Nɛra Ni Ki Ana La Wani?

Baabule la lebesego

Baabule la yeti: ‘Sɛba n vɔi la mi ti ba wan ki ge sɛba n ki la ka mi sɛsɛla.’ (Pa’ala 9:5; Yooma 146:4) Bala to san ki, to ka le bɔna zɛ’an. Kum kan ta’an ti’isa, tuna bii a mina sɛla n iti.

“Tontɔnɔ mea poan ti ho wan lebe”

Naayinɛ yuun pa’alɛ nɛra n ni ki ana se’em bo yia Adam. Adam n yuun tum be’em la, Naayinɛ yuun yele en yeti: “Ho dela tintɔnɔ, tintɔnɔ mea poan ti ho wan lebe.” (Pin’ileŋɔ 3:19) Ge ti Naayinɛ nyaa dekɛ tiŋa wa tintɔnɔ yaɣebɛ Adam la, Adam yuun ka boi zɛ’an zɛ’an. (Pin’ileŋɔ 2:7) Bala mea nɔɔ, se’em ma’a ti Adam yuun ki la, a yuun lebe la tintɔnɔ la poan ge ka le bɔna zɛ’an zɛ’an.

Bala nɔɔ ti nɛresɛba n ki la ana. Baabule la n tɔɣeri asaaleba la dusi yele la, la yeti: ‘Ba za’a ze’ele la tintɔnɔ poan, ba za’a me wan lebe la tontɔnɔ poan.’​​—Pa’ala 3:19, 20.

Nɛra san ki, la ka pa’alɛ ti sɛla woo ba’asɛ mɛ n bala

Baabule la tabelɛ dekɛ kum makɛ la goom. (Yooma 13:3; Yon 11:11-14; Tooma 7:60) Nɛra san gise tole, a ka mi sɛla n iti. Bala mea nɔɔ ti ki’indoma ka mi sɛla n iti. Ge Baabule la pa’alɛ ti Naayinɛ wan ta’an bo sɛba n ki la vom. La wan ana woo ba gisi mɛ ti Naayinɛ le isige ba la. (Yob 14:13-15) Bala la, Naayinɛ san ta isige sɛba n ki la, to wan baŋɛ ti, nɛra san ki, la ka pa’alɛ ti sɛla woo ba’asɛ mɛ.