Vom La Na’am Tuuma Zamesegɔ Viisegɔ Gɔŋɔ

OCTOBER 7-13

NAAYINƐ TUULUM YƐLA | YAMES 3-5

“Tara Naayinɛ Yɛm Tuna Tuuma”

cl-E 221-222 ¶9-10

Hon Tari “Yamsomɔ Sebo N Ze’ele Na’ayenɛ Zen’en Na La” Tuna Tuuma Ho Vom Poan?

‘Yia, de ani la kasi.’ Sɛla n ani kasi ani la filam ka tara dɛ̃ɣerɔ poan la yiŋa za’a. Baabule la pa’alɛ ti yɛm ni bɔna la suure la poan ge saazuo yɛm kan ta’an bɔna nɛra suure n dɛɣɛ tara ti’isegɔ la konkoma’asum n de be’em. (Magaha 2:10; Matu 15:19, 20) Ge to suure la san ana kasi​—ti la makɛ la to de be’emdoma se’em la​—to wan “bahɛ be’em, ge eta som.” (Yooma 37:27; Magaha 3:7) La sirum kɔ’ɔn nara mɛ ti saazuo yɛm la poan kasi halɛ n deŋɛ nɛŋa, daɣɛ bala? Se’ere n sɔi la, to san ka ana kasi to sareŋɔ la to vo’osum poan tuuma, to wan eŋɛ la wani ta’an tara saazuo yɛm sebo n gee la?

“Bo tare la sunma’ahom.” Saazuo yɛm n basɛ ti to ɛɛra suma’asum, halɛ wa dela Naayinɛ vo’osum biila la ayima. (Galatia 5:22) To nari ti to tiregɛ ge da sa’am “sunma’ahom” la n basɛ ti Yehowa nɛreba tara nɔyinɛ la. (Epesus 4:3) To ni kelum mɔ mɛ basɛ ti suma’asum bɔna se’em ma’a ti yele eŋɛ. Beni n sɔi ti la yele pakɛ? Baabule la yeti: “Bone ya mɛ. . . la sunma’ahom. Na’ayenɛ se’em n de nɔŋerɛ daana la sunma’ahom daana la wan bɔna la ya.” (2 Korint 13:11) Bala la, to san tara suma’asum la taaba, suma’asum Naayinɛ la me wan bɔna la tɔ. To boi la to mabiisi se’em la ta’an sa’am bii basɛ ti tomam la Yehowa teŋasuka bɔŋa ana soŋa. To wan ta’an eŋɛ la wani dɛna nɛreba n eeri suma’asum? Ti’isɛ yele wa bisɛ.

cl-E 223-224 ¶12

Hon Tari “Yamsomɔ Sebo N Ze’ele Na’ayenɛ Zen’en Na La” Tuna Tuuma Ho Vom Poan?

“Putɛsonɛ.” La vuurɛ dela bem ti ho dɛna nɛremama? Gɔnmi’ileba basɛba yeti, Greek yetɔɣum la ti ba lerege yeti “putɛsonɛ” ti la bɔna Yames 3:17 kpe’em mɛ ti ba lerege de. Leregeredoma ni lerege yeti “mama bɔŋa,” “sudi’isego,” la “hon ti’iseri nɛreba yele.” New World Translation teŋanɔɔrɛ yetɔɣum yeti la vuurɛ kɔ’ɔn dɛna la “hon sakɛ bo.” To wan eŋɛ la wani pa’alɛ ti to tara saazuo yɛm halɛ dena wa tuna tuuma to vom poan?

cl-E 224-225 ¶14-15

Hon Tari “Yamsomɔ Sebo N Ze’ele Na’ayenɛ Zen’en Na La” Tuna Tuuma Ho Vom Poan?

“Kɔ’ɔn nana bɔ’ɔra.” Greek yetɔɣum la ti ba lerege yeti “kɔ’ɔn nana bɔ’ɔra” la ka le bɔna zɛ’an zɛ’an Kristakɔma Greek Gulesegɔ la poan. Gɔnmi’ila ayima yeti, yetɔɣum wa pa’alɛ la “soogɛpa n nari ti ba dɔla pa’alegɔ se’em.” La pa’alɛ la nɛra “n ni ka yue ge sakɛ bo sɛla” ge me “gã’ata teŋa bɔ’ɔra.” Se’em n tari saazuo yɛm tuna tuuma ni kɔ’ɔn eŋɛ la kalam dɔla sɛla ti Gulesegɔ la pa’ala. A daɣɛ mina n ni loe a loore ba’asɛ ge zaɣesɛ ti a kelese sɛla n ka makɛ la eŋa n ti’isɛ se’em la. Ge a ni eŋɛ la kalam tee a puti’irɛ a san ta baŋɛ Gulesegɔ la poan ti a tue mɛ bii a ti’isegɔ la ka tɔ. Nɛreba mi ti hon ani la bala?

“Bo Bahɛ Te Nɛreba Tara La Giinle La Taaba Gee Tona Toonsoma”

“Bo bahɛ te nɛreba tara la giinle la taaba gee tona toonsoma.” Giile dela ninmɔ’ɔrɛ halɛ saazuo yɛm la poan, se’ere n sɔi la yɛm dena kɔ’ɔn “tara la giinle.” Daalɛ basɛ ti ba laɣum gulesɛ la “giinle” la “toonsoma” lɛm taaba. Wana wa kɔ’ɔn nara mɛ, se’ere n sɔi la Baabule la poan, nɛra san tara giile a ni ita pa’ala ti nɛreba yele pakɛ en mɛ, a ni ita la itisoŋɔ ti la pa’alɛ ti a zoti nɛreba ninbɔ̃’ɔ mɛ. Viisegɔ gɔŋɔ kuyima pa’alɛ ti giile dela “ho suure n sa’am se’em ma’a ti yeledaaŋɔ paɛ nɛra ge ti ho tiregera ti ho soŋɛ en.” Bala la, saazuo yɛm daɣɛ nɛresaala yɛm, ka soŋera bii ka tara giile. Ge ku ani la wam, wuna dama ge ti’isa nɛreba yele. To wan eŋɛ la wani pa’alɛ ti to kɔ’ɔn tara giile?

cl-E 226-227 ¶18-19

Hon Tari “Yamsomɔ Sebo N Ze’ele Na’ayenɛ Zen’en Na La” Tuna Tuuma Ho Vom Poan?

‘Bo ka gãseri.’ Naayinɛ yɛm ka tari buuri nɛ’ɛsigɔ bii ŋmɛ’ɛra nyɔ’ɔ la nɛra n ze’ele teŋsɛka. To san tara yɛm dena wa, to ni tiregɛ mɛ ka gãsera nɛreba. (Yames 2:9) To kan eŋɛ basɛba soŋa doose la ba keŋɛ sukuu paɛ se’em, ba tari ligiri se’em, bii ba tuni tuunse’a tansugere la poan; to mi kan pɔ’ɛ to mabiisi, la puɣum ka pakɛ la ba bɔŋa n ani se’em. Yehowa mea san nɔŋɛ ba, tomam me nari ti to bisɛ ti la nari ti to nɔŋɛ ba.

“Ka pan’aha nɛreba.” Greek yetɔɣum la n de “nigum nigum daana” la ta’an pa’alɛ la “de’endɛ’ɛna n de’eni de’eŋo poan.” Diimi sa, Greek la Arom de’endɛ’ɛneba yuun san dɛ’ɛna ba ni dekɛ la sɛla pĩ ba nɛsi. Bala la, Greek yetɔɣum la n de “nigum nigum daana” la pa’alɛ la nɛra n pã’aseri, bii parena. Saazuo yɛm wa ka nari ti la yeen tee la to ani se’em la to mabiisi ma’a ge la tee to ti’iseri ba yele se’em.

Ɛɛra Vo’osum Poan Yɛla

w08-E 11/15 20 ¶6

Yames La Peter Gɔnɔ La Yelekpina

4:5​—Bem gulesegɔ ti Yames tɔɣera de yele kalam? Yames ka tɔɣeri gulesegɔ sɛka yele wana mɔpi. Ge vo’osum poan yetɔɣum wa ta’an ze’ele la yelese’a n boi Pin’ileŋɔ 6:5; 8:21; Magaha 21:10; la Galatia 5:17.

w97-E 11/15 20-21 ¶8

Sakerɛ N Basɛ Ti To Di’isa Suure Ge Zusa

La dela be’em ti to zɛregɛ to mabia. (Yames 4:11, 12) Ge sɛba ni tɔɣera zɛregera mabiisi basɛba mɛ, daanse’ere ba ba’ɛ bisɛ nam bamea ti bamam dela tontɔɔdoma bii ba zeena basɛba ge zɛkera bamea. (Yooma 50:20; Magaha 3:29) Greek yetɔɣum la yeti ho ‘zɛregeri’ la pa’alɛ la hon boti be’em paɛ nɛra ge le pa’alɛ hon wige yɛla dɔɣelɛ nɛra zuo se’em. Wana pa’alɛ ti ho kɔ’ɔn gãkɛ la ho mabia la mɛ n bala. Sore kani poan ti wana wa pa’alɛ ti ho ‘zɛregeri mɛ ge gãkera Naayinɛ lɔɔ la’? Aatɔ, gɔnguleseriba la, la Faraseedoma la yuun doose la ‘bibe’elum yɛm poan dekɛ Naayinɛ nɔya la biŋe kinkɛlega’ ge tara bamea pa’alegɔ gãkera. (Mark 7:1-13) Bala mea nɔɔ, to san zɛregɛ to mabia ti Yehowa ka zɛregɛ, la ka pa’alɛ ti to ‘gãkeri la Naayinɛ lɔɔ’ la ge yeti de ka di mi’a? To san tɔɣera zɛregera to mabia ti la ka nara, wana wan pa’alɛ ti to ka tari nɔŋerɛ lɔɔ la tuna tuuma.​—Arom 13:8-10.

OCTOBER 14-20

NAAYINƐ TUULUM YƐLA | 1 PETER 1-2

‘Ya Nari Ti Ya Dɛna Zilamdoma’

w17.02-E 9 ¶5

Lua Bunɔ La​—Dela ‘Bo’olom N Di Mi’a’ N Ze’ele Sɔ La Zɛ’an Na

To wan eŋɛ la wani pa’alɛ ti to nɔŋɛ Yehowa? Doose la to halɛ poan. Yehowa boti la to dɛna zilamdoma. (Kaalɛ 1 Peter 1:15, 16.) Wana wa pa’alɛ ti to pu’useri la Yehowa ma’a ge me sirum nana en la to suure za’a. Hali ba san puɣum mɛlesa tɔ, to ni kelum mɔɔra mɛ vɔna to vom ti la makɛ la Yehowa tontɔɔ naresum yɛla la a lɔɔ la. Doose la to tuni tontɔɔ tuuma la, to ni basɛ ti nɛɛsum la nɛɛra mɛ ge ni basɛ ti Yehowa yu’urɛ tara la gilema. (Matu 5:14-16) Wuu to de zilam nɛreba la, to basɛ ti la niɛ la peelum to vom poan ti Yehowa kisa ani soŋa mɛ ge ti Sitaana yɛla la woo dɛna pumpɔreŋɔ. To san tue, wuu to mi ti nɛra woo tuuri me la, to ni tee mɛ to suure poan ge ni basɛ tuunse’a n ka na’aseri Yehowa la.​—Ym. 79:9.

lvs-E 77 ¶6

To Wan Eŋɛ Se’em Ta’an Loe De’eŋo Soŋa

Yehowa yele to yeti: “Dene ya toolomdoma se’ere n sɔe mam Na’ayenɛ ya Yenɛ la dela fa’a.” (1 Peter 1:14-16; 2 Peter 3:11) To pu’usegɔ san ana zilam bii filam ma’a ti Yehowa wan to’e. (Tɛɛnhegɔ 15:21) To pu’usegɔ kan ta’an ana filam to san tuna yelese’a ti Yehowa yaɛ, maɣesɛ wuu yalumtuuma, gbiregere, bii kolekpatuuma. (Arom 6:12-14; 8:13) La wan daam Yehowa paa to san bisa yele aŋa to de’eŋo poan. Wana wa ta’an basɛ ti to pu’usegɔ dɛɣɛ ge ka nara Yehowa zɛ’an. La wan ta’an sa’am tomam la eŋa bɔnsoŋa la.

Ɛɛra Vo’osum Poan Yɛla

w08-E 11/15 21 ¶10

Yames La Peter Gɔnɔ La Yelekpina

1:10-12. Malesi kɔ’ɔn bɔta ti ba viisa mɛ ge bɔkɛ vo’osum poan yelemɛŋɛrɛ yɛla la ti Naayinɛ diimi nɔdɛ’ɛsadoma la yuun gulesɛ doose la loore Krista tansugere la. Ge se’em ma’a ti Yehowa yuun pɔsɛ tuna la tansugere la ti yele aŋa yuun niɛ peelum. (Ep. 3:10) La ka ani soŋa ti to tɔɣesɛ malesi la ge sirum viisa ‘Naayinɛ yelese’a ti nɛreba ka mina la’?​—1 Ko. 2:10.

it-2-E 565 ¶3

Bisegadaana

Bisegadaana N Gaŋɛ Za’a. La niɛ peelum ti Yia Peter 2:25 yetɔɣum la ze’ele la Isaiah 53:6 n pa’ali nɛresɛba n ani wuu ‘piihi n bɔregɛ la,’ ti Peter nyaa yeti: ‘Ge nananawa ya lebe la se’em n de ya dunkeena la ya sɛɛhi bisegadaana zɛ’an.’ Yehowa Naayinɛ yele ti ba tɔɣera kalam, se’ere n sɔi la sɛba ti Peter gulesɛ bo la ka buregɛ Krista Yezu zɛ’an ge ba tuɣum doose la eŋa poan lebe Yehowa Naayinɛ zɛ’an na, se’em n de a nɛreba la Dunkeena n Gaŋɛ Za’a. (Ym 23:1; 80:1; Yer 23:3; Eze 34:12) Yehowa kelum dɛna la bisegadaana, mina n viiseri yɛla. (Ym 17:3) Viisegɔ wa (Gr., e·pi·sko·peʹ) ta’an pa’ala eŋa n yeti a dekɛ gãkerɛ katɛ wa’ana, wuu yuun kɔbesɛka n deŋɛ nɛŋa la K.P. ti sɛla yuun paɛ Yerusalem la, ti ka nɛreba yuun ka mina sansɛka ti ba “viisɛ [Gr., e·pi·sko·pesʹ]” en la. (Lu 19:44) Bii la me ta’an ni tari yelesonɛ wa’ana, wuu sɛba n na’aseri Naayinɛ daanse’ere daarɛ ti “Yesu ta lɛbera na la [Gr., e·pi·sko·pesʹ].”​—1Pe 2:12.

OCTOBER 21-27

NAAYINƐ TUULUM YƐLA | 1 PETER 3-5

“Sɛla Woo Pɔnre Ba’ahegɔ Mɛ N Bala”

w13-E 11/15 3 ¶1

“Maahom Ya Mɛhe La Ya Ta’an Soha”

Nɛra n tabelɛ tum yu’uŋɔ yeti, “sansɛka ti la kpe’em ti ho ta’an piga paa dela se’em ma’a ti beere ni ta pɔ̃ra yilegerɛ la.” Bala mea nɔɔ, ti sɛba me n tabelɛ piga yu’uŋɔ za’a wan sakɛ ti nɛra la yetɔɣum dela sira. Zina beere Kristakɔma tu’useri la yeledaaŋɔ kana mea nɔɔ se’ere n sɔi la Sitaana teŋa wa n boi sansɛka la dela lika gariti saŋa. (Arom 13:12) Bisɛ la wan dɛna dɛŋa se’em bɔ’ɔra tɔ ti to gisera sankana wa! La yele pakɛ mɛ ti to ‘tara to mɛhe soŋa soŋa’ ge kɛlesa Gulesegɔ la ka’aŋɔ la n yeti “maahom ya mɛhe la ya ta’an soha.”​—1 Pe. 4:7.

w99-E 4/15 22 ¶3

To Wan Eŋɛ Se’em Ta’an Baŋɛ Ge Nyaŋɛ Vo’osum Poan Tɔregɔ

Ba’asegɔ poan la, kɔ’ɔn tɛra tuntuna Peter nɔŋerɛ ka’aŋɔ wa: “Ge sɛla woo pɔnre ba’ahegɔ mɛ n bala. Dene poan la sontii ya tara ya mɛhe soŋa soŋa la ya maahom ya mɛhe la ya ta’an soha. Sɛla n gane zan’an dela ya nɔŋɛ taaba. Se’ere n sɔe la, nɔŋerɛ zuo te to dita suguru bɔ’ɔra taaba yɛla zo’e zo’e poan.” (1 Peter 4:7, 8) La dela naana ti to basɛ ti asaala tuure​—tomea bii nɛreba tuure​—sa’am to suure la to puti’ira nyaa dɛna yelese’a n wan basɛ ti to pirɛ lui. Sitaana mi ti asaala tari tɔregɔ wa mɛ. A bɛregɔ ayima dela a sa’am ti nɔyinɛ la ge ta’an zabɛ nyaŋɛ tɔ. Bala la, la nari ti to dɔla nɔŋerɛ poan dita suguru bɔ’ɔra taaba la wan eŋɛ se’em ti to da bo “Kolekpabɛa la yɔ’ɔ.”​—Epesus 4:25-27.

w18.03-E 14-15 ¶2-3

Saama To’ohogo Dela Yelesonɛ​—N Kɔ’ɔn Pakɛ!

Leyɛ’ɛsa me, Peter yuun ka’am mabiisi la ti: “To’e ya taaba.” (1 Pe. 4:9) Greek yelebire la n de “saama to’osego” la vuurɛ dela “hon nɔŋɛ sɛla bii hon iti som bɔ’ɔra saama.” Tɛra ti Peter yuun ka’am mabiisi la ti ba tɔ’ɔsa “taaba,” sɛba ti ba yuun puɣum mina ge naɛ la ba bɔna la. Ba to’oseri taaba la wan soŋɛ ba la wani?

La wan basɛ ti ba lɛna taaba. Geele ho mɛŋa zi’irigo poan bisɛ. Hon puurɛ daa pee ya la nɛra n daa beem ho a yire la? Hon ni tiisa homea la ho puurɛ n daa pee se’em la? Hon daa saam mabiisi ya tansugure la poan la, ya daa ka nyɛ giilekpeŋere ya zɔtɔ la poan? To san saana to mabiisi, la ni basɛ ti to malum baŋera ba mɛ soŋa soŋa gana to mi ba se’em la. Peter saŋa la, Kristakɔma yuun nari ti ba lɛna taaba wuu yɛla n yuun gaani be’ero la zuo. Zina me, la dela bala mea bɔ’ɔra Kristakɔma “ba’ahegɔ dabeha” wa poan.​—2 Tim. 3:1.

Ɛɛra Vo’osum Poan Yɛla

w13-E 6/15 23

Sokese’a Ti Nɛreba Sokera

Baabule la yeti Yezu yuun ‘mɔɔlɛ bo kolekpabɛ’ɛsi la n boi paka deo la.’ (1 Pe. 3:19) La vuurɛ dela bem?

▪ Tuntuna Peter pa’alɛ ti malesi wa dela sɛba “n yuun daa ka nane Na’ayenɛ nɔɔrɛ Noah saŋa ha la.” (1 Pe. 3:20) La niɛ peelum ti, Peter yuun tɔɣeri la malesi sɛba n yuun naɛ la Sitaana eŋɛ kpenkpasi la yele. Yude gulesɛ yeti malesi “basɛba n daa boe ge ka tara be’em ge daa nya lebege tona be’em la,” a pa’alɛ ti Naayinɛ “lobe ba bahɛ lika poan wo pakadeen la te ba bɔna bini daarɛ woo gura gankerɛ daarɛ.”​—Yude 6.

Sore kani poan ti malesi wa yuun ka nana bɔ’ɔra Noah dabesa la? Ge ti Kokemɔ la yuun wa’ana la, kolekpabɛ’ɛsi wa yuun lebege la nɛreba​—sɛla ti Naayinɛ yuun ka naam ba ti ba ana bala. (Pin. 6:2, 4) Leyɛ’ɛsa, malesi wa n yuun gã la pɔɣesi la yuun tuni la yaalegɔ tuunɛ. Naayinɛ yuun ka maalɛ malesi ti ba gã’a la pɔɣesi. (Pin. 5:2) La kan yue, Naayinɛ wan sa’am kolekpabɛ’ɛsi wa sansɛka n nari. Ge nananawa, wuu Yude n yele se’em la, ba dekɛ ba basɛ la “lika poan”​—vo’osum poan lika.

Wani ma’a la sore kani poan ti Yezu yuun ‘mɔɔlɛ bo kolekpabɛ’ɛsi la n boi paka deo la’? Peter yuun gulesɛ yeti wana wa yuun tum tuuma la se’em ma’a ti “Na’ayenɛ sea daa bahɛ en te a vo’e” la. (1 Pe. 3:18, 19) Daalɛ basɛ ti, Peter yeti Yezu yuun “mɔɔlɛ” mɛ. Peter n yeti ‘yuun’ la ta’an pa’alɛ ti Yezu yuun mɔɔlɛ mɛ ge ti Peter nyaa yuun gulesɛ a yia gɔŋɔ la. La ta’an ana wuu, daanse’ere se’em ma’a ti Yezu yuun isige a kum poan la, a yuun tɔɣɛ sa’aŋɔ se’a n gã gura kolekpabɛ’ɛsi wa ti la kan yue la yele. La yuun daɣɛ ti a yuun mɔɔlɛ la suma’asum yele bɔ’ɔra ba. A mɔɔlegɔ la yuun dela gãkerɛ. (Yona 1:1, 2) Yezu n yuun eŋɛ pa’alɛ ti a tari sakerɛ la yelemɛŋɛrɛ ta paɛ a kum ge nyaa isige la​—pa’alɛ ti Kolekpabɛ’a la yuun ka nyaŋɛ eŋɛ en sɛsɛla​—se’ere n sɔi la Yezu yuun tari yɔ’ɔ ti a mɔɔlɛ gãkerɛ yele wa mɛ.​—Yon 14:30; 16:8-11.

Beere sa’am, Yezu wan dekɛ Sitaana la a kolekpabɛ’ɛsi la za’a lobɛ basɛ boko kãtɛ poan ge kparɛ ba. (Luke 8:30, 31; Lil. 20:1-3) Ge ti sankaŋa wa nyaa paɛ la, vo’osum poan lika kolekpabɛ’ɛsi la boi la lika poan ge ti ba me wan nyɛ sa’aŋɔ.​—Lil. 20:7-10.

w08-E 11/15 21 ¶8

Yames La Peter Gɔnɔ La Yelekpina

4:6​—Bani n de “sɛba n daa ki la” ti ba “mɔɔlɛ yelesoma la” bo ba la? Nɛrebana wa dela sɛba n daa ‘ki ba be’em poan,’ bii ki vo’osum poan, se’em ma’a ti ba daa ka wum yelesoma la. (Ep. 2:1) Ba daa nyaa tari sakerɛ yelesoma la poan la basɛ ti ba tara “vom” mɛ, vo’osum poan.

OCTOBER 28–NOVEMBER 3

NAAYINƐ TUULUM YƐLA | 2 PETER 1-3

“Wo Yan Gure Yenɛ Dabaherɛ Kpeŋe Ya Ya Mɛhe Ge Bahɛ Te De Wa’an Kalam Kalam Na”

w06-E 12/15 27 ¶11

Yehowa “Wan Gankɛ Po’e Ba”

Yezu buɣeli to suure la wani la eŋɛ n yeti Yehowa wan basɛ ti yelemɛŋɛrɛ gãkerɛ wa’an “tɔtɔ” la? Naayinɛ Yetɔɣum la basɛ ti to baŋɛ ti ‘la boi bini ti [Yehowa] di’isire suure mɛ,’ ge saŋa la san paɛ a wan eŋɛ kalam gãkɛ. (Luke 18:7, 8; 2 Peter 3:9, 10) Noah saŋa la poan, Kokemɔ la, yuun sa’am tunfɛ’ɛsadoma la za’a mɛ ti la ka gu’um. Bala mea nɔɔ, Lɔt saŋa la, kuguse’a n dite la bugum n yuun ze’ele saazuo lu na di tunfɛ’ɛsadoma la za’a. Yezu yuun yeti: “Bala, daanse’ere daarɛ te Asaala Dayɔa ta yeti n lebena ge nɛɛ n mea la ta me ana la bala.” (Luke 17:27-30) Leyɛ’ɛsa, tunfɛ’ɛsadoma la wan ‘nyɛ sa’aŋɔ bilam bilam.’ (1 Tesalonika 5:2, 3) Yelemɛŋɛrɛ, to tari suure lua ti Yehowa kan bo yɔ’ɔ ti Sitaana teŋgɔŋɔ be’o wa zɔɛ a dabeserɛ la fii me ge ti a nyaa sa’am en.

w06-E 12/15 19 ¶18

“Na’ayenɛ Dabaherɛ Kantɛ La Pɔnre”

Nɔkpe’ene kai ti tuntuna Peter yuun kaɣɛ tɔ ti to basɛ ti “Yenɛ dabeherɛ la” bɔna to puti’irɛ poan saŋa woo! To wan eŋɛ la wani ta’an eŋɛ wana? Sore deyima ti to wan ta’an eŋɛ bala dela to wan ‘vɔna toolom vom, ge kaanbe to mɛhe bo Yenɛ.’ (2 Peter 3:11, 12) To san basɛ ti to nini mu’ɛ la tuun ana wa la wan soŋɛ tɔ ti kɔ’ɔn basɛ ti “Yenɛ dabeherɛ la” bɔna to puti’irɛ poan. Greek yelebire la n de ‘ya basɛ ti la bɔna ya puti’irɛ poan’ la dela “sɛla n keni kalam kalam.” Naayinɛ mea dabeserɛ la san ka paɛ, tomam kan ta’an basɛ ti la wa’an kalam kalam na. Ge, to nan guri dabeserɛ wa la, to san mu’ɛ nini tuna Naayinɛ tuuma, dabeserɛ la ta’an wa’an kalam na ti to ka mina.​—1 Korint 15:58.

Ɛɛra Vo’osum Poan Yɛla

w08-E 11/15 22 ¶2

Yames La Peter Gɔnɔ La Yelekpina

1:19​—Ani n de “belomŋma’arɛ la,” wani ma’a ti a nɛɛra ge to eŋɛ la wani baŋɛ ti wana wa sirum tum mɛ? “Belomŋma’arɛ” la dela Yezu Krista n boi a Na’am la poan. (Lil. 22:16) Yuun 1914 poan, ba yuun bobe Yezu na’am ti a dɛna Messiah Naba, eŋa n de mina n bo’ori nɔɔrɛ la yelese’a n wan ta eŋɛ. Yezu n yuun tee a mea la yuun basɛ ti ba baŋɛ a na’asegɔ la a Na’am la paŋa, se’em n basɛ ti Naayinɛ yetɔɣebiŋa la za’a tum tuuma la. To san basɛ ti yele ana wa bɔna to suure poan, la basɛ ti to baŋɛ ti Belomŋma’arɛ la niɛ ya.

w08-E 11/15 22 ¶3

Yames La Peter Gɔnɔ La Yelekpina

2:4​—Bem n de “Tartarus,” ge wani ma’a ti ba yuun dekɛ kolekpabɛ’ɛsi wa lobe basɛ bim? Tartarus dela zɛ’an n ani wuu paka deo ti ba dekɛ kolekpabɛ’ɛsi la basɛ bim. La dela zɛ’an n ani ligam, ho san dekɛ makɛ la Naayinɛ puti’irɛ n nɛɛri se’em la. Sɛba n boi Tartarus la ka tari beere sa’am puti’irɛ. Noah saŋa la, Naayinɛ yuun dekɛ kolekpabɛ’ɛsi wa lobe basɛ la Tartarus wa poan ge ti ba me wan bɔna la bilam bala gura se’em ma’a ti a wan sa’am ba.