16 míwlẹ yọnẹn dọ e ma yin gbọn azọ́n osẹ́n tọn lẹ dali wẹ gbẹtọ nọ yin lilá di dodonọ, ṣigba gbọn yise+ to Klisti Jesu mẹ kẹdẹ gblamẹ.+ Enẹwutu, mí ko tindo yise to Klisti Jesu mẹ, na mí nido sọgan yin lilá di dodonọ gbọn yise to Klisti mẹ dali, bọ e ma yin gbọn azọ́n osẹ́n tọn lẹ gblamẹ, na mẹdepope* ma na yin lilá di dodonọ gbọn azọ́n osẹ́n tọn lẹ dali.+

11 Humọ, e họnwun dọ mẹdepope ma nọ yin lilá di dodonọ gbọn osẹ́n dali to Jiwheyẹwhe dè,+ na “dodonọ na nọgbẹ̀ gbọn yise etọn dali.”+