol 1:15, 16) Se’em ma’a ti a yuun bɔna teŋgɔŋɔ wa zuo dɛna asaala ana kasi la, a yuun tari la a Sɔ la hala la tuna tuuma, bala n sɔi ti a yuun ta’an yeti “se’em n nyɛ mam, nyɛ n Sɔ la mɛ.” (Yon 14:9; 5:17, 19, 30, 36; 8:28, 38, 42) Wɔ̃sum wa yuun niɛ peelum mɛ sansɛka ti a yuun isige a kum la poan dɛna vo’osum nɛra ge ti a Sɔ Yehowa Naayinɛ dekɛ “kpe’eŋo za’a . . . n boi saazuo la teŋa” bo en. (1Pe 3:18; Mt 28:18) La boi bim ti Naayinɛ n yuun zɛ̃kɛ en saazuo ge yuun “bo en yu’urɛ se’ere n gane yu’ura zan’an” la, Naayinɛ Dayɔa wa nyaa kɔ’ɔn tuna ti la na’asa Sɔ la hali gana eŋa n yuun boi saazuo ge nan ka wa’an teŋa wa zuo na la. (Flp 2:9; Heb 2:9) Nananawa a nyaa “kɔ’ɔn tara la Naayinɛ wɔnɛ” ti sɛla ka gee.​—Heb 1:2-4.

it-1-E 1063 ¶6

Saazuo

Yetɔɣesebo n boi Yooma 102:25, 26 tɔɣeri la Yehowa Naayinɛ yele ge tuntuna Paul yuun dekɛ yele wa tɔɣɛ di’e la Yezu Krista yele. Wana wa pa’alɛ ti Naayinɛ Dayɔyeŋa yuun dela a Tuntuna ti a doose a poan naam sɛla woo ti to nyɛta wa. Paul yuun dekɛ Dayɔa wa n boi wuusa la makɛ la lɔɣɔse’a ti to nyɛta wa, sɛla ti Naayinɛ yuun maalɛ la a wan ta’an ‘bɔɣelɛ ka woo fuo la’.​—Heb 1:1, 2, 8, 10-12; dekɛ makɛ 1Pe 2:3, ftn (NW).

AUGUST 26–SEPTEMBER 1

NAAYINƐ TUULUM YƐLA | HEBRU 4-6

“Tiregɛ Kɛ̃ Naayinɛ Vo’osego La Poan”

w11-E 7/15 24-25 ¶3-5

Naayinɛ Vo’osego La​—Vuurɛ Dela Bem?

Yɛla ayi n soŋɛ tɔ ti to kɔ’ɛ to puti’irɛ ti dabesa ayopɔi daarɛ kelum tuna tuuma mɛ hali ta paɛ la yuun kɔbesɛka n deŋɛ nɛŋa K.P. Yia, daalɛ basɛ Yezu n yuun yele sɛba n giiseri en la se’em, se’em ma’a ti a yuun tibɛ nɛra Vo’osego Daarɛ la ti ba bisɛ ti la dela tuunɛ. Daana la yuun yele ba yeti: “Mam Sɔ n tone te mam me tona.” (Yon 5:16, 17) La boti la pa’alɛ la bem? Ba yuun zɛregeri Yezu mɛ la eŋa n tuni Vo’osego Daarɛ la. A lebese yeti: ‘Mam Sɔ kelum tuna mɛ.’ Yelemɛŋɛrɛ, Yezu yuun lebese sɛba n giiseri en la yeti: ‘Mam la n Sɔ la kɔ’ɔn tuna la tundena mea. Wuu mam Sɔ n kelum tuna Vo’osego Daarɛ yuun tusa la poan la, la dela yɔ’ɔ bo mam ti n me kelum tuna hali Vo’osego Daarɛ la me.’ Bala la, Yezu yuun pa’ali ti teŋgɔŋɔ wa zuo, Naayinɛ Vo’osegɔ Dabesekãtɛ la, dabeserɛ n pa’asɛ n yopɔi daarɛ la, nan ka ba’asɛ tomam dabesa wa poan.

Yele se’ere n le niɛ peelum pa’asɛ buyi dela sɛla ti tuntuna Paul yele la. Eŋa n yuun tɔɣeri Naayinɛ vo’osego la yele ti la bɔna Pin’ileŋɔ 2:2 la, Paul yuun gulesɛ yeti: “Tomam sɛba n nya sakɛ bo yelesoma la n de sɛba n wan nyɛ vo’ohosego la.” (Heb. 4:3, 4, 6, 9) Bala la, dabeserɛ sɛka n pa’asɛ buyopɔi la yuun kelum tuna mɛ Paul dabesa la poan. Vo’osego dabeseri wa wan yue la wani?

La wan eŋɛ se’em ti to ta’an lebese sokere wa la, la nari ti to tɛra dabesa ayopɔi daarɛ la n pa’alɛ sɛla. Pin’ileŋɔ 2:3 pa’alɛ la vuurɛ n de sɛla yeti: “Yenɛ kan bahɛ dabeha ayopɔe daarɛ la ge loe de te de dɛna toolom daarɛ.” Daandendaarɛ la yuun dela dabeserɛ n de ‘tuulum’​—zilam bii dabese’ere ti Yehowa yuun loe, la wan eŋɛ se’em​—ti a ta’an basɛ ti a puti’irɛ tum tuuma. Yehowa puti’irɛ wa yuun dela teŋgɔŋɔ wa ti sɛba n nani en la bɔna ka poan sɔna sɛla woo n boi bim la bisera. (Pin. 1:28) La yuun dela putɛdena wa zuo ti Yehowa Naayinɛ la Yezu Krista n de “vo’ohogo daarɛ la Daana,” kelum “tuna ta paɛ zina wa.” (Matt. 12:8) Naayinɛ vo’osego daarɛ la wan kelum bɔna la bala ta paɛ Krista Yuun Tusere Na’am Bisega la poan.

w11-E 7/15 25 ¶6

Naayinɛ Vo’osego La​—Vuurɛ Dela Bem?

Adam la Hawa mi Naayinɛ puti’irɛ n yuun de se’em mɛ soŋa soŋa ge ba yuun zaɣesɛ mɛ ka doose bala. Nɔkpe’ene kai ti, Adam la Hawa yuun dela nɛresaaleba n pɔsɛ zaɣasɛ Naayinɛ nɔɔrɛ. Nɛreba zo’e zo’e n paɛ tustusa me eŋɛ la bala. Hali basɛba dela Naayinɛ loore nɛreba, Israel teŋa nɛreba la me yuun kɔ’ɔn eŋɛ la bala mea ka doose a nɔya la. Pual yuun kãɣɛ yuun kɔbesɛka n deŋɛ nɛŋa Kristakɔma la ninmɔ’ɔrɛ ti, ba bisɛ soŋa san daɣana bala ba ta’an lu bɛ̃regɔ la poan wuu diimi Israeldoma la. A yuun gulesɛ yeti: “Dene poan, bahɛ ya te to kpeŋe ya to mɛhe la to nyɛ vo’ohokona wa. Te to han nyɛ ko bala, to se’em kan lebe pooren wo bama n yuun lebe pooren se’em la. La yuun dela bama n ka nam sɛla te Na’ayenɛ yɛta ba la zuo te ba yuun lebe pooren la.” (Heb. 4:11) Tɛra ti Paul yuun yeti sɛba n ka nani la kan bɔna Naayinɛ vo’osego la poan. Dena wa vuurɛ dela bem bɔ’ɔra tomam me? To san tuna giisa Naayinɛ puti’irɛ n boti se’em la, hon bisɛ ti la kan gu to ti to kan ta’an kɛ̃ Naayinɛ vo’osego la poan? La kɔ’ɔn niɛ peelum mɛ, sokere wa lebesego yele pakɛ to me paa ge la nari ti to malum geele yele la soŋa soŋa. Nananawa, basɛ ti to sɔsɛ ya to wan eŋɛ se’em kɛ̃ Naayinɛ vo’osego la poan doose to wan geele Israeldoma makebe’o la.

w11-E 7/15 28 ¶16-17

Naayinɛ Vo’osego La​—Vuurɛ Dela Bem?

Zina beere wa, Kristakɔma fii wa n tiregeri ti ba baŋɛ Moses Lɔɔ la, la wan eŋɛ se’em ti ba ta’an nyɛ faarɛ. Paul yuun gulesɛ gɔŋɔ ta bo Epesusdoma la yeti: “La dela Yenɛ zo’ohegɔ la zuo te ya nyɛ faanrɛ doohe la yan nam la zuo. Dena wa dagɛ la ya mɛŋa etegɔ, ge la dela Yenɛ bo’olom. La dagɛ la ya mɛŋa tone te se’em wan ŋmɛ nyɔn’ɔn.” (Epe. 2:8, 9) La san dɛna bala, la vuurɛ dela bem ti Kristakɔma la kɛ̃ Naayinɛ vo’osego la poan? Yehowa yuun loe la dabesa ayopɔi daarɛ la​—a vo’osego daarɛ la​—biŋe, la wan eŋɛ se’em ti a puti’irɛ la ti a tara bɔ’ɔra teŋgɔŋɔ wa la tum tuuma ti la dɛna na’asegɔ bɔ’ɔra en. To wan ta’an kɛ̃ Yehowa vo’osego la poan​—bii to naɛ la en bɔna a vo’osego la poan​—to san dɔla a puti’irɛ n boti se’em wuu tigere la n pa’alɛ to se’em la.

To san le bisɛ, to san ka dekɛ Baabule kã’aŋɔ la ti yelemɛŋɛrɛ yameŋa la tara bɔ’ɔra to la yi sɛsɛla ge dɔla la tomea puti’irɛ, bala wan pa’alɛ ti to tulege tuna giisa la Naayinɛ puti’irɛ n boti sɛla la. Bala ta’an sa’am tomam la Yehowa bɔŋa la. Zaseŋɔ seko n taɣelɛ la, to wan sɔsɛ la yelese’a n ta’an daam Naayinɛ nɛreba ge bisɛ to ni kɔ’ɛ to puti’irɛ ti to nam bii to doose tomea puti’irɛ n boti se’em la, wan sirum pa’alɛ ti to wan kɛ̃ Naayinɛ vo’osego la poan bii to kan kɛ̃.

Ɛɛra Vo’osum Poan Yɛla

w16.09-E 13

Sokese’a Ti Nɛreba Sokera

“Na’ayenɛ yetɔgom” la dela bem ti Hebru 4:12 yeti bu ‘vɔi mɛ ge tara paŋa’ la?

▪ Gulesegɔ la bɔba ase’a pa’alɛ ti tuntuna Paul yuun pa’ali la yelesum la bii Naayinɛ puti’irɛ n de se’em ti to mina Baabule la poan la.

To gɔnɔ woo ni tɔɣera Hebru 4:12 ti la pa’alɛ la Naayinɛ yetɔɣum la n tari paŋa tɛɛra nɛreba vom se’em, la me kɔ’ɔn makɛ mɛ la to pa’ali se’em la. Ge, la ani soŋa ti to malum bisɛ Hebru 4:12 vuurɛ n de se’em pa’asɛ. Paul yuun ka’ani Hebru Kristakɔma ti ba naɛ la Naayinɛ tuna a puti’irɛ n boti sɛla la. A puti’irɛ la boi la zilam gulesegɔ la poan. Paul yuun tɔɣeri la Israeldoma la n yuun nyɛ faarɛ Egypt teŋa poan se’em la. Ba yuun tari yɔ’ɔ mɛ ti ba keŋɛ ta kɛ̃ pu’ulumbiŋe teŋa la, “teŋsɛka te iilom la seerom zote ka poan wo ko’om la” zɛsɛka ti ba yuun wan sirum ta vɔ’ɔsa la.​—Kan. 3:8; Tɛɛ. 12:9, 10.

Naayinɛ puti’irɛ dela bala. Ge pooren la, Israeldoma la suure yuun taɣelum mɛ ge me ka tara sakerɛ, bala yuun basɛ ti ba zo’e zo’e ka nyaŋɛ kɛ̃ a vo’osego la poan. (Kan. 14:30; Yo. 14:6-10) Ge Paul yuun tɔɣɛ pa’asɛ ti vo’osego ayima n boi ti “Na’ayenɛ biŋe a nɔɔrɛ la bo la tomam te to ta’an kɛn nyɛ vo’ohogo la.” (Heb. 3:16-19; 4:1) Naayinɛ n “biŋe a nɔɔrɛ la” niɛ peelum ti la boi la Naayinɛ puti’irɛ poan. Wuu Hebru Kristakɔma la, tomam me ta’an naɛ la Naayinɛ tuna a puti’irɛ n boti sɛla. To baŋɛ ti pu’ulumbiŋe la boi la Gulesegɔ la poan ge ti Paul me yese a yetɔɣum ase’a la Pin’ileŋɔ 2:2 la Yooma 95:11 poan.

Yelemɛŋɛrɛ, la dela yelesonɛ bo to ti “Na’ayenɛ biŋe a nɔɔrɛ la bo la tomam te to ta’an kɛn nyɛ vo’ohogo la.” To tari puti’irɛ ti Baabule pu’ulumbiŋe la n wan basɛ ti to kɛ̃ Naayinɛ vo’osego la sirum dela sira, to me biseri la to wan eŋɛ se’em ta’an kɛ̃. To ka tiregeri dɔla la Moses Lɔɔ la bii to ita yɛla ase’a ti Yehowa nam bo to. Ge to doli la sakerɛ poan naɛ la Naayinɛ tuna la pupeelum wuu a puti’irɛ n boti se’em la. Sɛla n le pa’asɛ la, wuu to puɣum deŋɛ baŋɛ se’em la, nɛre tusa tusa n boi teŋgole wa za’a waabi poan zameseri Baabule la mɛ baŋera Naayinɛ puti’irɛ. Ba zo’e zo’e tee ba vom mɛ, tara sakerɛ ge nyaa muse ko’om dɛna Kristakɔma. Yelesum la n kɛ̃ ba suure se’em la niɛ peelum ti ‘Na’ayenɛ yetɔgom vɔe mɛ ge tara paŋa.’ Naayinɛ puti’irɛ la n boi Baabule la poan se’em la, puɣum tee to vom mɛ ge me wan kelum tara paŋa tɛɛra to vom.

it-1-E 1139 ¶2

Beere Sa’am Puti’irɛ

“Sɛba n dole Yesu sore te Na’ayenɛ me yi ya na wa” (Heb 3:1) tari la puti’irɛ n ka miini ge sakɛ soŋa soŋa ti ba wan nyɛ daarewoo nyɔvore ge me kan ta’an ki. Yɛla ayi n basɛ ti to mina ti Naayinɛ kan ta’an parum, n de, a nɔpɔrɛ la, la a pu’ulumbiŋe la, beere sa’am puti’irɛ wa me boi la Krista zɛ’an, se’em n nyaa boi saazuo sa ge kan ta’an ki la. Bala la ba pa’alɛ ti beere sa’am puti’irɛ wa ani me wuu “ton sakɛ sɛla to suunre poan gura la kan malom tee. De kɔ’ɔn bahɛ tɔ te to paɛ Na’ayenɛ zen’en wo malema daandoma keema la n kɛn Saraa la poan. Te zen’kana wa poan, Yesu pon diŋɛ to yia kɛn bini mɛ tomam zuo. Enŋa nya dela malemadaana ka tara ba’ahegɔ wo Melkizedek la.”​—Heb 6:17-20.