47 To whenue tenu do, tọjihun lọ to ohù ṣẹnṣẹn, ṣigba e pò ewọ kẹdẹ to agé.+ 48 Enẹwutu, to whenue e mọdọ húnkùnkùn lọ to tuklado yé, na yé to jẹhọn pé wutu, to nudi mimá ẹnẹtọ ozán tọn* mẹ, e dọnsẹpọ yé bo to zọnlinzin gbọn ohù ji; ṣigba e basi taidi dọ e jlo na* zẹ̀ yé go wẹ nkọ. 49 To whenue yé mọ ẹn bọ e to zọnlinzin to ohù ji, yé lẹndọ: “Odlọ de wẹ!” Yé sọ dawhá. 50 Na yemẹpo wẹ mọ ẹn bo biọ bẹwlu mẹ. Ṣigba to afọdopolọji, e dọna yé dọmọ: “Mì gboadọ! Yẹn wẹ; mì dibu blo.”+ 51 Enẹgodo, e biọ tọjihun he mẹ yé te, jẹhọn lọ sọ doalọte. Ehe sọ hẹn awuji yé tlala,