Howhinwhẹn lẹ
19 E pọnte nado yin wamọnọ bo nọ zinzọnlin to tenọgli mẹ+
Hú nado yin nulunọ bo nọ dolalo.+
3 Nulú mẹde tọn wẹ nọ hẹn aliho etọn gẹdẹ,
Bọ ahun etọn nọ wá gblehomẹ sinsinyẹn do Jehovah go.
4 Adọkun nọ hẹnmẹ tindo họntọn susu,
Ṣigba, mẹsusu nọ họ̀nna wamọnọ, etlẹ yin họntọn etọn.+
6 Mẹsusu wẹ nọ dín nukundagbe omẹ nukundeji* de tọn,
Mẹlẹpo wẹ sọ nọ jihọntọn hẹ mẹhe nọ nanúmẹ.
Ewọ nọ to godo na yé po obiọ etọn lẹ po, ṣigba mẹde ma nọ kẹnù demẹ na ẹn.
8 Mẹdepope he tindo zinzin* yiwanna ede.*+
Mẹdepope he yí wuntuntun whlá na tindo kọdetọn dagbe.*+
9 Kunnudetọ lalonọ ma na nọma yin yasana,
Podọ mẹhe nọ to lalodo mapote na dọ̀n.+
10 E ma jẹ dọ nulunọ ni zan gbẹzan fẹẹmẹninọ tọn;
Mọjanwẹ e ma jẹ dọ devizọnwatọ de ni dugán do ahọvi lẹ ji do niyẹn!+
13 Visunnu nulunọ nọ hẹn nugbajẹmẹji wá otọ́ etọn ji,+
14 Ogú he otọ́ lẹ nọ namẹ wẹ owhé po adọkun po,
Ṣigba, Jehovah wẹ nọ namẹ asi nuyọnẹntọ.+
19 Mẹhe nọ yawu gblehomẹ na jiya etọn;
Eyin a tẹnpọn nado whlẹn ẹn, be a dona nọ to mọwà mapote.+
22 Nuhe nọ dọnmẹdogo to gbẹtọ dè wẹ owanyi nugbo etọn;+
Podọ e pọnte nado yin wamọnọ hú nado yin lalonọ.
24 Adidọnọ nọ ylọn alọ etọn do agbán daho mẹ,
Ṣigba, e ma tlẹ nọ tẹnpọn nado hẹn ẹn gọwá onù.+
25 Hò mẹṣankotọ,+ na wunvinọ nido lẹzun zinzintọ,+
Podọ wọhẹ mẹhe tindo nukunnumọjẹnumẹ, na ewọ nido yọnnuin dogọ.+
26 Mẹhe nọ ylanhùn do otọ́ etọn go bo nọ yàn onọ̀ etọn jẹgbonu
Wẹ visunnu he nọ hẹn winyan po flumẹjijẹ po wá.+
27 Visunnu ṣie, eyin hiẹ masọ nọ dotoaina mẹplọnlọ ba,
Hiẹ na danbú sọn ohó nuyọnẹn tọn lẹ kọ̀n.