Zilam Vo’osum La Tum La Tuunkpe’eŋo

Naayinɛ yamesi nyaŋɛ tum la yele kãra diimi sa ta paɛ zina beere wa. La daɣɛ bamea paŋa ge la dela Yehowa n soŋɛ ba. Yuun 1954 poan, Yehowa tigere la yuun maalɛ la vidiyo zuo n de Naayinɛ Nɛreba La N Tuni Ba Tuuma Se’em. Betel deodoma n ka mi vidiyo maalegɔ n yuun maalɛ vidiyo wa. Yehowa zilam vo’osum la n yuun soŋɛ ba ti ba tum tuunkpe’eŋo wa. La basɛ ti to tara la suure lua ti, to san dekɛ tomea delum Yehowa, to wan ta’an tum tuunɛ woo.​—Zek 4:6.

BISƐ VIDIYO LA ZUO N DE BA MAALƐ LA “NAAYINƐ NƐREBA LA N TUNI BA TUUMA SE’EM” VIDIYO GE NYAA LEBESE SOKERE ANA WA:

• Beni n sɔi ti ba yuun kɔ’ɛ puti’irɛ ti ba wan maalɛ vidiyo n pa’ali tigere zuo la yɛla?

• Sore kani poan ti vidiyo la pa’alɛ ti Betel ani wuu nɛresaala inya la?​—1Ko 12:14-20

• Bem yɛla n yuun kpe’em bo mabiisi la n yuun maali vidiyo la ge ba yuun eŋɛ la wani ta’an maalɛ dɛ?

• Yele wa pa’alɛ to ti Yehowa zilam vo’osum la tuni la wani?