8 “Mì nọ dopẹna Jehovah,+ bo nọ dawhá ylọ oyín etọn,
Mì nọ hẹn azọ́n etọn lẹ zun yinyọnẹn to gbẹtọ lẹ ṣẹnṣẹn!+
9 Mì jihàn hlan ẹn, mì jihàn pipà tọn lẹ hlan ẹn,+
Mì nọ lẹnnupọndo azọ́njiawu etọn lẹpo ji.+
10 Mì nọ doawagun to oyín wiwe etọn mẹ.+
Mì gbọ ahun mẹhe to Jehovah dín lẹ tọn ni jaya.+
11 Mì nọ dín Jehovah+ bo nọ biọ huhlọn etọn.
Mì nọ dín nado nọte to nukọn etọn to whepoponu.+
12 Mì nọ flin azọ́njiawu he e ko wà lẹ,+
Yèdọ azọ́njiawu etọn lẹ po whẹdida etọn lẹ po,
13 Mì kúnkan Islaeli devizọnwatọ etọn tọn lẹ emi,+
Mì visunnu Jakọbu tọn lẹ, yèdọ mẹdide etọn lẹ.+