16 Enẹwutu, nuhe Oklunọ Nupojipetọ Jehovah dọ die:

Mẹdepope he do yise hia to e mẹ ma na dibu.+

17 Ṣigba, e pọ́n yé hlan tlintlin bo dọmọ: “To whelọnu lo, etẹwẹ nuhe yin kinkandai ehe zẹẹmẹdo dọ: ‘Zannu he họ̀dotọ lẹ gbẹ́ dai, ehe lọ wẹ ko lẹzun zannu gángánsu họ̀gosu tọn’?+

11 Ehe lọ wẹ ‘zannu he mì họ̀dotọ lẹ gbẹ́ dai he ko lẹzun zannu gángánsu họ̀gosu tọn.’+

11 Na mẹde ma sọgan do dodonu de ai hú dehe ko yin didoai, ehe yin Jesu Klisti.+

19 Enẹwutu, mì masọ yin jonọ lẹ po mẹhe to jonọ-gbéji lẹ po ba,+ ṣigba mì yin tòvi hatọ+ omẹ wiwe lẹ tọn podọ hagbẹ whédo Jiwheyẹwhe tọn tọn lẹ,+ 20 mì ko sọ yin dido daga do dodonu apọsteli lẹ po yẹwhegán lẹ po tọn ji,+ to whenuena e yindọ Klisti Jesu lọsu wẹ dodonu họ̀gosu tọn lọ.+

4 Dile mì to ewọ dè wá, yèdọ zannu ogbẹ̀nọ he yin gbigbẹdai gbọn gbẹtọ lẹ dali,+ ṣigba he yin dide bosọ họakuẹ na Jiwheyẹwhe,+ 5 mìlọsu taidi zannu ogbẹ̀nọ lẹ to yinyin dido daga zun ohọ̀ gbigbọmẹ tọn de+ nado yin yẹwhenọduta wiwe de, nado sọgan sán avọ́ gbigbọmẹ tọn lẹ+ he yin alọkẹyi to Jiwheyẹwhe dè gbọn Jesu Klisti gblamẹ.+ 6 Na e yin didọ to Owe-wiwe mẹ dọmọ: “Mì pọ́n! Yẹn to zannu dide de zedai to Ziọni, yèdọ zannu dodonu họ̀gosu tọn he họakuẹ de, podọ mẹdepope he do yise hia to e mẹ ma na yin hinhẹn jẹflumẹ* gbede.”+

7 Enẹwutu, mìwlẹ wẹ e họakuẹ na, na mì yin yisenọ wutu; ṣigba na mẹhe ma yise lẹ, “zannu he họ̀dotọ lẹ gbẹ́ dai,+ ehe lọ wẹ ko lẹzun zannu gángánsu họ̀gosu tọn,”+