Galatianu lẹ
3 Mì Galatianu gugutọ lẹ emi! Mẹnu wẹ hẹn mì wá nuyiwadomẹji ylankan ehe glọ,+ dile etlẹ yindọ nukun mìtọn mẹ wẹ Jesu Klisti yin didohia to gbangba te taidi mẹhe yè whè do núgo?+ 2 Ehe wẹ yẹn jlo na kanse mì:* Be mìwlẹ mọ gbigbọ lọ yí na azọ́n osẹ́n tọn lẹ wutu wẹ kavi na yise to nuhe mì sè lẹ mẹ wutu?+ 3 Be mìwlẹ gú sọmọ wẹ? To whenue mì ko bẹjẹeji to gbigbọ-liho* godo, be tadona wẹ mì te to agbasa-liho* ya?+ 4 Be ovọ́ mẹ wẹ mìwlẹ jugbọn yajiji susu sọmọ mẹ ya? E họnwun na mi dọ e ma yin to ovọ́ mẹ. 5 Enẹwutu, be mẹlọ he nọ na mì gbigbọ lọ bo nọ wà azọ́n huhlọnnọ lẹ+ to ṣẹnṣẹn mìtọn, nọ wà ẹ na azọ́n osẹ́n tọn mìtọn lẹ wutu wẹ kavi na yise he mì tindo to nuhe mì sè lẹ mẹ wutu? 6 Kẹdẹdile Ablaham “do yise hia to Jehovah* mẹ bọ e yin hihia hlan ẹn di dodowiwa do.”+
7 Na jide tọn, mìwlẹ yọnẹn dọ mẹhe tindo yise lẹ wẹ yin ovi Ablaham tọn lẹ.+ 8 Todin, na Owe-wiwe mọ hlan dọ Jiwheyẹwhe na lá omẹ akọta lẹ tọn di dodonọ na yise wutu, e lá wẹndagbe lọ jẹnukọn hlan Ablaham dọmọ: “Gbọn hiẹ gblamẹ wẹ akọta lẹpo na yin didona te.”+ 9 Enẹwutu, mẹhe tindo yise lẹ to yinyin didona dopọ hẹ Ablaham he tindo yise.+
10 Mẹhe ganjẹ azọ́n osẹ́n tọn lẹ go lẹpo tin to dẹ̀hodo de glọ, na e ko yin kinkandai dọmọ: “Mẹhodẹ̀do wẹ mẹdepope he ma zindonukọn nado to nuhe yin kinkan do owe-hihá Osẹ́n lọ tọn mẹ lẹpo wà lẹ.”+ 11 Humọ, e họnwun dọ mẹdepope ma nọ yin lilá di dodonọ gbọn osẹ́n dali to Jiwheyẹwhe dè,+ na “dodonọ na nọgbẹ̀ gbọn yise etọn dali.”+ 12 Todin, Osẹ́n lọ ma sinai do yise ji. Kakatimọ, “mẹdepope he nọ wà onú ehelẹ na nọgbẹ̀ gbọn yé dali.”+ 13 Klisti họ̀ mí+ bo tún mí dote+ sọn dẹ̀hodo Osẹ́n lọ tọn glọ gbọn lilẹzun mẹhodẹ̀do do otẹn mítọn mẹ dali, na e ko yin kinkandai dọmọ: “Mẹhodẹ̀do wẹ mẹdepope he yin zizepla pòtin de go.”+ 14 Ehe yinmọ, na dona Ablaham tọn nido yin hinhẹnwa na akọta lẹ gbọn Klisti Jesu gblamẹ,+ na mí nido sọgan mọ gbigbọ he yè dopagbe etọn+ lọ yí gbọn yise mítọn gblamẹ.
15 Mẹmẹsunnu lẹ emi, apajlẹ gbẹtọ tọn de wẹ yẹn yí do to hodọ dọmọ: To whenue alẹnu de yin hinhẹn lodo, etlẹ yin gbọn gbẹtọ de dali, mẹdepope ma nọ zẹhudo e ji kavi yí nude dogọ ẹ gba. 16 Todin, opagbe lọ lẹ yin dido na Ablaham podọ na kúnkan* etọn.+ E ma dọ, “podọ na kúnkan* towe lẹ,” taidi na mẹsusu. Kakatimọ, e dọ, “podọ na kúnkan* towe,” taidi na mẹdopo, he yin Klisti.+ 17 Humọ, yẹn dọ ehe dọmọ: Osẹ́n lọ he wá aimẹ to owhe 430 godo+ ma hẹn alẹnu he Jiwheyẹwhe basi wayi lọ zun ovọ́, bo de opagbe lọ sẹ̀ gba. 18 Na eyin osẹ́n ji wẹ ogú lọ sinai do, be e masọ sinai do opagbe de ji ba; ṣigba Jiwheyẹwhe ko gbọn homẹdagbe dali na ogú lọ Ablaham gbọn opagbe de gblamẹ.+
19 To whelọnu lo, naegbọn Osẹ́n lọ do yin nina? E yin yiyidogọ nado hẹn sẹ́nhẹngba lẹ sọawuhia,+ kakajẹ whenue kúnkan* lọ na wá,+ yèdọ mẹhe opagbe lọ ko yin dido na; podọ e yin nina gbọn angẹli lẹ gblamẹ+ gbọn alọ whẹgbọtọ de tọn mẹ.+ 20 Todin, whẹgbọtọ de ma nọ tin eyin mẹdopo gee go wẹ e gando, ṣigba Jiwheyẹwhe yin mẹdopo gee. 21 Enẹwutu, be Osẹ́n lọ sọta opagbe Jiwheyẹwhe tọn lẹ wẹ ya? Gbede pọ́n! Na eyin osẹ́n de ko yin nina he penugo nado namẹ ogbẹ̀ wẹ, na taun tọn, dodowiwa na ko wá aimẹ gbọn osẹ́n gblamẹ. 22 Ṣigba, Owe-wiwe ko hẹn nulẹpo zun mẹmẹglọ na ylando, na opagbe lọ he sinai do yise tintindo to Jesu Klisti mẹ ji nido sọgan yin nina mẹhe to yise dohia lẹ.
23 Ṣigba, whẹpo yise do wá, mí tin to hihọ́-basinamẹ osẹ́n tọn glọ, bo nọ yin hinhẹn zun mẹmẹglọ dopọ, bosọ nọ to nukundo yise he dona yin didehia lọ.+ 24 Enẹwutu, Osẹ́n lọ ko lẹzun mẹgopọntọ* mítọn he deanana mí yì Klisti dè,+ na míwlẹ nido sọgan yin lilá di dodonọ na yise wutu.+ 25 Ṣigba, todin he yise ko wá,+ mí masọ tin to mẹgopọntọ*+ de glọ ba.
26 Na nugbo tọn, ovi Jiwheyẹwhe tọn+ wẹ mìmẹpo gbọn yise he mì tindo to Klisti Jesu mẹ lọ gblamẹ.+ 27 Na mìmẹpo he yin bibaptizi to Klisti mẹ ko ze Klisti dogo.+ 28 Ju kavi Glẹkinu de ma tin,+ afanumẹ kavi mẹhe to edekannu de ma tin,+ sunnu kavi yọnnu de ma tin,+ na dopo wẹ mìmẹpo to kọndopọ mẹ hẹ Klisti Jesu.+ 29 Humọ, eyin mìwlẹ yin Klisti tọn, be na taun tọn, kúnkan* Ablaham tọn+ wẹ mì yin, yèdọ gudutọ+ opagbe de tọn lẹ.+