Howhinwhẹn lẹ
2 Devizọnwatọ he tindo zinzin na dugán do visunnu he walọ etọn huwinyan ji;
Bo na tlẹ sọ mọ ogú yí di dopo to visunnu lọ lẹ mẹ.
3 Ozẹ́n gànkinkọ̀n tọn tin na fataka podọ zòhọ tin na sika,+
Ṣigba, Jehovah wẹ nọ gbeje ahun lẹ pọ́n.+
4 Mẹylankan wẹ nọ na ayidonugo hodidọ he nọ gbleawunamẹ,
Bọ mẹklọtọ nọ dotoaina odẹ́ he nọ klọmẹ.+
5 Mẹdepope he nọ ṣàn wamọnọ kò to Mẹdatọ etọn vlẹko,+
Podọ mẹdepope he nọ jaya to nugbajẹmẹji mẹdevo tọn mẹ ma na nọma yin yasana.+
7 Ohó he sọgbe* ma jẹna gugutọ.+
Mọjanwẹ ohó lalo ma jẹna gandutọ* de do niyẹn!+
8 Nunina de nọ taidi zannu akuẹgegenu tọn* to nukun mẹhe tindo e tọn mẹ;+
Fidepope he e lẹhlan, e nọ tindo kọdetọn dagbe.+
9 Mẹdepope he nọ jo nuṣiwa namẹ* to owanyi dín,+
Ṣigba, mẹhe nọ to gigọwa whẹho de ji mapote nọ klan họntọn alọmayiemẹ lẹ.+
11 Mẹylankan ma nọ dín nudevo hú nado ṣiatẹ,
Ṣigba, wẹnsagun he ma tindo lẹblanu wẹ na yin didohlan nado sayana ẹn.+
12 E pọnte nado pé beali he hẹn ovi etọn lẹ bu
Hú nado dukosọ hẹ nulunọ de to nulú etọn mẹ.+
13 Eyin mẹde nọ yí oylan do sú dagbe họ́,
Oylan ma na nọla na whédo etọn.+
14 Avùn de bibẹjẹeji nọ taidi whenue dogbó osin tọn lẹ yin hùnhùn;
Whẹpo whẹgbè nido bẹ, yawu tọ́n sọn finẹ.+
15 Mẹhe suwhẹna mẹylankan po mẹhe gblewhẹdo dodonọ po+
—Osùnú de wẹ yé omẹ awe lẹ yin na Jehovah.
16 Ale tẹwẹ tin to e mẹ eyin nulunọ de tindo nuhe na hẹn ẹn nado bẹ nuyọnẹn pli
To whenuena e yindọ ewọ ma tindo ahun dagbe nado kẹalọyi i?*+
17 Họntọn nugbo nọ yiwannamẹ to whelẹponu+
Podọ nọvisunnu he go yè sọgan dejido to ojlẹ ayimajai tọn lẹ mẹ wẹ ewọ.+
18 Mẹhe zinzin* whèdo nọ na alọ mẹdevo nado yin alọyitọ etọn bosọ nọ yigbe
Nado yí ede do basi alọyitọ mẹlọ tọn to kọmẹnu etọn nukọn.+
19 Mẹhe yiwanna avùn yiwanna sẹ́nhẹngba.+
Mẹdepope he hẹn họngbo etọn yiji hùn dotẹnmẹ dote na aijijẹ ajiji.+
21 Otọ́ he ji ovi nulunọ na nọ blawu;
Podọ otọ́ he ji ovi gugutọ ma nọ tindo ayajẹ depope.+
24 Nuyọnẹn tin to mẹhe tindo wuntuntun nukọn tlọlọ,
Ṣigba, nukun nulunọ tọn nọ to dindanpe kaka yì opodo aigba tọn lẹ.+
26 E ma yọ́n nado nọ sayana* dodonọ,
Podọ e ma sọgbe nado hò omẹ nukundeji.
28 Nulunọ he nabọẹ tlẹ nọ yin pinpọnhlan di nuyọnẹntọ,
Podọ mẹhe nọ bọ̀ nùflo etọn do taidi wuntuntunnọ.