Howhinwhẹn lẹ

 2 To ofi yiaga lẹ+ to alitó,

E nọ nọte to aliklan lẹ ji.

 3 Sẹpọ họngbo he biọ tòdaho lọ mẹ lẹ,

Yèdọ họntonu lẹ wẹ e te,

Bo to awhádo mapote po ogbè lélé po+ dọmọ:

 4 “Mì gbẹtọ lẹ emi, mìwlẹ ylọ wẹ n’te;

Yẹn ze ogbè yiaga hlan mẹlẹpo.*

 5 Wunvinọ lẹ emi, mì plọn zinzin;+

Nulunọ lẹ emi, mì tindo nukunnumọjẹnumẹ ahun mẹ tọn.

 6 Mì dotoai, na nuhe dọ n’te yin nujọnu,

Nuhe sọgbe wẹ nùflo ṣie lẹ to didọ;

 7 Na onù ṣie nọ dọ nugbo tọ́n po ogbè dẹẹdẹ po,

Podọ nùflo ṣie lẹ gbẹwanna oylan.

 9 Ohó jijlọ lẹ kẹdẹ wẹ yé yin to nukun mẹhe tindo wuntuntun tọn mẹ

Bosọ sọgbe to nukun mẹhe ko dín oyọnẹn mọ lẹ tọn mẹ.

10 Kẹalọyi mẹplọnlọ ṣie kakati nido yin fataka,

Podọ oyọnẹn kakati nido yin sika dagbe hugan,+

11 Na nuyọnẹn pọnte hú aṣápán* lẹ;

Nudagbe devo depope ma gán yin yiyijlẹdo e go.

12 Yẹn wẹ nuyọnẹn, bọ n’nọ zọnpọ hẹ zinzin;

N’ko mọ oyọnẹn po nugopipe nulẹnpọn tọn po.+

14 N’tindo ayinamẹ dagbe po nuyọnẹn yọ́n-na-yizan po;+

Nukunnumọjẹnumẹ+ po huhlọn+ po sọ tin to dè e.

15 Yẹn wẹ nọ gọalọna ahọlu lẹ nado to gandu,

Podọ ahọluzọnwatọ nukundeji lẹ nado nọ de gbèta dodowiwa tọn lẹ tọ́n.+

16 Yẹn wẹ nọ gọalọna ahọvi lẹ nado to gandu,

Podọ omẹ nukundeji lẹ nado nọ dawhẹ dodo.

17 Mẹhe yiwanna mi lẹ wẹ n’nọ yiwanna,

Podọ mẹhe nọ dín mi lẹ wẹ na mọ mi.+

18 Adọkun po gigo po tin to dè e,

Yèdọ adọkunnu* he nọ dẹn-to-aimẹ po dodowiwa po.

19 Sinsẹ́n ṣie yọ́n hú sika, etlẹ yọ́n hú sika kinkọ̀n,

Podọ sinsẹ́n he n’nọ detọ́n yọ́n hú fataka dagbe hugan.+

20 Yẹn nọ zinzọnlin to ali dodowiwa tọn ji,

Yèdọ to omọ́-liho whẹdida dodo tọn lẹ ṣẹnṣẹn;

21 N’nọ na ogú họakuẹ de mẹhe yiwanna mi lẹ,

N’sọ nọ hẹn agbànhọ yetọn lẹ gọ́ pete.

22 Yẹn wẹ Jehovah dá taidi bẹjẹeji nudida etọn tọn,+

Yèdọ tintan to nuhe ewọ wadotana to ojlẹ dindẹn die lẹ mẹ.+

23 Sọn hohowhenu gbọ́n wẹ n’ko yin didoai,+

Yèdọ to bẹjẹeji, sọn ojlẹ he jẹnukọnna didá aigba tọn gbọ́n.+

24 Yẹn ko tin* whẹpo otọ̀ he siso depope do wá aimẹ,+

Whenue asisa osin tọn depope ma ko tin.

25 Whẹpo osó lẹ do yin didoai,

Podọ whẹpo okọ́ta lẹ do wá aimẹ, yẹn ko tin,

26 Yèdọ whenue ewọ ma ko basi aigba po danji lẹ po

Kavi adà aigba tọn tintan he yin awuwlena lẹ.

27 Yẹn tin to finẹ to whenue ewọ wleawuna olọn lẹ;+

Whenue e de dogbó* de do osin nukunmẹ,+

28 Whenue ewọ do aslọ lẹ ai* do aga,

Whenue e basi asisa osin he siso lẹ tọn,

29 Whenue ewọ degbena ohù

Dọ osin etọn lẹ ma dona zẹ̀ dogbó he emi de na ẹn lẹ go,+

Whenue e do* dodonu aigba tọn lẹ ai,

30 To whenẹnu, yẹn tin to apá etọn taidi azọ́nwatọgan de.+

Homẹ etọn nọ hùn do go e taun+ egbesọegbesọ;

N’sọ nọ jaya to nukọn etọn to whepoponu;+

31 N’nọ jaya, na aigba fininọ he ewọ dá wutu,

Podọ gbẹtọvi lẹ go wẹ homẹ ṣie nọ hùn do taun.

32 To whelọnu lo, visunnu ṣie lẹ emi, mì dotoaina mi;

Mọwẹ, ayajẹnọ wẹ mẹhe nọ zinzọnlin gbọn aliho ṣie lẹ ji.

33 Mì nọ dotoaina mẹplọnlọ+ bo lẹzun nuyọnẹntọ,

Mì dovọ́na ẹn gbede blo.

34 Ayajẹnọ wẹ mẹlọ he nọ dotoaina mi

Bo nọ fọ́nzán wá* ohọ̀n ṣie lẹ kọ̀n egbesọegbesọ,

Bosọ nọ nọte to dòtin ohọ̀n ṣie tọn lẹ pá;

35 Na mẹhe mọ mi na mọ ogbẹ̀,+

Bo nasọ mọ alọkẹyi Jehovah tọn.

36 Ṣigba, ewọ he nọ dovọ́na mi na gbleawuna ede;*

Podọ mẹdepope he gbẹwanna mi yiwanna okú.”+