Hosea
8 “Ze azò de do onù!+
Mẹde ja taidi akùn de nado yinuwa sọta ohọ̀ Jehovah tọn,+
2 Yé nọ to awhádo hlan mi dọ, ‘Jiwheyẹwhe mítọn E, míwlẹ he yin Islaelivi lẹ yọ́n we!’+
3 Islaeli ko gbẹ́ nuhe yin dagbe dai.+
Gbọ kẹntọ de ni dómọna ẹn.
4 Yé ko de ahọlu lẹ, ṣigba e ma yin gbọn yẹn gblamẹ.
Yé ko de ahọvi lẹ, ṣigba yẹn ma kẹalọyi yé.
5 Samalia E, oyìnvu towe ko yin gbigbẹdai.+
Homẹgble ṣie fọ́n do yé ji.+
Nawẹ e na dẹnsọ bọ yé na to awugbopo nado klọ́ yede wé?
6 Na Islaeli dè wẹ ehe wá sọn.
Anazọ́nwatọ de wẹ basi i, e ma yin Jiwheyẹwhe;
Oyìnvu Samalia tọn na yin gbigbà hányán.
Eyin depope sẹ́n janwẹ, be jonọ lẹ wẹ na ze e mì.+
8 Islaeli na yin zize mì.+
Todin, yé na tin to akọta lẹ ṣẹnṣẹn,+
Taidi núzinzan he ma yọ́n-na-yizan de.
9 Na yé ko hẹji yì Asilia dè,+ taidi kẹtẹkẹtẹ gbémẹ tọn he to ṣokẹdẹ de.
Eflaimi ko haya galọtọ lẹ nado yiwanna.+
10 Dile etlẹ yindọ akọta lẹ mẹ wẹ yé haya yé sọn,
Yẹn na bẹ yé pli dopọ;
Yé nasọ jẹ yaji ji,+ na agbàn pinpẹn he ahọlu po ahọvi lẹ po do dó yé ji wutu.
11 Na Eflaimi ko hẹn agbà lẹ sudeji nado waylando.+
Yé ko lẹzun agbà etọn lẹ na ylando wiwà.+
13 Yé nọ basi avọ́nunina lẹ hlan mi bo nọ dù olàn lọ lẹ,
Ṣigba, Jehovah ma tindo homẹhunhun depope to yé mẹ.+
Todin, ewọ na flin nuṣiwa yetọn lẹ bo na sayana yé na ylando yetọn lẹ wutu.+
Ṣigba, yẹn na do miyọ́n hlan tòdaho etọn lẹ mẹ,
Bọ e na fiọ atọ̀họ̀ dopodopo yetọn tọn lẹ.”+