18 Enẹwutu, e dọna yé dọmọ: “Be mìlọsu ma mọnukunnujẹnumẹ taidi yé wẹ? Be mì ma yọnẹn dọ nudepope sọn gbonu he biọ gbẹtọ mẹ ma sọgan hẹn ẹn flu, 19 to whenue e yindọ e ma biọ ahun etọn mẹ, ṣigba adọ̀go etọn mẹ wẹ e biọ, bo nọ yin yinyẹ̀n jẹgbonu do adàdo mẹ ya?” Gbọnmọ dali, e do núdùdù lẹpo hia nado yin wiwe. 20 Humọ, e dọmọ: “Enẹ he tọ́njẹgbonu sọn gbẹtọ mẹ wẹ nọ hẹn ẹn flu.+ 21 Na sọn homẹ, enẹ wẹ sọn ahun gbẹtọ tọn mẹ+ wẹ linlẹn ylankan lẹ nọ tọ́njẹgbonu sọn: yèdọ fẹnnuwiwa zanhẹmẹ tọn,* ajojijẹ, hlọnhuhu, 22 ayọdide, nukunkẹn, kanyinylan, oklọ, walọ gblezọn tasinsinyẹn tọn,* nukun he gọ́ na nuvẹun, nùzinzan, sakla po nulú po. 23 Homẹ wẹ nuylankan ehe lẹpo nọ wá sọn bo nọ hẹn gbẹtọ flu.”