1 Otànnugbo lẹ

8 Bẹnjamini+ ji Bela+ he yin plọnji etọn, Aṣbeli+ he yin awetọ, Ahala he yin atọ̀ntọ, 2 Noha he yin ẹnẹtọ, podọ Lafa he yin atọ́ntọ. 3 Visunnu Bela tọn lẹ wẹ Adali, Gela,+ Abihudi, 4 Abiṣua, Naamani, Ahoa, 5 Gela, Ṣefufani po Hulami po. 6 Visunnu Ehudi tọn lẹ, yèdọ nukọntọ whédo otọ́ mẹhe nọ nọ̀ Geba+ lẹ tọn, he yin bibẹ yì kanlinmọgbenu to Manahati lẹ die: 7 Naamani, Ahija po Gela po—ewọ wẹ plan yé yì kanlinmọgbenu podọ ewọ wẹ ji Uzza po Ahihudi po. 8 Ṣahalaimi ji ovi lẹ to aigba* Moabi tọn ji to whenue e ko yàn yé godo. Asi etọn lẹ wẹ Huṣimi po Baala po.* 9 Ovi he asi etọn Hodẹṣi ji na ẹn lẹ wẹ Jobabi, Zibia, Meṣa, Malkami, 10 Jeuzi, Sakia po Milma po. Ehelẹ wẹ visunnu etọn lẹ, yèdọ nukọntọ whédo otọ́ yetọn lẹ tọn lẹ.

11 Ovi he Huṣimi ji na ẹn lẹ wẹ Abitubi po Ẹlpaali po. 12 Podọ visunnu Ẹlpaali tọn lẹ wẹ Ebeli, Miṣami, Ṣemẹdi (he do Ono+ gọna Lọdi+ po tòpẹvi he to oglọ na ẹn* lẹ po ai), 13 Belia po Ṣema po. Ehelẹ wẹ nukọntọ whédo otọ́ mẹhe nọ nọ̀ Aijalọni+ lẹ tọn lẹ. Yewlẹ wẹ yàn mẹhe nọ nọ̀ Gati lẹ sẹ̀. 14 Podọ Ahio, Ṣaṣaki, Jelemọti, 15 Zebadia, Aladi, Edeli, 16 Mikaẹli, Iṣpa, Joha, yèdọ visunnu Belia tọn lẹ; 17 Zebadia, Meṣulami, Hizki, Hebeli, 18 Iṣmelai, Izlia, Jobabi, yèdọ visunnu Ẹlpaali tọn lẹ; 19 Jakimi, Zikli, Zabdi, 20 Elienai, Zilẹtai, Eliẹli, 21 Adaia, Belaia, Ṣimlati, yèdọ visunnu Ṣimei tọn lẹ; 22 Iṣpani, Ebeli, Eliẹli, 23 Abdọni, Zikli, Hanan, 24 Hanania, Elami, Antotija, 25 Ifdeia, Penuẹli, yèdọ visunnu Ṣaṣaki tọn lẹ; 26 Ṣamṣelai, Ṣehalia, Atalia, 27 Jaaleṣia, Elija, Zikli, yèdọ visunnu Jelohami tọn lẹ. 28 Ehelẹ wẹ nukọntọ whédo otọ́ yetọn lẹ tọn lẹ sọgbe hẹ kúnkan yetọn lẹ. Jelusalẹm wẹ nukọntọ ehelẹ nọ nọ̀.

29 Jeiẹli he yin otọ́ Gibeọni tọn nọ nọ̀ Gibeọni.+ Oyín asi etọn tọn wẹ Maaka.+ 30 Visunnu plọnji etọn wẹ Abdọni, bọ mẹhe bọdego lẹ wẹ Zuli, Kiṣi, Baali, Nadabi, 31 Gedọli, Ahio po Zekẹli po. 32 Mikloti ji Ṣimẹa. Yemẹpo wẹ nọ nọ̀ fie ma dẹn do nọvisunnu yetọn lẹ to Jelusalẹm to pọmẹ hẹ nọvisunnu yetọn he pò lẹ.

33 Neli+ ji Kiṣi; Kiṣi ji Sauli;+ Sauli ji Jonatani,+ Malki-ṣua,+ Abinadabi+ po Ẹṣbaali*+ po. 34 Visunnu Jonatani tọn wẹ Melibi-baali.*+ Melibi-baali ji Mika.+ 35 Visunnu Mika tọn lẹ wẹ Pitọni, Melẹki, Talea po Ahazi po. 36 Ahazi ji Jehoada; Jehoada ji Alemẹti, Azmavẹti po Zimli po. Zimli ji Moza. 37 Moza ji Binea, Lafahi visunnu etọn, Eleasa visunnu etọn, Azẹli visunnu etọn. 38 Visunnu ṣidopo wẹ Azẹli tindo, oyín yetọn lẹ wẹ Azlikami, Bokelu, Iṣmaeli, Ṣealia, Obadia po Hanan po. Omẹ ehe lẹpo wẹ yin visunnu Azẹli tọn lẹ. 39 Nọvisunnu etọn Eṣẹki sin visunnu lẹ wẹ Ulami plọnji etọn, Jeuṣi he yin awetọ podọ Elifelẹti he yin atọ̀ntọ. 40 Visunnu Ulami tọn lẹ yin awhànfuntọ huhlọnnọ lẹ he yọ́n ogá de, yé sọ tindo visunnu po ovivi sunnu susu po, yèdọ yé omẹ 150. Omẹ ehe lẹpo wẹ yin kúnkan Bẹnjamini tọn.