TO BƆNA WUU KRISTAKƆMA

Sarum Soŋɔ La Gilema Soŋeri Mɛ Ti Nɛreba Bɔta Yelemɛŋɛrɛ La

Pɔɣesɛba n baŋɛ yelemɛŋɛrɛ la ge me tara sarum soŋɔ la n ni basɛ ti ba sireba bɔta yelemɛŋɛrɛ la. Bala la, la ta’an dɛna ti a ŋmibe gurebisɛ la poan yuuma zo’e zo’e. (1Pe 2:21-23; 3:1, 2) Ho san nyɛta mɛlesegɔ, kɔ’ɔn tiregɛ dekɛ som zabɛ nyaŋɛ be’em. (Arom 12:21) Ho makesonɛ la wan basɛ ti ho sira bii ho pɔɣa zamesɛ yelemɛŋɛrɛ la.

Tiregɛ la ho tara putɛsonɛ bɔ’ɔra ho sira bii ho pɔɣa. (Flp 2:3, 4) Tara giile la nimbɔ̃’ɔ ge me kɔ’ɔn tuna ho zugbere tuunɛ. Kɛlesa soŋa soŋa. (Yam 1:19) Di’isa suure ge basɛ ti ho sira bii ho pɔɣa baŋɛ ti ho nɔŋɛ en mɛ. Hali ho sira bii ho pɔɣa san puɣum ka nana hɔ, tɛra ti Yehowa puurɛ pee mɛ la hon tari yelemɛŋɛrɛ se’em la.—1Pe 2:19, 20.

BISƐ VIDIYO LA N DE YEHOWA N BO’ORI TO PAŊA TI TO ZIIRA TO ZEERO LA GE NYAA LEBESE SOKERE ANA WA:

Grace Li n yuun pɔsɛ ele la, a zi’irego poan yuun ani la wani?
Bem n basɛ ti a yuun bɔta ti a zamesɛ Baabule la?
Mabipɔka Li yuun eŋɛ la wani ta’an ŋmibe ze’ele yelese’a n yuun paari en a ko’om musega pooren la?
Mabipɔka Li yuun zusɛ ɛɛra la bem?
Bem kã’a ti Mabipɔka Li yuun nyɛ la eŋa n yuun tari sarum soŋɔ ge nana la?

Fɔɔra: ‘Yehowa N Bo’ori To Paŋa Ti To Ziira To Zeero La’ zɛ’ɛsi ase’a n pa’ali Grace Li n yuun nyɛti nɛŋa tɔlega se’em. 1. Grace n ze sɛ̃ka poan kaasa. 2. Mabipɔka n zameseri Grace Baabule la. 3. Grace la a kɔma n yese ba dia koosego zɛ’an yɛa zamesegɔ. 4. Grace la a deodoma bawai n boi Na’am Pu’usegɔ Deo poan. — Sarum soŋɔ la gilema sirum tari paŋa mɛ!