1 Ahọlu lẹ
3 Sọlomọni biọ kanṣiṣa alọwle tọn mẹ hẹ Falo ahọlu Egipti tọn. E dà* viyọnnu Falo tọn+ bo plan ẹn wá Tòdaho Davidi tọn+ mẹ kakajẹ whenue e dotana owhé ewọ lọsu tọn+ po ohọ̀ Jehovah tọn+ po gbigbá gọna adó he lẹdo Jelusalẹm lẹ dido.+ 2 Ṣigba, gbẹtọ lẹ gbẹ́ pò to avọ́san to ofi yiaga lẹ,+ na ohọ̀ de ma ko yin gbigbá na oyín Jehovah tọn to whenẹnu.+ 3 Sọlomọni gbẹ́ yiwanna Jehovah bo nọ zinzọnlin gbọn osẹ́ndoai Davidi otọ́ etọn tọn lẹ ji, ṣigba e gbẹ́ pò to avọ́sinsan po avọ́nunina mimẹ̀ lẹ po basi to ofi yiaga lẹ.+
4 Ahọlu sọ yì Gibeọni bo sanvọ́ to finẹ, na finẹ wẹ ofi yiaga he diyin hugan* lọ te.+ Sọlomọni sọ yí kanlin 1000 do basi avọ́sinsan mimẹ̀ lẹ to agbà enẹ ji.+ 5 Podọ Jehovah sọawuhia Sọlomọni to Gibeọni to odlọ mẹ to zánmẹ, Jiwheyẹwhe sọ dọmọ: “Biọ nuhe hiẹ jlo dọ yẹn ni na we.”+ 6 To whenẹnu, Sọlomọni dọmọ: “Hiẹ ko do owanyi nugbo daho hia devizọnwatọ towe, yèdọ Davidi otọ́ ṣie, dile ewọ yí nugbonọ-yinyin, dodowiwa po ahunjijlọ po do zinzọnlin to nukọn towe. Hiẹ zindonukọn nado to owanyi nugbo daho ehe dohia ẹ kakajẹ egbé gbọn visunnu de nina ẹn nado sinai to ofìn etọn ji dali.+ 7 Podọ todin, Jehovah Jiwheyẹwhe ṣie E, hiẹ ko yí devizọnwatọ towe do doahọlu do otẹn Davidi otọ́ ṣie tọn mẹ, mahopọnna dọ jọja* de poun wẹ yẹn bo ma tindo numimọ.*+ 8 Devizọnwatọ towe tin to omẹ towe he hiẹ ko de lẹ ṣẹnṣẹn,+ yèdọ gbẹtọ he sù sọmọ bọ yé ma sọgan yin sọhayina kavi yin hihia. 9 Enẹwutu, na devizọnwatọ towe ahun tonusise tọn nado sọgan dawhẹ to omẹ towe lẹ ṣẹnṣẹn,+ nado sọgan yọ́n dagbe dovo na oylan,+ na mẹnu wẹ penugo nado dawhẹ to omẹ towe planplan* ehelẹ ṣẹnṣẹn?”
10 Homẹ Jehovah tọn hùn dọ Sọlomọni ko biọ ehe.+ 11 Jiwheyẹwhe sọ dọna ẹn dọmọ: “Na hiẹ ko biọ ehe bo ma biọ gbẹ̀gaa,* adọkun kavi okú* kẹntọ towe lẹ tọn wutu, bọ hiẹ biọ nukunnumọjẹnumẹ nado dawhẹ jijlọ,+ 12 yẹn na wà nuhe a biọ.+ N’na na we ahun nuyọnẹn po nukunnumọjẹnumẹ po tọn,+ sọmọ bọ kẹdẹdile mẹhe taidi hiẹ de ma ko tin pọ́n do, mọjanwẹ hiẹ nkọ de ma nasọ wá tin pọ́n gbede do niyẹn.+ 13 Humọ, yẹn nasọ na we nuhe a ma biọ,+ yèdọ adọkun po gigo po,+ sọmọ bọ ahọlu devo depope ma na tin di hiẹ to gbẹwhenu towe.*+ 14 Podọ, eyin hiẹ nọ zinzọnlin to aliho ṣie lẹ ji gbọn tonusisena aṣẹdai ṣie lẹ po gbedide ṣie lẹ po dali, kẹdẹdile Davidi otọ́ towe ko zinzọnlin do,+ yẹn nasọ na we gbẹ̀gaa.”*+
15 Whenue Sọlomọni fọ́n sọn amlọn mẹ, e mọdọ odlọ de wẹ. Enẹgodo, e yì Jelusalẹm bo nọte to apotin alẹnu Jehovah tọn lọ nukọn bo basi avọ́sinsan mimẹ̀ lẹ po avọ́nunina jijọho tọn+ lẹ po bosọ basi hùnwhẹ daho de na devizọnwatọ etọn lẹpo.
16 To ojlẹ enẹ mẹ, galọtọ awe delẹ biọ họmẹ yì ahọlu dè bo nọte to nukọn etọn. 17 Yọnnu tintan lọ dọmọ: “Jaale, oklunọ ṣie, owhé dopolọ gbè wẹ yẹn po nawe ehe po nọ nọ̀, e sọ to whégbè to whenue n’jivi. 18 Azán atọ̀n to vijiji ṣie godo, nawe ehe lọsu jivi. Mí omẹ awe lẹ gee wẹ topọ; mẹde ma gọ́ na mí to owhé lọ gbè. 19 To zánmẹ, visunnu nawe ehe tọn kú, na ewọ mlọn e ji wutu. 20 Ewọ sọ fọ́n to zánhomẹ bo ze visunnu ṣie sọn adà mẹ na mi to whenue yẹn afanumẹ yọnnu towe to amlọndọ, e sọ ze visunnu lọ do awà etọn mẹ* bo ze visunnu etọn he kú lọ do awà mẹ na mi. 21 Whenue n’fọ́n to afọnnu nado na anọ́ visunnu ṣie, n’mọdọ e ko kú. Enẹwutu, n’blẹ ẹ pọ́n tlintlin to afọnnu bo mọdọ e ma yin visunnu he n’ji niyẹn.” 22 Ṣigba, yọnnu diẹ dọmọ: “Lala, visunnu ṣie wẹ yin dehe togbẹ̀ lọ, bọ visunnu towe wẹ yin kúkú lọ!” Amọ́, yọnnu tintan lọ to didọ dọ: “Lala, visunnu towe wẹ yin kúkú lọ, bọ ṣie wẹ yin dehe togbẹ̀ lọ.” Lehe yé jẹ nudọn ji to ahọlu nukọn do niyẹn.
23 To godo mẹ, ahọlu dọmọ: “Omẹ ehe dọ dọ, ‘Visunnu ṣie die, yèdọ dehe togbẹ̀ lọ, bọ towe wẹ yin kúkú lọ!’ omẹ diẹ dọ dọ, ‘Lala, visunnu towe wẹ yin kúkú lọ, bọ ṣie wẹ yin dehe togbẹ̀ lọ!’” 24 Whenẹnu wẹ ahọlu dọmọ: “Mì ze ohí de wá na mi.” Yé sọ ze ohí de wá na ahọlu. 25 Ahọlu sọ dọmọ: “Mì má ovi he togbẹ̀ lọ do awe bo ze odaa jo na yọnnu ehe podọ odaa na yọnnu diẹ.” 26 To afọdopolọji, yọnnu he sin visunnu togbẹ̀ lọ vẹvẹna ahọlu, na ajikàn sọ́ ẹ na visunnu etọn wutu. E dọmọ: “Jaale, oklunọ ṣie! Mì gbọ bo ze ovi he togbẹ̀ lọ jo na ẹn! Mì hù visunnu lọ blo!” Ṣigba, yọnnu diẹ lọ to didọmọ: “E ma na yin ṣie, mọ e ma na yin towe! Yé ni má ẹn do awe!” 27 To whenẹnu, ahọlu gblọn dọmọ: “Mì ze ovi he togbẹ̀ lọ jo na yọnnu tintan lọ! Mì hù visunnu lọ blo, na yọnnu tintan lọ wẹ onọ̀ etọn.”
28 Islaeli pete sọ sè gando owhẹ̀ he ahọlu dá lọ go, bọ awuji* yé gando ahọlu go,+ na yé mọdọ e tindo nuyọnẹn Jiwheyẹwhe tọn nado dawhẹ dodo.+