Ho Wan Ta’an Zamesɛ La Bem Kristakɔma N Kumesɛ Zɛ’an?

To tansuga poan, to nyɛti mabiisi n dekɛ yuuma zo’e zo’e pu’usɛ Yehowa. To wan ta’an zamesɛ baŋɛ ba dekɛ bamesi delum Yehowa se’em ba sɛla woo poan. To wan ta’an soke ba Yehowa tigere la n pɔsɛ se’em ma’a la Yehowa n soŋɛ ba se’em ti ba ta’an ŋmibe ze’ele ba yeledaaŋɔ poan. To Deodoma Pu’usegɔ poan, to wan ta’an beem ba ti ba wa’ana yele to ba zi’irego poan yɛla.

Ho san dɛna la Kristabia n kumesɛ, ho wan ta’an kpemese bunbilipaalesi giila ti ba sakerɛ kpe’em. Yakob la Yosef yuun tɔɣɛ Yehowa n yuun soŋɛ ba se’em bo ba yaasi. (Pin 48:21, 22; 50:24, 25) Yehowa boti la zuodaana woo tɔɣera a tuunkãra la yele pa’ala ba kɔma. (Tɛ 4:9, 10; Ym 78:4-7) Zina beere wa me, dɔɣereba la mabiisi n boi tansugere la poan ta’an me tɔɣera bɔ’ɔra kɔma Yehowa n doose a tuunkirisi la poan basɛ ti a tigere la nyaŋɛ tum sɛla.

BISƐ VIDIYO LA ZUO N DE KƆ’ƆN TARI YA NƆYINƐ BA SAN DEKƐ NU’O PAƔELƐ TO TUUMA LA ZUO GE NYAA LEBESE SOKERE ANA WA:

• To mabiisi la n boi Austria tigere la yile eŋɛ la wani soŋɛ to mabiisi n boi teŋse’esi ti ba ka bo ba yɔ’ɔ ti ba pu’usa Yehowa la?

• To mabiisi la n boi tensina wa poan eŋɛ la wani kelum tara ba sakerɛ la kankaŋi?

• Beni n sɔi ti mabiisi n boi Romania teŋa poan yuun yese bamesi Yehowa tigere la poan ge ba yuun eŋɛ la wani lebena?

• Yele ana wa kpemese hon giila la wani ho sakerɛ poan?